Խավի Գարսիա

Ակումբային խմբագրել

Լինելով «Ռեալ Մադրիդի» երիտասարդական թիմի խաղացող՝ Խավի Գարսիան 2004-05 մրցաշրջանում առաջին թիմի կազմում մասնակցել է Լա Լիգայի 3 խաղերի. 17-ամյա Խավի Գարսիայի նորամուտը կայացել է 2004 թվականի նոյեմբերի 28-ին՝ «Լևանտե» ակումբի դեմ խաղում, որում «Ռեալ Մադրիդը» հաղթել է 5:0 հաշով։ Դրանից հետո նա 2005-06 մրցաշրջանում խաղացել է «Ռեալի» երկրորդ կազմում։

2006 թվականին Խավի Գարսիան մասնակցել է «Ռեալի» խաղերի մեծ մասին մինչև մրցաշրջանի սկսվելը, սակայն 2006-07 մրցաշրջանում չի ընդգրկվել թիմի հիմնական կազմում

2007 թվականի օգոստոսին Խավի Գարսիան խաղացել է «Ռեալի» հիմնական կազմում, քանի որ Ռուբեն դե Լա Ռեդը և Էստեբան Գրաներոն լքել էին ակումբը։ Խավի Գարսիային իրենց թիմում տեսնելու ցանկություն են հայտնել Պրեմիեր Լիգայի ու իսպանական մի շարք ակումբներ, ինչպիսիք են «Ատլետիկո Մադրիդը» և «Դեպորտիվո Լա Կորունյան»։ Օգոստոսի 31-ին Խավի Գարսիան 4 տարվա պայմանագիր է կնքել «Օսասունայի» հետ։

2008 թվականի ապրիլի 29-ին «Օսասունան» պաշտոնապես հայտնել է, որ «Ռեալ Մադրիդը» որոշել է վերադարձնել Խավի Գարսիային։

Չխաղալով «Ռեալում»՝ Խավի Գարսիան 2009 թվականի հուլիսի 21-ին տեղափոխվել է «Բենֆիկա»՝ կնքելով հինգ տարվա պայմանագիր։

2012 թվականի տրանսֆերային պատուհանի վերջին օրը Խավի Գարսիան տեղափոխվել է «Մանչեսթեր Սիթի»։ Անգլիական ակումբը նրա համար վճարել է 16 միլիոն ֆունտ ստեռլինգ։ Նոր ակումբի կազմում առաջին խաղի ընթացքում Խավի Գարսիան աչքի է ընկել գոլով, ինչի շնորհիվ «Սթոք Սիթի»ի դեմ խաղն ավարտվել է ոչ-ոքի (1:1)։

2014 թվականի օգոստոսի 14-ին Խավի Գարսիան պայմանագիր է կնքել Սանկտ Պետերբուրգի «Զենիթ» ակումբի հետ^[3]։

Խավի Գարսիան «Զենիթի» կազմում առաջին անգամ խաղացել է օգոստոսի 16-ին՝ փոխարինման դուրս գալով «Ուֆա» ակումբի դեմ խաղի 69-րդ րոպեին^[4]։ «Զենիթի» կազմում առաջին գոլը խփել է Մոսկվայի «Լոկոմոտիվ» ակումբի դեմ խաղում, որն անցկացվել է Ռուսաստանի առաջնության 6-րդ փուլի շրջանակներում^[5]։ Խաղն ավարտվել է 0:1 հաշվով հօգուտ «Զենիթի»։

Հայտնի հարձակվողական ոճի կիսապաշտպան Լուիս Գարսիան նրա զարմիկն է։

Հավաքականում խմբագրել

Իսպանիայի երիտասարդական (մինչև 19) հավաքականի կազմում Խավի Գարսիան հաղթել է Եվրոպայի (մինչև 19 տարեկանների) առաջնությունում։

Ռեալ Մադրիդ

• Իսպանիայի սուպերգավաթի մրցանակակիր - 2008
• Ընդամենը - 1 տիտղոս

Բենֆիկա

• Պորտուգալիայի չեմպիոն - 2009/10
• Պորտուգալական Լիգայի գավաթի մրցանակակիր - 2009/10 և 2010/11
• Ընդամենը - 3 տիտղոս

Մանչեսթեր Սիթի

• Անգլիայի չեմպիոն - 2013/14
• Անգլիական Լիգայի գավաթակիր - 2013/14
• Ընդամենը - 2 տիտղոս

Զենիթ

• Ռուսաստանի չեմպիոն - 2014/15
• 2015 թվականի Ռուսաստանի սուպերգավաթի մրցանակակիր
• Ռուսաստանի գավաթի մրցանակակիր - 2015/16
• Ընդամենը - 3 տիտղոս

2015 թվականի հունիսի 7-ին Խավին ամուսնացել է Ելենա Գոմեսի հետ, ում հետ երկար ժամանակ հանդիպում էր։ Զույգն ունի 1 դուստրը՝ Ամալյան։ Նրանք բնակվում են Սանկտ-Պետերբուրգում։

2016 թվականի ապրիլի 28-ի դրությամբ

Ելույթներ			Լիգա		Գավաթ		Լիգայի գավաթ		Եվրագավաթներ		Ընդհանուր
Ակումբ	Լիգա	Մրցաշրջան	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Ռեալ Մադրիդ	Լա Լիգա	2008-09	15	0	1	0	—		3	0	19	0
	Ընդհանուր		15	0	1	0	—		3	0	19	0
Բեմֆիկա	Պորտուգալիայի առաջնություն	2009-10	26	3	0	0	4	0	14	1	44	4
		2010-11	24	2	3	1	4	4	13	1	44	8
		2011-12	22	1	1	0	4	0	12	1	39	2
		2012-13	2	0	0	0	0	0	0	0	2	0
	Ընդհանուր		74	6	4	1	12	4	39	3	129	14
Մանչեսթեր Սիթի	Պրեմիեր Լիգա	2012-13	24	2	4	0	0	0	5	0	33	2
		2013-14	29	0	4	0	6	0	4	0	43	0
	Ընդհանուր		53	2	8	0	6	0	9	0	76	2
Զենիթ	Պրեմիեր Լիգա	2014-15	24	3	1	0	—		11	0	36	3
		2015-16	26	2	6	1	—		6	0	38	3
	Պրեմիեր Լիգա	2016-17	13	0	2	0	-	—		?	19
Ընդհանուր		63	5	9	1	—		21	0	93	6
Ամբողջ կարիերա			233	15	22	2	18	4	74	3	347	24