Connecticut

Connecticut (Engels: State of Connecticut, afgekort CT) is 'n deelstaat in die Nieu-Engeland-streek van die Verenigde State van Amerika.^[1] Die hoofstad is Hartford en die grootste stad is Bridgeport. Dit het 'n oppervlakte van 14 356 vierkante kilometer en 'n bevolking van sowat 3,6 miljoen. Dit was die vyfde deelstaat wat tot die Unie toegelaat is. Connecticut word in die noorde deur Massachusetts, in die ooste deur Rhode Island, en in die weste deur New York begrens. In die suide lê die Long-Island-Sont en die Atlantiese Oseaan.

Deelstaat Connecticut
Vlag van Connecticut Seël
Bynaam(e): The Constitution State, The Nutmeg State
Amptelike taal(e)	Geen. (Engels is de facto)
Hoofstad	Hartford
Grootste stad	Bridgeport
Area	48ste in die V.S.
- Totaal	14 356 km2
- Wydte	113 km
- Lengte	177 km
- Water	1 809 km2
- % water	12,6 %
- Breedtegraad	40°58′ N tot 42°03′ N
- Lengtegraad	71°47′ W tot 73°44′ W
Bevolking	29ste in die V.S.
- Totaal	3 574 097
- Digtheid	249/km2 4de in die V.S.
Hoogte
- Hoogste punt	Mount Frissell 725 m
- Gemiddeld	150 m
- Laagste punt	Long Island Sound seevlak
Toetrede tot die Unie	9 Januarie 1788 (5de)
Goewerneur	Ned Lamont (D)
Luitenant-Goewerneur	Susan Bysiewicz (D)
Wetgewer	Connecticut Algemene Vergadering
- Hoërhuis	Senaat
- Laerhuis	Huis van Verteenwoordigers
V.S. Senatore	Richard Blumenthal (D) Chris Murphy (D)
Tydsone	UTC-5 / Somertyd: UTC-4
Afkortings	CT US-CT
Webblad	www.ct.gov

Voor die 17de eeu is die gebied deur die inheemse Mohegan-stam bewoon. Die eerste ontmoeting tussen die inwoners en Europeërs het plaasgevind toe die Nederlandse ontdekkingsreisiger Adriaen Block die gebied in 1614 besoek het.

Connecticut se byname is The Constitution State en The Nutmeg State. Die naam Connecticut kom van die Mohegaanse woord quinnitukqut wat beteken 'plek van die lang getyrivier'.