Bosniya və Herseqovina Avroviziya Mahnı Müsabiqəsində
Bosniya və Herseqovina Avroviziya Mahnı Müsabiqəsinə ilk dəfə 1993-cü ildə qoşulmuş və ümumilikdə 19 dəfə müsabiqədə iştirak etmişdir. Ölkə daha öncə 1961-ci ildən 1991-ci ilə kimi Avroviziyada Yuqoslaviya Sosialist Federativ Respublikasının tərkibində iştirak etmişdir. Bosniya və Herseqovina müsabiqədə göstərdiyi zəif nəticələrə görə 1998 və 2000-ci illərdə Avropa Yayım İttifaqının qərarı ilə müsabiqədən kənarlaşdırılmışdır. 2004-cü ildə Avroviziyada yarımfinal mərhələsinin tətbiqindən sonra Bosniya və Herseqovina hər il müsabiqənin finalına vəsiqə qazansa da, ilk dəfə 2016-cı ildə ölkə təmsilçiləri yarımfinalda məğlub olmuşdur.
Bosniya və Herseqovina Avroviziyada iştirak etdiyi illər ərzində heç vaxt qalib olmamışdır və ən yaxşı nəticəsi 2006-cı ildə Hari Mata Harinin ifa etdiyi "Lejla" mahnısı ilə əldə etdiyi 3-cü yerdir. 2013-cü ildə ciddi maliyyə çətinlikləri ilə üzləşən ölkənin Avroviziyada iştirak etməyəcəyi açıqlanmışdır. Bosniya və Herseqovina üç illik fasilədən sonra 2016-cı ildə müsabiqəyə geri dönsə də, 2017-ci ildə yenidən maliyyə problemləri səbəbi ilə ölkənin müsabiqədə iştirakı baş tutmamışdır.
Təmsilçilər
redaktə| 1993 | Boşnakca | Fazla | "Sva bol svijeta" | 16 | 27 | 2 | 52 |
| 1994 | Boşnakca | Alma Çardjiç və Deyan Lazareviç | "Ostani kraj mene" | 15 | 39 | ||
| 1995 | Boşnakca | Davorin Popoviç | "Dvadeset prvi vijek" | 19 | 14 | ||
| 1996 | Boşnakca | Amila Qlamoçak | "Za našu ljubav" | 22 | 13 | 21 | 29 |
| 1997 | Boşnakca | Alma Çardjiç | "Goodbye" | 18 | 22 | ||
| 1999 | Boşnakca, Fransızca | Dino Merlin və Beatris | "Putnici" | 7 | 86 | ||
| 2001 | Boşnakca, İngiliscə | Nino Prşeş | "Hano" | 14 | 29 | ||
| 2002 | Serbcə, İngiliscə | Maya Tatiç | "Na jastuku za dvoje" (На јастуку за двоје) | 13 | 33 | ||
| 2003 | Xorvatca, İngiliscə | Miya Martina | "Ne brini" | 16 | 27 | ||
| 2004 | İngiliscə | Deen | "In The Disco" | 9 | 91 | 7 | 133 |
| 2005 | İngiliscə | Feminnem | "Call Me" | 14 | 79 | ||
| 2006 | Boşnakca | Hari Mata Hari | "Lejla" | 3 | 229 | 2 | 267 |
| 2007 | Serbcə | Mariya Şestiç | "Rijeka bez imena" (Ријека без имена) | 11 | 106 | ||
| 2008 | Boşnakca | Laka | "Pokušaj" | 10 | 110 | 9 | 72 |
| 2009 | Boşnakca | Regina | "Bistra voda" | 9 | 106 | 3 | 125 |
| 2010 | İngiliscə | Vukaşin Brayiç | "Thunder and Lightning" | 17 | 51 | 8 | 59 |
| 2011 | İngiliscə, Boşnakca | Dino Merlin | "Love In Rewind" | 6 | 125 | 5 | 109 |
| 2012 | Boşnakca | Maya Sar | "Korake ti znam" | 18 | 55 | 6 | 77 |
| 2016 | Boşnakca | Dalal və Deen ilə Ana Ruçner və Yala | "Ljubav je" | 11 | 104 | ||
| 2017-ci ildən bəri müsabiqədə iştirak etmir. | |||||||
Səsvermə tarixçəsi
redaktə| Bosniya və Herseqovinanın ən çox xal verdiyi ölkələr | ||
|---|---|---|
| Sıra | Ölkə | Xal |
| 1 |  Xorvatiya | 115 |
| 2 |  Türkiyə | 95 |
| 3 |  Serbiya | 76 |
| 4 |  Sloveniya | 61 |
| 5 |  Fransa | 59 |
| Bosniya və Herseqovinanın ən çox xal aldığı ölkələr | ||
|---|---|---|
| Sıra | Ölkə | Xal |
| 1 | Xorvatiya | 144 |
| 2 | Türkiyə | 129 |
| 3 | Sloveniya | 100 |
| 4 |  Avstriya | 74 |
 İsveç | 74 | |
QEYD:Yuxarıdakı xallar yalnız finalda verilən xallardır.
