மிட்டாய்
மிட்டாய் (Candy) என்பது சர்க்கரையை முதன்மை மூலப்பொருளாகக் கொண்ட இனிப்பு என வரையறை செய்தாலும் மிட்டாய் என்பதனை முழுமையாக வரையறை செய்வது கடினமாக கருதப்படுகிறது.[1] இன்னட்டுகள் (Chocolates), மெல்லும் கோந்து (chewing gums) மற்றும் இனிப்பு மிட்டாய் போன்றவை இனிப்புத் தின்பண்டங்கள் என்ற வகையின் கீழ் வருகின்றன. காய்கறிகள், பழங்கள் அல்லது கொட்டைகள் இனிப்பு அல்லது சர்க்கரை முலாம் பூசப்பட்டு இனிப்பூட்டப்பட்ட மிட்டாய்களாகவும் விற்கப்படுகின்றன.
 சிரியாவின் டமாசுக்கசு நகரிலுள்ள ஒரு கடையில் குவித்து வைக்கப்பட்டுள்ள மிட்டாய் வகைகள் | |
| மாற்றுப் பெயர்கள் | இனிப்பு அல்லது லாலி |
|---|---|
| வகை | இனிப்புத் தின்பண்டம் |
| முக்கிய சேர்பொருட்கள் | இனிப்பு அல்லது தேன் |
வரையறை தொகு
இயற்பியல் ரீதியாக சர்க்கரை அல்லது சர்க்கரை உபபொருட்களைப் பயன்படுத்தும் குறிப்பிடத்தக்க அளவைப் பொருத்து மிட்டாய்கள் வகைப்படுத்தப்படுகின்றன. மக்கள் தங்களுக்குள் பகிர்ந்து கொள்ளக்கூடிய ஒரு கேக் அல்லது ரொட்டி போலல்லாமல், மிட்டாய்கள் வழக்கமாக சிறிய துண்டுகளாக தயாரிக்கப்படுகின்றன. இருப்பினும் மக்கள் எவ்வாறு உணவாகக் கொள்கிறார்கள் அல்லது பாவிக்கிறார்கள் என்பதைப் பொறுத்து மிட்டாய்க்கான வரையறை அமைகிறது. பொதுவாக இனிப்புப் பண்டங்கள் உணவுக்குப்பின் வழங்கப்படும் பழவகை உணவில் (டெசர்ட்) சாதாரணமாக பரிமாறப்படுகிறது. ஆனால் மிட்டாய் சாப்பாட்டுக்கிடையில் நொறுக்குத் தின்பண்டமாக உண்ணப்படுகிறது. [2].
வகைப்பாடுகள் தொகு
வன் மிட்டாய் (hard candies), மென் மிட்டாய் (soft candies), கேரமல் (caramel), பஞ்சுப்பொதி மிட்டாய் (மார்சுமெல்லோ) (marshmallows) , டாபி (taffy) போன்ற இனிப்பு மிட்டாய்களின் முக்கிய மூலப்பொருள் சர்க்கரையாகும். சர்க்கரை மிட்டாய்களில் உள்ள சர்க்கரையின் அளவைப் பொறுத்தும் அவற்றின் வேதிய அமைப்பைப் பொறுத்தும் வணிக ரீதியாக பல குழுக்களாக பிரிக்கப்படுகின்றன.[3].
பட ஒப்பீடு தொகு
- சர்க்கரை மிட்டாய்களின் ஒப்பீடு
சர்க்கரை,நிறமூட்டி,சுவையூட்டி,மற்றும் சிறிதளவு நீர் அடங்கிய பொதுவாக அறியப்படும் பல்வேறு பழ வடிவிலான வன் மிட்டாய்
இந்தியாவில் பிரசித்தி பெற்ற விதை மற்றும் கொட்டைகளில் செய்யப்பட்ட கடலைமிட்டாய் போன்ற மிட்டாய்வகைகள்
செருமனியில் கரிபோ என்றழைக்கப்படும் ஒரு வகை மென் வகை கோந்து மிட்டாய்
பன்டேரிPantteri என்றழைக்கப்படும் பின்லாந்து நாட்டுச் சர்க்கரை கொண்டு தயாரிக்கப்பட்ட மென் மிட்டாய் வண்ண மிட்டாய்கள் பழச்சுவையாகவும் கருப்பு நிற மிட்டாய்கள் உவர்ப்பு கலந்த இனிப்பாகவும் இருக்கும்.
மேற்கோள்கள் தொகு
- ↑ Davidson, Alan (2014). The Oxford Companion to Food. Oxford University Press. p. 213. பன்னாட்டுத் தரப்புத்தக எண் 9780199677337.
- ↑ Richardson, Tim H. (2002). Sweets: A History of Candy. Bloomsbury USA. pp. 53–54. பன்னாட்டுத் தரப்புத்தக எண் 1-58234-229-6.
- ↑ McWilliams, Margaret (2007). Nutrition and Dietetics' 2007 Edition. Rex Bookstore, Inc. pp. 177–184. பன்னாட்டுத் தரப்புத்தக எண் 978-971-23-4738-2.