Lingua urdú

O urdú^[2] (nome local : urdū / اردو) é unha lingua indoaria pertencente ao grupo indoiranio da familia das linguas indoeuropeas.

Urdú اردو
Falado en:	Oficialmente, Paquistán e a India. Extra-oficialmente, Kuwait, os Emiratos Árabes Unidos, Arabia Saudita, Bahrein, o Reino Unido, os Estados Unidos, Suráfrica e en varios outros países.
Total de falantes:	61 millóns nativos, 160 millóns en total
Posición:	21
Familia:	Indoeuropea  Indoirania   Indoaria    Idiomas hindi occidentais     Urdú
Escrita:	Alfabeto urdú
Estatuto oficial
Lingua oficial de:	Paquistán, india
Códigos de lingua
ISO 639-1:	ur
ISO 639-2:	urd
ISO 639-3:	urd
Mapa
Status
O urdú está clasificado como "en estado seguro" polo Libro Vermello das Linguas Ameazadas da UNESCO[1]

Fálase tanto no Paquistán, onde é a lingua oficial, como no norte da India, onde é igualmente unha lingua oficial recoñecida pola Constitución. Aproximadamente 60 millóns de persoas utilízano coma primeira lingua.

Moi próximo ao hindi pola súa sintaxe e a súa morfoloxía (antes do 1947 chamábaselle hindustano ao hindi e mais ao urdú, que constituían unha soa lingua), fixo numerosos empréstimos lexicais ao árabe e ao persa, linguas que teñen introducido dentro do seu sistema fonolóxico fonemas suplementarios. A diferenciación co hindi tende a medrar despois da separación da India e Paquistán no 1947; o urdú experimenta actualmente un re-achegamento ao persa e unha eliminación dos termos sánscritos.