Vinstrihreyfingin – grænt framboð

• Formaður: Guðmundur Ingi Guðbrandsson
• Varaformaður: Jana Salóme Ingibjargar Jósepsdóttir
• Ritari: Jana Salóme Ingibjargar Jóspesdóttir
• Gjaldkeri: Steinar Harðarson
• Andrés Skúlason
• Elín Björk Jónasdóttir
• Sigríður Gísladóttir
• Óli Halldórsson
• Hólmfríður Árnadóttir
• Maarit Kaipainen
• Pétur Heimisson

UVG breyta

Ung vinstri græn stofnuðu með sér formlegan samstarfsvettvang haustið 2000. Þó svo að Ung vinstri græn séu ungliðahreyfing Vinstrihreyfingarinnar – græns framboðs þá þýðir það ekki að UVG sé í einu og öllu sammála móðurflokknum. Þvert á móti hefur verið lögð á það mikil áhersla í starfi ungliðahreyfingarinnar að hún taki sjálfstæða afstöðu til allra mála því þannig veiti hún móðurflokknum best aðhald.

EVG breyta

Á haustdögum 2005 var ákveðið í samráði við Steingrím J. Sigfússon, að gera tilraun til að mynda hóp eldri borgara sem væru félagar eða stuðningsmenn Vinstri grænna. Eldri vinstri græn hittast að meðaltali einu sinni í mánuði.

Formenn		Kjörinn	Hætti	Aldur við embættistöku
	Steingrímur J. Sigfússon	1999	2013	44
	Katrín Jakobsdóttir	2013	2024	37
	Guðmundur Ingi Guðbrandsson	2024	Enn í embætti	47

Varaformenn breyta

Landsfundur er æðsta vald flokksins en hann er haldinn á tveggja ára fresti. Á landsfundi er kosin stjórn flokksins og flokksráð. Í stjórn flokksins sitja 11 aðalmenn auk 4 varamanna og fer þessi hópur með daglega stjórn flokksins í samræmi við lög og samþykktir. Stjórnin hittist mánaðarlega. Flokksráð er æðsta vald flokksins milli landsfunda en það mynda aðal- og varamenn í flokksstjórn, þingmenn, varaþingmenn, sveitarstjórnarfulltrúar, formenn kjördæmisráða, formenn svæðisfélaga, fulltrúi ungliðahreyfingar flokksins og 40 fulltrúar sem kosnir eru sérstaklega af landsfundi. Varaformaður flokksstjórnar er jafnframt formaður flokksráðs.

Kjörfylgi VG fór úr 21,7% í kosningum 2009 í 10,9% árið 2013, sem jafngildir tæplega helmings fylgistapi. Á kjörtímabilinu var tekist á innanflokks um ýmis erfið deilumál sem hreyfingin þurfti að taka afstöðu til í ríkisstjórnarsamstarfi með Samfylkingunni (t.a.m. aðildarumsókn að Evrópusambandinu, Icesave og stjórnarskrármálið). Sögðu fjórir þingmenn hreyfingarinnar sig úr þingflokknum á kjörtímabilinu 2009 - 2013. Þá lét Guðfríður Lilja Grétarsdóttir af þingmennsku um áramótin 2012 - 2013. Í kosningunum 2013 tapaðist ekki síst fylgi út á landsbyggðinni. Í Norðvesturkjördæmi fékk flokkurinn 22,8% í kosningunum 2009 og þrjá þingmenn kjörna, þau Jón Bjarnason, Lilju Rafneyju Magnúsdóttur og Ásmund Einar Daðason. Árið 2011 gekk Ásmundur Einar til liðs við Framsóknarflokkinn eftir deilur innan hreyfingarinnar um Icesave og Evrópusambandsumsóknina. Jón Bjarnason sagði sig úr þingflokki VG í upphafi árs 2013 og leiddi J-lista Regnbogans í Norðvesturkjördæmi í kosningunum 2013. VG fékk 8,5% atkvæða í kjördæminu árið 2013 og Lilja Rafney náði kjöri sem jöfnunarþingmaður. Í Norðausturkjördæmi vann VG ákveðinn varnarsigur, fékk tæp 16% atkvæða og tvo þingmenn kjörna. Í Suðurkjördæmi hrundi fylgi hreyfingarinnar úr 17,1% árið 2009 í 5,9% árið 2013. Það má að hluta til rekja til úrsagnar Atla Gíslasonar úr hreyfingunni. Í höfuðborginni blasti fylgistap einnig við flokknum. Hreyfingin missti einn þingmann í hvoru Reykjavíkurkjördæminu og hefur nú þrjá þingmenn í Reykjavík. Ögmundur Jónasson náði kjöri í Suðvesturkjördæmi. Þar fékk hreyfingin 7,9% atkvæða í kosningunum 2013 en hafði fengið 17,4% atkvæða í kosningunum 2009 þegar tveir menn náðu kjöri.

Eins og staðan er í dag hefur Vinstrihreyfingin - grænt framboð 8 sveitarstjórnarfulltrúa í 6 sveitarfélögum auk þess sem að fjöldi félaga hefur tekið sæti á blönduðum listum sem víða fara með meirihlutavald.

Hreyfingin situr í ríkisstjórn með Sjálfstæðisflokki og Framsóknarflokki. Katrín Jakobsdóttir er forsætisráðherra, Svandís Svavarsdóttir heilbrigðisráðherra og Guðmundur Ingi Guðbrandsson er umhverfisráðherra.

VG er í meirihluta í eftirfarandi sveitarfélögum:

• Borgarbyggð: Með Sjálfstæðisflokknum og Samfylkingunni og óháðum
• Mosfellsbær: Með Sjálfstæðisflokknum
• Norðurþing: Með Sjálfstæðisflokknum og Samfylkingunni og öðru félagshyggjufólki
• Reykjavík: Með Samfylkingunni, Pírötum og Viðreisn

Flokkurinn hefur verið gagnrýndur fyrir ósamræmi í stefnu og framkvæmd. Þannig hafi flokkurinn löngum haft úrsögn úr NATO á stefnuskrá en setið í ríkisstjórn á sama tíma og NATO gerði loftárásir á Líbyu árið 2011 og þannig borið pólitíska ábyrgð á þeim.^[1]

Þingflokkur Vinstrihreyfingarinnar - græns framboðs er skipaður neðangreindum þingmönnum:

• Bjarkey Gunnarsdóttir, 3. þingmaður Norðausturkjördæmis
• Bjarni Jónsson, 4. þingmaður Norðvesturkjördæmis
• Guðmundur Ingi Guðbrandsson, 4. þingmaður Suðvesturkjördæmis
• Jódís Skúladóttir, 10. þingmaður Norðausturkjördæmis
• Eva Dögg Davíðsdóttir, 2. þingmaður Reykjavíkurkjördæmis norður
• Orri Páll Jóhannsson, 10. þingmaður Reykjavíkurkjördæmis suður
• Steinunn Þóra Árnadóttir, 7. þingmaður Reykjavíkurkjördæmis norður
• Svandís Svavarsdóttir, 2. þingmaður Reykjavíkurkjördæmis suður

• Jafnaðarstefna á Íslandi
• Klassísk rit jafnaðarsinna á Íslandi
• Félagshyggja
• Jafnaðarstefna
• Alþýðubandalagið

• Heimasíða Vinstri hreyfingarinnar - græns framboðs