Leinster Rugby
Leinster Rugby ((ga) Rugbaí Laighean) is een van die vier professionele rugbyspanne op die Ierse eiland. Hulle ding mee in die Guiness Pro14, Europese Rugbykampioenebeker, Europese Rugbyuitdaagbeker. Die span verteenwoordig die IRVU Leinster-tak, wat een van die vier hooftakke van die IRVU is, en is verantwoordelik vir rugby in die geografiese provinsie van Leinster. Leinster is die suksesvolste van die Ierse spanne.
| Leinster | ||||
| Unie | Ierse Rugbyvoetbalunie | |||
| Stigting | 1879 | |||
| Stadion | RDS Arena, Dublin Aviva-stadion, Dublin | |||
| Kapasiteit | 18 500 51 700 | |||
| Afrigter(s) |  Leo Cullen | |||
| Kaptein(s) |  Isa Nacewa | |||
| Liga(s) | Guiness Pro14 | |||
| 2017-’18 | Kampioen (2de na rondomtalie) | |||
       Spankleure |   Alt. kleure | |||
Statistiek | ||||
|---|---|---|---|---|
| Meeste wedstryde | 257 Gordon D’Arcy | |||
| Meeste punte | 1 538 Jonathan Sexton | |||
| Meeste drieë | 69 Shane Horgan | |||
| Amptelike webwerf | ||||
| www.leinsterrugby.ie | ||||
Leinster se tuiswedstryde word op die RDS Arena en die Aviva-stadion, wanneer die RDS nie voldoende is nie,[1] in Dublin gespeel en daar is plek vir onderskeidelik 18 500 en 51 700 toeskouers. Voordat die RDS Arena in 2005 Leinster se tuisveld geword het, was Donnybrookstadion die tuisveld. Die span speel hoofsaaklik in blou en die span se wapen bestaan uit ’n harp, na aanleiding van die vlag van Leinster, binne ’n rugbybal.
Leinster het, soos die ander Ierse spanne, in 1995 professioneel geword en neem sedert 2001 aan die Pro14 en sy verskeie voorgangers (naamlik Pro12, Magners-liga en Keltiese Liga) deel en hulle het daarvoor om die Ierse provinsiale kampioenskap meegeding.[2] ”Leinster A” neem aan die Britse en Ierse Beker deel. Leinster het reeds vier keer die Pro14 gewen en was drie keer die Europese kampioene.
Kleure en wapen wysig
Die huidige wapen is in 2005 in gebruik geneem aangesien Leinster Rugby nie kopiereg op die worige wapen gehad het nie. Die nuwe gestileerde wapen is spesifiek vir Leinster Rugby ontwerp omdat dit die harp en ’n rugbybal insluit.[3] Die Leinster Rugby-wapen is te sien op alle ampteliks klubhandelsware, insluitend replikatruie.
Die provinsie se huidige drag is blou met ’n wit harp en twaalf vlootblou lyne wat die twaalf distrikte van Leinster voorstel. Hul sekondêre drag is vir met ’n blou harp en twaalf blou lyne.
Die Leinstertrui bevat ook drie sterre bo die wapen om die drie Europese Beker-titels wat die provinsie tot op hede gewen het, voor te stel.
Tuisvelde wysig
RDS Arena wysig
Leinster se huidige tuisveld is die RDS Arena.[4] Die eerste wedstryde op die RDS Arena is gedurende die 2006-’07-Heinekenbekerseisoen hier gespeel. Teen die volgende seisoen is al die span se wedstryde daarheen verplaas. Sedert Leinster daar begin speel het, is die stadion herontwikkel. Die arena bied plek vir 18 500 toeskouers waarvan die meeste sitplekke is. Aangesien die RDS ’n perdespringarena bly, kan die noordelike en suidelike paviljoene verwyder word. ’n dak is gebou om die hoofpaviljoen oorkant die voorafbestaande Angleseapaviljoen te bedek.[5] Die RDS sal tot 2027 Leinster se tuisveld wees na ’n ooreenkoms wat in 2007 onderteken is.[6]
In Julie 2014 is ’n ontwerpskompetisie vir die ontwikkeling van die arena in ’n wêreldgehalte- 25 000-sitplek stadion, deur die RDS en Leinster Rugby aangekondig, met werk wat in April 2016 ’n aanvang sou neem.[7] Die verkoop van die naamsregte was ’n sleutelkomponenet in die befondsing van die projek met aanvanklike voorgestelde begroting van €20 miljoen.[8]
Aviva-stadion wysig
Vir groot wedstryde waarin die RDS Arena nie aan genoegsame sitplek kan voorsien nie, speel Leinster hul wedstryde op die Aviva-stadion wat sitplek vir 51 700 mense het. Dit is dikwels belngrike wedstryde in die Europese Beker of die Pro14 teen plaaslike teenstanders. Hulle het in 2010 hul eerste tuiswedstryd aldaar teen Munster gespeel met die stadion wat vir die eerste keer volgepak was.[9] Leinster was tot in Desember 2012 onoorwonne op die Aviva-stadion toe hulle met 21-28 teen Clermont verloor het.
Donnybrookstadion wysig
Leinster se tradisionele tuiste oor die jare was Donnybrookstadion in Dublin. Donnybrook bestaan uit ’n enkele onderdakstadion en drie oop terrasse. Om groeiende toeskouergetalle tegemoet te kom, het Leinster na die RDS Arena geskuif; die 6 000 sitplekke op Donnybrook het te min geraak.[10] Om hierdie rede het Dublin ’n langtermynhuurooreenkoms met die Koninklike Dublingenootskap aangegaan om hul tuiswedstryde op die RDS Arena te speel. Donnybrook is egter intussen opgeknap met ’n herbou van die hoofpaviljoen in 2008[11] en bly ’n belangrike plek vir rugby in Dublin.[12]
Weens beperkte spasie is dit onwaarskynlik dat Donnybrook verder ontwikkel sal word. Leinster A speel egter steeds hul wedstryde om die Britse en Ierse Beker op die stadion en die seniorspan speel steeds voorseisoen- vriendskaplike wedstryde op die stadion. Die meeste wedstryde om die Leinster Skolebeker word ook op die stadion gespeel.[13][14]
Seisoenbepalings wysig
Keltiese Liga/Pro12/Pro14 wysig
Seisoen Pos Gespeel Gewen Gelyk Verloor BP Punte Notas 2001-’02 1ste (Poel A) 7 7 0 0 0 21 Wen in eindstryd teen Munster 2002-’03 5de (Poel B) 7 3 0 4 6 18 2003-’04 8ste 22 9 1 12 9 47 2004-’05 3de 20 12 1 7 7 57 2005-’06 2de 20 14 0 6 10 74 2006-’07 3de 20 12 1 7 11 61 2007-’08 1ste 18 13 1 4 7 61 Geen uitspeelrondtes. Wen op ligapunte. 2008-’09 3de 18 11 1 6 6 52 2009-’10 1ste 18 13 0 5 3 55 Verloor in eindrondte teen Ospreys 2010-’11 2de 22 15 1 6 8 70 Verloor in eindrondte teen Munster 2011-’12 1ste 22 18 1 3 7 81 Verloor in eindrondte teen Ospreys 2012-’13 2de 22 17 0 5 10 78 Wen teen in eindrondte Ulster 2013-’14 1ste 22 17 1 4 12 82 Wen in eindrondte teen Glasgow Warriors 2014-’15 5de 22 11 3 8 12 62 2015-’16 1ste 22 16 0 6 9 73 Verloor in eindrondte teen Connacht 2016-’17 2de 22 18 0 4 13 85 Verloor in halfeindrondte teen Scarlets 2017-’18 2de 21 14 1 6 12 70 Wen in eindstryd teen Scarlets 2018-’19 3de 21 15 1 5 14 76
Heinekenbeker/Rugbykampioenebeker wysig
Seisoen Poel/Rondte Pos Gespeel Gewen Gelyk Verloor BP Punte Notas 1995-’96 Poel C 1ste 2 2 0 0 – 4 Verloor in halfeindrondte teen Cardiff 1996-’97 Poel B 3de 4 2 0 2 – 4 1997-’98 Poel A 3de 6 2 0 4 – 4 1998-’99 Poel A 4de 6 2 0 4 – 4 1999-’00 Poel 1 2de 6 4 0 2 – 8 2000-’01 Poel 1 2de 6 3 1 2 – 7 2001-’02 Poel 6 1ste 6 5 0 1 – 10 Verloor in kwarteindrondte teen Leicester Tigers 2002-’03 Poel 4 1ste 6 6 0 0 – 12 Verloor in halfeindrondte teen Perpignan 2003-’04 Poel 3 2de 6 4 0 2 2 18 2004-’05 Poel 4 1ste 6 6 0 0 2 26 Verloor in kwarteindrondte teen Leicester Tigers 2005-’06 Poel 5 2de 6 4 0 2 6 22 Verloor in halfeindrondte teen Munster 2006-’07 Poel 2 1ste 6 4 0 2 5 21 Verloor in kwarteindrondte teen London Wasps 2007-’08 Poel 6 3de 6 3 0 3 0 12 2008-’09 Poel 2 1ste 6 4 0 2 4 20 Wen in eindrondte teen Leicester Tigers 2009-’10 Poel 6 1ste 6 4 1 1 4 22 Verloor in halfeindrondte teen Toulouse 2010-’11 Poel 2 1ste 6 5 0 1 4 24 Wen in eindrondte teen Northampton Saints 2011-’12 Poel 3 1ste 6 5 1 0 2 24 Wen in eindrondte teen Ulster 2012-’13 Poel 5 2de 6 4 0 2 4 20 2013-’14 Poel 1 1ste 6 5 0 1 2 22 Verloor in kwarteindrondte teen Toulon 2014-’15 Poel 2 1ste 6 4 1 1 2 20 Verloor in halfeindrondte teen Toulon 2015-’16 Poel 5 4de 6 1 0 5 2 6 2016-’17 Poel 4 1ste 6 4 1 1 5 23 Verloor in halfeindrondte teen Clermont
Europese Rugbyuitdaagbeker wysig
Seisoen Poel/Rondte Pos Gespeel Gewen Gelyk Verloor BP Punte Notas 2012-’13 Wen in eindrondte teen Stade Français
Huidige span wysig
Leinster se span vir die 2017-’18-seisoen:
Stutte Hakers Slotte | Losvoorspelers
Skrumskakels Losskakels | Senters Vleuels Heelagters |
Eksterne skakel wysig
- (en) Amptelike werf
- (en) Leinster Ondersteunerswerf en -forum
- (en) Leinster Rugby blad op The Irish Times
- (en) Nie-amptelike Leinster-kalender & uitslae
Verwysings wysig
- ↑ "Leinster gaan twee wedstryde op Aviva speel". The Irish Times (in Engels). 8 Augustus 2010. Geargiveer vanaf die oorspronklike op 21 Oktober 2012. Besoek op 18 Augustus 2010.
- ↑ (en) "Ierse Interprovinsiale rugbykampioenskap". BBC Sport. 1 September 2000. Besoek op 14 Julie 2012.
- ↑ (en) About Leinster Rugby:Harp Geargiveer 21 Desember 2010 op Wayback Machine Leinster Rugby
- ↑ (en) RDS Arena, Dublin WorldStadia.com
- ↑ (en) Hoofpaviljoendak gereed vir nuwe seisoen Leinster Rugby, 19 Julie 2008
- ↑ (en) http://www.leinsterrugby.ie/olsc/6278.php
- ↑ (en) http://www.leinsterrugby.ie/news/12157.php#.U_xnJ2O9aFE
- ↑ (en) http://thescore.thejournal.ie/leinster-rds-stadium-redeveloped-1566090-Jul2014/?&r_dir_d=1
- ↑ (en) http://www.universityobserver.ie/2010/10/02/spirited-leinster-overcome-munster-at-the-aviva-stadium/ Geargiveer 5 Januarie 2015 op Wayback Machine
- ↑ (en) Sport hou aan tel Geargiveer 21 Julie 2011 op Wayback Machine Marketing – Ierland se Maandelikse Bemarking- & Mediatydskrif
- ↑ (en) Aanwysings & Kaarte: Hoe om ons op te spoor Leinster Rugby
- ↑ "About Leinster Rugby: The Branch" (in Engels). Leinster Rugby. Geargiveer vanaf die oorspronklike op 24 Oktober 2016. Besoek op 28 Augustus 2014.
- ↑ (en) Leinster benoem span vir Queensland Geargiveer 1 September 2008 op Wayback Machine RTÉ Sport, 29 Augustus 2008
- ↑ (en) Kaartjie oor vir London Irish op Vrydag… Leinster Rugby, 24 Augustus 2009