Белоруска азбука

Официјално, буквата <г> се чита и како /ɣ/ и како /ɡ/, иако втората варијанта се среќава само во заемки и мимеза. Буквата „ґ“ некои ја користат за вториот глас, но таа никогаш немала место во стандардната кодификација на велоруската азбука.

Комбинациите „дж“ и „дз“ се совпаѓаат со гласовите на македонските букви „џ“ и „ѕ“.

„Ў“ не е засебна фонема, туку неутрализација на „в“ и „л“ кога не се проследени од самогласка, како да речеме пред согласка или на крајот на зборот.

Палатализацијата на согласките главно се означува со избор на самогласна буква, како што може да се види подолу во примерот за /p/ и /pʲ/, кои обете се пишуваат со буквата „п“:

Палатализација	/p/	/pʲ/
крајна	п	пь
пред а	па	пя
пред е	пэ	пе
пред и	пы	пі
пред о	по	пё
пред у	пу	пю

Кога согласката не е палатализирана и му претходи на гласот „ј“, тогаш се користи апостроф (’) за одвојување на јотираната самогласка: „п’я“, „п’е“, „п’і“, „п’ё“, „п’ю“ (пја, пје, пи, пјо, пју) („І“ е палатизирана верзија на „ы“ и претставува една едиствена фонема). Апострофот не се смета за буква, па така не се користи при азбучни редења.

Средновековната кирилица (XI век) имала 43 букви. За време на еволуирањето на белоруската азбука биле исфрлени 15 букви, од кои последните четири биле исфрлени со воведувањето на официјалната белоруска граматика во 1918. Биле додадени 4 букви, и така била создадена денешната белоруска азбука.

Додадените букви биле:

• „э“, која се појавила во белоруските текстови кон крајот на XV век.
• „й“, која еволуирала од „и“, комбинирана со дијакритички знак кон крајот на XVI век (споредба: во руската азбука од 1735).
• „ё“, која била преземена од руската азбука кон средината на XIX век (споредба: во руската азбука од 1797).
• „ў“ („кратко у“), по предлог на рускиот јазичар Петар Александрович Бессонов во 1870 г.

• Да рэформы беларускай азбукі. // Працы акадэмічнае канферэнцыі па рэформе беларускага правапісу і азбукі. – Мн. : [б. м.], 1927.
• Ян Станкевіч. Які мае быць парадак літараў беларускае абэцады [1962] // Ян Станкевіч. Збор твораў у двух тамах. Т. 2. - Мн.: Энцыклапедыкс, 2002. ISBN 985-6599-46-6
• Б. Тарашкевіч. Беларуская граматыка для школ. - Вільня : Беларуская друкарня ім. Фр. Скарыны, 1929 ; Мн. : <Народная асвета>, 1991 [факсімільн.]. - Выданьне пятае пераробленае і пашыранае.
• Што трэба ведаць кожнаму беларусу. Выданне „Вольнае Беларусі“. - Менск : друк-ня А. Я. Грынблята, 1918 ; Менск : Беларускае коопэрацыйна-выдавецкае таварыства ″Адраджэньне″, 1991 [факсімільн.]. - Зборнік артыкулау розных аутарау: М. Міцкевіча, Я. Лёсіка, В. Ластоўскаго, М. Багдановіча, Пётр[?] з Арленят і інш.

• Тарашкиевица
• Белоруски јазик
• Белоруска латиница
• Белоруска арабица
• Македонска транскрипција на белорускиот јазик

• Вовед во белоруската азбука Архивирано на 27 септември 2006 г. (англиски)
• Вовед во белоруската латиница Архивирано на 27 септември 2006 г. (англиски)
• Белоруски јазик пишуван со арабица Архивирано на 30 август 2002 г. (англиски)
• Честота на буквите во белорускиот и рускиот јазик Архивирано на 27 септември 2006 г. (англиски)
• Белоруската азбука Архивирано на 27 март 2008 г. (белоруски)

Оваа статија за писмо е никулец. Можете да помогнете со тоа што ќе ја проширите. п р у