Fotball-VM 1982

Verdsmeisterskapen i fotball 1982 vart avvikla i Spania i tida 13. juni til 11. juli 1982. Italia vann sin tredje VM-tittel etter finalesiger 3-1 over Vest-Tyskland.

Italia sitt mannskap i VM-kampen mot Argentina i mellomrunda. Bak frå venstre; Zoff, Giancarlo Antognoni, Scirea, Graziani, Collovati og Gentile, framme frå venstre; Rossi, Conti, Cabrini, Oriali og Tardelli.

For fyrste gong deltok 24 land i verdsmeisterskapen, desse var inndelt i seks grupper med fire land i kvar. Dei to beste i kvar gruppe gjekk vidare til ei mellomrunde med fire grupper, kvar av dei med tre deltakarland. Vinnarane av dei fire gruppene i mellomspelet møttest så til to semifinalar.

I semifinalane vann Italia 2-0 over Polen, medan Vest-Tyskland slo ut Frankrike i straffetevling. Den siste kampen vart høgdramatisk; den vesttyske målvakta Harald Schumacher felte franske Patrick Battiston som var i ferd med å skåre eit «opplagt» mål på stillinga 1-1 i ordinær tid, og i ekstraomgangane tok Frankrike leiinga 3-1 før vesttyskarane reduserte og så utlikna til 3-3.

Bronsekampen i Alicante enda med polsk siger 3-2 over Frankrike.

Dei 52 kampane fann stad på 17 arenaer i 14 ulike byar. Italienaren Paolo Rossi vart toppskårar i turneringa med seks mål.

Fyrste runde endre

Gruppe 1 endre

#	Lag	K	S	U	T	Mål	±	P
1	Polen	3	1	2	0	5–1	4	4
2	Italia	3	0	3	0	2–2	0	3
3	Kamerun	3	0	3	0	1–1	0	3
4	Peru	3	0	2	1	2–6	−4	2

Gruppe 2 endre

#	Lag	K	S	T	Mål	±	P
1	Tyskland	3	2	1	6–3	3	4
2	Austerrike	3	2	1	3–1	2	4
3	Algerie	3	2	1	5–5	0	4
4	Chile	3	0	3	3–8	−5	0

Gruppe 3 endre

#	Lag	K	S	U	T	Mål	±	P
1	Belgia	3	2	1	0	3–1	2	5
2	Argentina	3	2	0	1	6–2	4	4
3	Ungarn	3	1	1	1	12–6	6	3
4	El Salvador	3	0	0	3	1–13	−12	0

Gruppe 4 endre

#	Lag	K	S	U	T	Mål	±	P
1	England	3	3	0	0	6–1	5	6
2	Frankrike	3	1	1	1	6–5	1	3
3	Tsjekkoslovakia	3	0	2	1	2–4	−2	2
4	Kuwait	3	0	1	2	2–6	−4	1

Gruppe 5 endre

#	Lag	K	S	U	T	Mål	±	P
1	Nord-Irland	3	1	2	0	2–1	1	4
2	Spania	3	1	1	1	3–3	0	3
3	Den sosialistiske føderale republikken Jugoslavia	3	1	1	1	2–2	0	3
4	Honduras	3	0	2	1	2–3	−1	2

Gruppe 6 endre

#	Lag	K	S	U	T	Mål	±	P
1	Brasil	3	3	0	0	10–2	8	6
2	Sovjetunionen	3	1	1	1	6–4	2	3
3	Skottland	3	1	1	1	8–8	0	3
4	New Zealand	3	0	0	3	2–12	−10	0

Andre runde endre

Gruppe A endre

#	Lag	K	S	U	T	Mål	±	P
1	Polen	3	1	1	0	3–0	3	3
2	Sovjetunionen	3	1	1	0	1–0	1	3
3	Belgia	3	0	0	2	0–4	−4	0

Gruppe B endre

#	Lag	K	S	U	T	Mål	±	P
1	Tyskland	3	1	1	0	2–1	1	3
2	England	3	0	2	0	0–0	0	2
3	Spania	3	0	1	1	1–2	−1	1

Gruppe C endre

#	Lag	K	S	T	Mål	±	P
1	Italia	3	2	0	5–3	2	4
2	Brasil	3	1	1	5–4	1	2
3	Argentina	3	0	2	2–5	−3	0

Gruppe D endre

#	Lag	K	S	U	T	Mål	±	P
1	Frankrike	3	2	0	0	5–1	4	4
2	Austerrike	3	0	1	1	2–3	−1	1
3	Nord-Irland	3	0	1	1	3–6	−3	1

Finalen endre

VM-finalen mellom Italia og Vest-Tyskland fann stad på Santiago Bernabéu i Madrid om kvelden 11. juli, med 90 000 tilskodarar til stades. Etter ein mållaus fyrste omgang skåra Italia i det 12., 24. og 36. minutt av andre omgangen ved Rossi, Tardelli og Altobelli. Straks etter Italia sitt tredje mål, reduserte Paul Breitner for Vest-Tyskland.

Italia sitt meisterlag bestod av kapteinen Dino Zoff i mål, Gaetano Scirea, Claudio Gentile, Fulvio Collovati, Giuseppe Bergomi, Antonio Cabrini, Gabriele Oriali, Marco Tardelli, Bruno Conti, Paolo Rossi, Francesco Graziani. Graziani vart skadd og gjekk ut allereie i det 7. minutt, inn kom Alessandro Altobelli, som på side forlet bana i det 89. minutt til fordel for Franco Causio.

Mannskapet til Vest-Tyskland var: Harald Schumacher, Manfred Kaltz, Karlheinz Förster, Uli Stielike, Bernd Förster, Hans-Peter Briegel, Wolfgang Dremmler, Paul Breitner, Karl-Heinz Rummenigge, Klaus Fischer og Pierre Littbarski. Dremmler og ein småskadd Rummenigge forlet bana i det 62. og det 70. minutt, inn kom fyrst Horst Hrubesch og sist Hansi Müller.

Kjelder endre

Denne artikkelen bygger på «Fußball-Weltmeisterschaft 1982» frå Wikipedia på tysk, den 23. juli 2015.