საქართველოს საფეხბურთო თასი
საქართველოს საფეხბურთო თასი — ყოველწლიური სათასო გათამაშება ქართულ საფეხბურთო გუნდებს შორის, რომელსაც ატარებს საქართველოს ფეხბურთის ფედერაცია. თასი არის რანგით მეორე საფეხბურთო შეჯიბრი საქართველოში ეროვნული ლიგის შემდეგ. ტურნირი ქართველი ფეხბურთელის – დავით ყიფიანის სახელს ატარებს და მისი სპონსორია კომპანია „ყაზბეგი“.
| დაარსდა | 1990 |
|---|---|
| რეგიონი |  საქართველო |
| ყველაზე ტიტულ. გუნდი | დინამო თბილისი (13-ჯერ) |
| მოქმედი გამარჯვებული | საბურთალო თბილისი (3-ჯერ) |
ტურნირის ისტორიაში ყველაზე წარმატებული კლუბია „დინამო თბილისი“, რომელმაც 13-ჯერ მოიპოვა ტიტული. მოქმედი გამარჯვებულია „საბურთალო თბილისი“.
ფორმატი
რედაქტირებაგათამაშების ფორმატი დაარსების დღიდან იცვლებოდა: 1990-იან წლებში გათამაშების ფორმატი ბევრჯერ შეიცვალა, თუმცა უმნიშვნელოდ − ასპარეზობა ხან საკვალიფიკაციო ეტაპით იწყებოდა, ხან პირდაპირ პლეი-ოფიდან. 2001 წლიდან გათამაშება დაიწყო შესარჩევი ეტაპიდან, სადაც გუნდები დასავლეთ და აღმოსავლეთ ზონებში იყვნენ განაწილებულნი, საკვალიფიკაციო ეტაპის გავლის შემდეგ პლეი-ოფი მეთექვსმეტედფინალით იწყებოდა. 2004–06 წლებში საკვალიფიკაციო ეტაპები გაუქმდა და პირდაპირ პლეი-ოფიდან დაიწყო ტურნირი. 2006 წელს საქართველოს პროფესიული ფეხბურთის ლიგის ინიციატივით გათამაშება ჯგუფურ ეტაპად ჩატარდა. ასეთმა ფორმატმა ორი სეზონი იარსება. 2008 წლიდან საქართველოს დავით ყიფიანის სახელობის თასის ყაზბეგის გათამაშება კვლავ ოლიმპიური სისტემით მიმდინარეობს.
ისტორია
რედაქტირებასაქართველოს თასის გათამაშება 1990 წლიდან იღებს სათავეს. იგი ტარდება ეროვნული ჩემპიონატის დაარსების დღიდან და ჩემპიონატის პარალელურად ტარდება. 2007 წელს თასი დაზიანდა, მაგრამ დამზადდა ახალი ტიტული.
თასის მფლობელები ევროპაში
რედაქტირებასაქართველოს თასის მფლობელები თავდაპირველად უეფა-ს თასების მფლობელთა თასზე, შემდეგ კი უეფა-ს თასზე გამოდიოდნენ, თუმცა მნიშვნელოვან წარმატებას ვერ აღწევდნენ. 2004 წელს წარმატებას მიღწია საქართველოს თასის მფლობელმა და ჩემპიონატის მეორე ადგილოსანმა – „დინამო თბილისმა“, რომელიც უეფას თასის ჯგუფურ ეტაპზე გავიდა, სადაც ყველა თამაში წააგო და ჯგუფში ბოლო ადგილი დაიკავა[1].
2006 წელს, უეფას თასზე თასის მფლობელმა „ამერმა“ დიდი წინააღმდეგობა გაუწია ბერლინის „ჰერტას“, თუმცა საბოლოოდ ორი მატჩის ჯამში დამარცხდა ანგარიშით 2–3[2].
ფინალები
რედაქტირებასტატისტიკა კლუბების მიხედვით
რედაქტირება| კლუბი | გამარჯვებული | ფინალისტი | გამარჯვების წლები | ფინალისტობის წლები |
|---|---|---|---|---|
| დინამო თბილისი | 13 | 2 | 1992, 1993, 1994, 1995, 1996, 1997, 2003, 2004, 2009, 2013, 2014, 2015, 2016 (გ) | 1998, 2010 |
| ტორპედო ქუთაისი | 5 | 5 | 1999, 2001, 2016 (შ), 2018, 2022 | 2000, 2002, 2004, 2011, 2017 |
| ლოკომოტივი თბილისი | 3 | 2 | 2000, 2002, 2005 | 2001,2019 |
| საბურთალო თბილისი | 3 | 0 | 2019, 2021, 2023 | |
| ამერი თბილისი | 2 | 1 | 2006, 2007 | 2008 |
| გაგრა | 2 | 1 | 2011, 2020 | 2018 |
| დინამო ბათუმი | 1 | 5 | 1998 | 1993, 1995, 1996, 1997, 2023 |
| ზესტაფონი | 1 | 4 | 2008 | 2005, 2006, 2007, 2012 |
| ჩიხურა საჩხერე | 1 | 2 | 2017 | 2013, 2014 |
| გურია | 1 | 0 | 1990 | |
| ვიტ ჯორჯია | 1 | 0 | 2010 | |
| დილა გორი | 1 | 0 | 2012 | |
| სამგურალი წყალტუბო | 0 | 3 | 1999, 2020, 2021 | |
| ცხუმი სოხუმი | 0 | 2 | 1990, 1992 | |
| რუსთავი | 0 | 2 | 1994, 2009 | |
| სიონი ბოლნისი | 0 | 2 | 2003, 2016 (გ) | |
| სამტრედია | 0 | 1 | 2015 | |
| მერანი მარტვილი | 0 | 1 | 2016 (შ) | |
| ლოკომოტივი თბილისი 2 | 0 | 1 | 2022 |
რესურსები ინტერნეტში
რედაქტირებასქოლიო
რედაქტირება- ↑ „UEFA Cup 2004-05“. rsssf.com. ციტირების თარიღი: 11 ოქტომბერი 2017.
- ↑ „UEFA Cup 2006-07“. rsssf.com. ციტირების თარიღი: 11 ოქტომბერი 2017.