ქართიშ საირქიანო აეროპორტი
ქართიშ საირქიანო აეროპორტი (IATA: TBS, ICAO: UGTB) — საირქიანო შანულობაშ აეროპორტი საქორთუოშ ნანანოღა ქართის. , ნამუთ ობჟათე-ბჟაეიოლშე 17 კილომეტრიშ მალობას იდვალუაფუ. ქართიშ საირქიანო აეროპორტი კავკაციაშ რეგიონიშ თარი კომერციულ დო სტრატეგიულ ცენტრის წჷმარინუანს. მიორსხუანს საქორთუოს მოსოფელიშ შხვადოშხვა ნორთის, ქართიშ აეროპორტი მეძობელ ქიანეფს შქას ურთიართობეფიშ გოუჯგუშაფას უნწყუნს ხეს. ქართიშ აეროპორტიშ გოხოლუას იდვალუაფუ ოორზოლე ნინალაშ სუმი კერზო კომპანია: კარგო სერვისი, ლასარე დო საქორთუოშ კარიბჭე. თე კომპანიეფი ასრულენა საბაჟო ნინალას; ორზოლიშ დამუშებას სპეციალური ტექნიკაშ საშულაებათ.[2]
ქართიშ საირქიანო აეროპორტი თბილისის საერთაშორისო აეროპორტი | ||||
|---|---|---|---|---|
 | ||||
ინფორმაცია | ||||
| ტიპი | ომენოღალე | |||
| მაღვენჯი | საქორთუო | |||
| ოპერატორი | TAV Georgia | |||
| ონინალჷ | ქართი | |||
| ორენი | ქართი | |||
| კოორდინატეფი | / | |||
ეიოფურინალ-დაფურინალი საროტეფი (ედს) | ||||
| ნომერი | ზჷმეფი | ოფორუე | ||
| 13R/31L | 3,000 | ბეტონი | ||
| 13L/31R | 2,500 | ასფალტი/ბეტონი | ||
ვერტმაფურჷნეშ დახუნალი მოედანი | ||||
| ნომერი | ზჷმეფი | ოფორუე | ||
| H1 | 30 | ასფალტი/ბეტონი | ||
| წყუ: Georgian AIP at EUROCONTROL[1] | ||||
ქართიშ საირქიანო აეროპორტი 2005 წანაშ 31 გჷმათუთაშე გ.პ.ჯ. TAV Urban Georgia მართუენს. თიშ უკული მუთ აკიგჷ ახალი ომოშარე ტერმინალი, ნამუშ აკოგაფაქწ 2007 წანაშ 7 ფურთუთას დიჭყჷ, ქართიშ საირქიანო აეროპორტიქ მალასი გევითარ, მუთ საქორთუოშ სტრატეგიულ შანულობას ოძირანს. ქართიშ საირქიანო აეროპორტი ხვალო 1.5 მილიონიანი ნანანოღაშ თარი მიშაულარი დო გიშაულარი ჭურჭული ვარინ, ედომუშამი ქიანაშ მიშაულარი დო გიშაულარი საშვალება რე. ტერმინალიშ მონწყუალა ხეს უნწყუნს მოშარეეფიშ ბარგით გნულას ავტოდგჷმიშე ეფურინუაშ კარეშახ. თაშენეშე ქართიშ საირქიანო ონინალჷ ფურინჯიშ უშქურანჯ დოფურინუას დო ეფურინუას. აეროპორტის მანევრირეფაშ ტერიტორაშ ფართო ეიოფურინალი საროტი, ბაქანი დო ომიმოულარი შარეფი.[3]
რეგულარულ სამარშრუტო ღოზის ქართი-აეროპორტი-ქართი ონინალჷ მუნიციპალური ავტობუსი #37, ნამუშ გაჩერებაშ ორენი მოფურინუაშ დარბაზიშ გიმალწკჷმა რე. ავტობუსი აეროპორტშე ირ გვერდ საათის გინმურს დო შარაშ ღირებულება 50 თეთრი რე.[4] ქართიშ საირქიანოს ტაქსიშ ნინალათ გჷმორინაფა შილებე მოფურინუაშ დარბაზიშე გიმალწკჷმა. აეროპორტის ტაქსეფი 24 საათიშ გოძვენას რე. ნოღაშ ცენტრიშახ 20-30 წუნიშ შარა გოძჷ, შარაშ ტარიფი ნოღაშ ცენტრიშახ 25 ლარს აკამდგინანს.[5]
სტატისტიკა რედაქტირაფა
2007 წანას, აეროპორტიქ ენინალჷ 615,873 მოშარეს, მუთ 2006 წანაწკჯმა ელაზმაფათ 8.5%-ით უმოსი რდჷ.[6] ავიაგჷნოფურინუეფიშ მუდანობაქ 18.7%-ით მიძინჷ.[7] 2009 წანას, აეროპორტიქ ენინალჷ 702,916 მოშარეს დო გნიღჷ 12,245 ტონა ორზოლი, 2010 წანას აეროპორტიქ 822,772 მოშარე გინიჸონჷ,[8] დო 2013 წანას — 1,436,046 მოშარე.
| წანა | მოშარეეფიშ მუდანობა | თირუეფი კინოხ წანეფწკჷმა ელაზმაფათ |
|---|---|---|
| 2005 | ||
| 2006 |  3.7% | |
| 2007 | 8.5% | |
| 2008 | 16.1% | |
| 2009 |  1.7% | |
| 2010 | 17.1% | |
| 2011 | 28.7% | |
| 2012 | 15.2% | |
| 2013 | 17.8% |
მალობეფი დო ავიაკომპანიეფი რედაქტირაფა
რესურსეფი ინტერნეტის რედაქტირაფა
სქოლიო რედაქტირაფა
- ↑ EAD Basic
- ↑ ქართიშ საირქიანო აეროპორტი Archived 2014-08-21 ვებ-ხასჷლას Wayback Machine.
- ↑ ქართიშ ოერეფოშქაშე აეროპორტი Archived 2014-08-21 ვებ-ხასჷლას Wayback Machine.
- ↑ ქართიშ საირქიანო აეროპორტი Archived 2014-08-21 ვებ-ხასჷლას Wayback Machine.
- ↑ ქართიშ საირქიანო აეროპორტი Archived 2014-08-21 ვებ-ხასჷლას Wayback Machine.
- ↑ ACI Europe Ranking of European Airports for 2007 Archived 2013-10-29 ვებ-ხასჷლას Wayback Machine.
- ↑ Tbilisi Airport passenger and aircraft movement increases for 2007 Archived 2010-08-24 ვებ-ხასჷლას Wayback Machine.
- ↑ 8.0 8.1 Tbilisi Airport - Airport Statistics Archived 2018-04-16 ვებ-ხასჷლას Wayback Machine.
- ↑ tbilisiairport.com - Tbilisi Airport Profile (p.15) Archived 2013-07-28 ვებ-ხასჷლას Wayback Machine.
- ↑ Georgian Civil Aviation Agency - Number of Passengers Served
- ↑ “Тбилисский международный аэропорт обслужил в 2013 году 1 436 046 пассажиров“, 15 January 2014. კითხირიშ თარიღი: 16 January 2014.
