Парк Чалюскінцаў (станцыя метро)

«Парк Чалюскінцаў»
руск.: Парк Челюскинцев
«Парк Чалюскінцаў»; руск.: Парк Челюскинцев
	Маскоўская лінія
	Мінскі метрапалітэн
Дата адкрыцця	30 чэрвеня 1984
Праектная назва	Парк імя Чалюскінцаў
Раён	Першамайскі
Тып	аднаскляпеністая дробнага залажэння
Колькасць платформаў	1
Тып платформы	астраўная
Даўжыня платформы, м	102
Архітэктары	Барыс Алегавіч Юрцін, К. Вязгін[d], Уладзімір Мікалаевіч Крывашэеў і В. А. Сокал[d]
Мастакі	Міцічкін[d] і Юрый Індрыксан[d]
Узведзена	Мінскметрабуд
Выхад да вуліц	Прасп. Незалежнасці, вул. Талбухіна, вул. Калініна і пл. Калініна
Наземны транспарт	А: 25, 37, 89э, 91, 100
Час адкрыцця	5:42
Час закрыцця	2:07
Код станцыі	120
Суседнія станцыі	Маско́ўская і Акадэмія навук
	Медыяфайлы на Вікісховішчы

Парк Чалюскінцаў (трансліт.: Park Čaliuskincaŭ) — станцыя Маскоўскай лініі Мінскага метрапалітэна. Размешчана на Маскоўскай лініі, паміж станцыямі «Маскоўская» і «Акадэмія навук».

Маскоўская лінія

умоўныя абазначэнні

Гісторыя

Станцыя «Парк Чалюскінцаў» пачала ўзводзіцца ў складзе першай чаргі Мінскага метрапалітэна ў 1977 годзе па праекце архітэктараў Б. Юрціна, К. Вязгіна, У. М. Крывашэева, В. Сокала і мастакаў Міцічкіна, Ю. Індрыксана^[1]. Менавіта тут была ўбіта першая паля будучага метрапалітэна. Станцыя ўрачыста была адкрыта 30 чэрвеня 1984 года разам з першымі 8-ю станцыямі Маскоўскай лініі.

Архітэктура

Перонная зала станцыі перакрыта жалезабетонным скляпеннем, якое апіраецца на абліцаваныя цёмным гранітам пуцявыя сцены. Падоўжнае і папярочнае чляненне скляпення надае станцыі своеасаблівае аблічча. Галоўную кампазіцыйную ролю ў архітэктурна-мастацкім афармленні пероннай залы адыгрываюць 8 дэкаратыўных люстраў по восі скляпення і 34 бакавыя свяцільні ў нішах склянення. Люстры, свяцільні, выкананыя з шкла залацістага колеру, у спалучэнні з белымі скляненнямі надаюць станцыі ўрачыстасць. Колеравае вырашэнне станцыі — бела-ружовы тон, які дапаўняецца гарманічным увядзеннем у аддзелку люстраў і скляпення дэкаратыўна-мастацкіх элементаў з латуні^[2].