Folégandros
Folégandros (gresk Φολέγανδρος), òg kalla Pholegandros, er ei øy i Hellas som høyrer til Kykladane i Egearhavet. I lag med Síkinos, Íos, Anáfi og Santoríni dannar ho den sørlege delen av øygruppa. Ho har eit areal på 32 km² og 719 innbyggjarar (2021). Øya har tre små landsbyar, Khóra eller Folégandros, Karavostásis og Áno Meriá.
| Folégandros Lokalt namn Φολέγανδρος | |
|---|---|
 Klipper ved Khóra på Folégandros | |
| Geografi | |
 | |
| Stad | Egearhavet |
| Koordinatar | 36°37′N 24°54′E / 36.617°N 24.900°E |
| Øygruppe | Kykladane |
| Areal | 32,216 km² |
| Administrasjon | |
| Land | Hellas |
| Periferi Periferieining | Dei sørlege egeiske øyane Thíra |
| Største busetnad | Folégandros (370 innb.) |
| Demografi | |
| Folketal | 719 (2021[1]) |
| Folketettleik | 22,3 /km² |
Folégandros er eigen kommune, og frå 2011 høyrer øya administrativt til under periferieininga Thíra i periferien Dei sørlege egeiske øyane.[2]
Ved folketeljinga i 2021 hadde kommunen Folégandros 719 innbyggjarar, medan tettstaden med same namn hadde 370 innbyggjarar.[1]
Geografi
endreFolégandros har eit variert landskap med mellom anna høge klipper og ei stor grotte. Hovudbyen Khóra er bygd på kanten av ei 200 meter høg klippe. Hamna på øya er den litle landsbyen Karavostásis.
Folégandros er ei av mange avsidesliggande greske øyar med natur i flotte omgjevnadar. Med det klåre blå vatnet er strendene her kåra til blant dei ti beste i verda av Travel Channel.
Historie
endreLite er kjend om den antikke historia til Folégandros. Innbyggjarane var dorianarar og ho kom seinare athensk styre. Øya vart erobra i 1207 av venetianaren Marco Sanudo og var under Venezia fram til 1566, då ho vart ein del av Det osmanske riket. Grekarane tok øya tilbake på 1800-talet.
Byar og tettstader
endreByane og tettstadene i kommunen er:
| Tettstad | Folketal 2011[3] | Folketal 2021[1] |
|---|---|---|
| Folégandros (Khóra) | 425 | 370 |
| Áno Meriá | 243 | 259 |
| Karavostásis | 87 | 84 |
| Agáli | 9 | 3 |
| Ájos Jeórjios | 0 | 2 |
| Livádi | 1 | 1 |
Småøyar i kommunen:
- Ájos Ioánnis (0)
- Tría Adélfia (0)
Referansar
endre- ↑ 1,0 1,1 1,2 Folketeljing 2021
- ↑ Νόμος 3852/2010 - ΦΕΚ 87Α/7-6-2010
Lov 3852/2010: Kallikratis-reforma, arkivert frå originalen 30. juli 2023, henta 7. september 2023 - ↑ Folketeljing 2011, revidert
Bakgrunnsstoff
endreKjelde
endre- Denne artikkelen er basert på ei omsetjing av artikkelen Folegandros frå Engelsk Wiki How .