Phil Neal

Phil Neal, fullt namn Philip George Neal (fødd 20. februar 1951), er ein britisk-engelsk tidlegare fotballspelar frå Irchester. Han var høgreback i det suksessrike Liverpool-mannskapet som i hans tid triumferte i fire europacupfinalar og vann åtte engelske ligameisterskap. Neal var den einaste spelaren som i tida 1977-85 deltok i alle Liverpool FC sine fem finalar i Europacupen for serievinnarar.

Phil Neal

Personleg informasjon
Fullt namn	Philip George Neal
Fødd	20. februar 1951 (73 år)
Fødestad	Irchester i England
Høgd	180 cm
Posisjon	Venstreback
Seniorkarriere*
År	Lag	Kampar	(Mål)
1968–1974	Northampton Town	187	(28)
1974–1985	Liverpool	455	(41)
1985–1989	Bolton	64	(3)
Totalt		706	(71)
Landslag
1976–1983	England	50	(5)
Trenar for
1985–1992	Bolton
1993–1995	Coventry
1996	Cardiff
1996	Manchester City (midlertidig)
* Seniorklubbkampar og mål berre telt for nasjonal liga

Neal fekk sin ligadebut med Northampton Town i 1969. Han spelte 4.-divisjonsfotball til han i 1974 vart overført til topplaget Liverpool FC mot 65 000 pund. Frå ligadebuten i oktober månad var han fast på backplassen i ni heile sesongar. Neal viste seg som ein flink straffeskytar og nær halvparten av dei 41 ligamåla hans kom frå straffemerket. Etter 455 ligakampar for Liverpool fekk han hausten 1985 jobb som spelande trenar i 3.-divisjonslaget Bolton Wanderers. Sidan var han aktiv spelar i Bolton til 1989 og trenar til 1992.

Neal spelte 50 landskampar for England frå mars 1976 til september 1983. Han deltok i to kampar under EM i fotball 1980 og like mange i VM i fotball 1982. Fem gongar teikna han seg på skåringslista, to av måla var straffespark.