Կարլեն Դալլաքյան
Կարլեն Լևոնի Դալլաքյան (հունիսի 3, 1929[1][2], Ալավերդի, ԽՍՀՄ[1][2] - հոկտեմբերի 13, 2008[3], Երևան, Հայաստան), հայ խորհրդային կուսակցական և պետական աշխատող, գրականագետ, լրագրող, թարգմանիչ։ Բանասիրական գիտությունների թեկնածու (1964)։
Կարլեն Դալլաքյան | |
---|---|
Ծնվել է | հունիսի 3, 1929[1][2] |
Ծննդավայր | Ալավերդի, ԽՍՀՄ[1][2] |
Մահացել է | հոկտեմբերի 13, 2008[3] (79 տարեկան) |
Մահվան վայր | Երևան, Հայաստան |
Գերեզման | Թոխմախի գերեզմանատուն |
Քաղաքացիություն | ԽՍՀՄ և Հայաստան |
Ազգություն | հայ |
Կրթություն | ԵՊՀ հայ բանասիրության ֆակուլտետ (1951)[1] |
Գիտական աստիճան | բանասիրական գիտությունների դոկտոր[2] (1988) |
Մասնագիտություն | քաղաքական գործիչ, գրականագետ, լրագրող, թարգմանիչ և բանասեր |
Աշխատավայր | ՀԿԿ[1][2] |
Կուսակցություն | ԽՄԿԿ[1] |
Ավարտել է Երևանի պետական համալսարանի բանասիրական ֆակուլտետը (1951)։ Մինչև 1957 թվականը կատարել է կոմերիտական ղեկավար աշխատանք։
1957-1963 թվականներին աշխատել է ՀԿԿ Կենտկոմում։ 1963-1970 թվականներին եղել է ՀԽՍՀ Մինիստրների սովետին առընթեր հայ եկեղեցու գործերի խորհրդի նախագահ, 1971-1975 թվականներին՝ ՀԿԿ Կենտկոմի պրոպագանդայի և ագիտացիայի բաժնի վարիչ։ 1976-ի հունվարին ընտրվել է ՀԿԿ Կենտկոմի քարտուղար։ ՀԽՍՀ 8-9 գումարումների Գերագույն սովետի դեպուտատ է, ՀԿԿ Կենտկոմի (1971 թվականից) և ՀԿԿ Կենտկոմի բյուրոյի (1976 թվականից) անդամ։ Անգլերենից և ռուսերենից թարգմանել է Մարկ Տվենի, Լ․ Պերվոմայսկու և ուրիշ հեղինակների մի շարք գործեր։ ԽՄԿԿ անդամ 1952 թվականից։
Ծանոթագրություններ խմբագրել
- ↑ 1,0 1,1 1,2 1,3 1,4 1,5 1,6 1,7 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ 2,0 2,1 2,2 2,3 2,4 2,5 2,6 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 1.
- ↑ 3,0 3,1 3,2 http://am.hayazg.info/index.php?curid=624
Վիքիդարանն ունի նյութեր, որոնք վերաբերում են «Կարլեն Դալլաքյան» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 264)։ |