Hava Nagila
Hava Nagila (hebree הבה נגילה, trad. lasu nin ĝoji) estas festa kanto, aparte populara inter laikaj judaj kaj cigankomunumoj, kiu originis inter ĥasidaj judoj[1] kaj fariĝis daŭra programnumero por judaj geedziĝoj, barmicvaj festadoj kaj aliaj similaj okazaĵoj. La populareco de la kanto estas tia, ke multaj konsideras ĝin popola. Dum la jarcento, la ritmo estis ŝanĝita plurajn fojojn kaj la moderna versio estas iom diferenca de la originalo. La kanto estis tradukita kaj adaptita en multajn lingvojn.
| Hava Nagila | |||||
|---|---|---|---|---|---|
| Artisto | Abraham Zevi Idelsohn | ||||
| Publikigo | 1918 | ||||
| |- | muzika ekzemplo | ||||
La melodio reprezentanta la klezmeran popolmuzikon de eŭropaj aŝkenazaj judoj ricevis siajn hebreajn vortojn nur komence de la 20-a jarcento. La populareco de la simpla kaj alloga melodio disvastiĝis trans naciaj limoj, kaj centoj da muzikistoj registris siajn proprajn versiojn de ĝi, inkluzive de Harry Belafonte, Bob Dylan kaj Pete Townshend, kaj en Finnlando Carola, Marion, Matti kaj Teppo kaj multaj aliaj.
La teksto de la kanto estis skribita en 1917 por festi la venkon de Britio en la Unua Mondmilito en Palestino kaj la Balfour Deklaracio, en kiu Britio kondiĉe apogis cionismajn planojn por juda nacia hejmo en Palestino. La tekston de la kanto verkis Abraham Zvi Edelson[2]. La melodio estas ukraina, tre populara ĉe la regiono Bukovino.
Tekstoj kaj melodio redakti
| Testo in ebraico | Traslitterazione | Traduzione |
|---|---|---|
| הבה נגילה | Hava nagila | Ni ĝoju |
| הבה נגילה | Hava nagila | Ni ĝoju |
| הבה נגילה ונשמחה | Hava nagila venismecha | Ni ĝoju kaj estu gajaj! |
| (ripetu du-foje) | ||
| הבה נרננה | Hava neranena | Ni kantu |
| הבה נרננה | Hava neranena | Ni kantu |
| הבה נרננה ונשמחה | Hava neranena venismecha | Ni kantu kaj estu gajaj! |
| (ripetu du-foje) | ||
| !עורו, עורו אחים | Uru, uru achim! | Vekiĝu, vekiĝu fratoj! |
| עורו אחים בלב שמח | Uru achim belev sameach | Vekiĝu fratoj kun felica koro |
| (ripetu kvar-foje) | ||
| !עורו אחים, עורו אחים | Uru achim, uru achim! | Vekiĝu fratoj, vekiĝu fratoj! |
| בלב שמח | B'lev sameach | Kun felica koro |
Referencoj redakti
- ↑ (en) «Hava Nagila’s Long, Strange Trip. The unlikely history of a Hasidic melody.». My Jewish Learning. «Like many modern Israeli and popular Jewish songs, Hava Nagila began its life as a Hasidic melody in Eastern Europe»
- ↑ (en) Yudelson, Larry. «Who wrote Havah Nagilah?». RadioHazak.
.jpg){kind=link}