Gordie Howe

Gordon Howe, nado en Floral (Saskatchewan) o 31 de marzo de 1928 e finado en Sylvania (Ohio) o 10 de xuño de 2016, foi un xogador de hóckey sobre xeo canadense. Entre 1946 e 1980 xogou vinte e seis temporadas na National Hockey League (NHL) e seis na World Hockey Association (WHA); as súas vinte e cinco primeiras temporadas as pasou cos Detroit Red Wings. Alcumado "Mr. Hockey", Howe adoita ser considerado o xogador máis completo da historia do deporte, e un dos máis grandes de todos os tempos.^[1][2] Cando se retirou, os seus 801 goles, 1049 asistencias e 1850 puntos totais foron todos récord da NHL, que se mantiveron ata que os superou Wayne Gretzky, el mesmo gran defensor do legado de How. Participou vinte e tres veces no NHL All-Star, e mantén as marcas de máis partidos e máis temporadas xogadas na NHL. En 2017, Howe foi nomeado un dos "100 Mellores Xogadores da NHL".^[3]

Gordie Howe

Biografía
Nacemento	31 de marzo de 1928 Floral, Canadá (en)
Morte	10 de xuño de 2016 (88 anos) Sylvania, Estados Unidos de América (pt)
Causa da morte	Ictus
Datos persoais
País de nacionalidade	Canadá
Altura	185 cm
Peso	93 kg
Actividade
Ocupación	xogador de hóckey sobre xeo
Lingua	Lingua inglesa
Nacionalidade deportiva	Canadá
Deporte	hóckey sobre xeo
Liga	National Hockey League
Posición de xogo	Winger (en)
Traxectoria   Equipo 1945-1946 Omaha Knights (en) 1946-1971 Detroit Red Wings 1973-1977 Houston Aeros (en) 1977-1980 Hartford Whalers (pt) 1997-1998 Detroit Vipers (en)
Familia
Cónxuxe	Colleen Howe (1953–2009)
Fillos	Mark Howe (pt) , Marty Howe (pt)
Irmáns	Vic Howe (pt)
Premios (2000)  Paseo da Fama do Canadá (1967)  Lester Patrick Trophy (en) (1963)  Hart Memorial Trophy (1963)  Art Ross Trophy (1960)  Hart Memorial Trophy (1958)  Hart Memorial Trophy (1957)  Art Ross Trophy (1957)  Hart Memorial Trophy (1954)  Art Ross Trophy (1953)  Hart Memorial Trophy (1953)  Art Ross Trophy (1952)  Art Ross Trophy (1952)  Hart Memorial Trophy (1951)  Art Ross Trophy  Canada's Sports Hall of Fame (en)  Hockey Hall of Fame (pt)  Oficial da Ordem do Canadá (pt)
Páxina web	mrandmrshockey.com

Howe debutou na NHL cos Red Wings en 1946. Gañou o Art Ross Trophy por liderar a liga en puntos todos os anos entre 1950-51 e 1953-54 e de novo en 1956-57 e 1962-63, un total de seis ocasións, segundo na historia da NHL. Liderou a liga en goles catro veces. Foi clasificado entre os dez mellores da liga vinte e un anos consecutivos e estableceu un récord de puntos da NHL nunha temporada (95) en 1953, marca que foi superada seis anos despois. Gañou a Copa Stanley cos Red Wings catro veces e gañou seis trofeos Hart como xogador máis valioso da NHL. Tamén foi o líder da NHL en puntos nos playoff seis veces.

Howe retirouse por primeira vez en 1971 e foi incluído inmediatamente no Saskatchewan Sports Hall of Fame ese mesmo ano. O ano seguinte foi incorporado ao Hockey Hall of Fame, mais volveu dous anos despois para unirse aos seus fillos Mark e Marty cos Houston Aeros da WHA. Aínda que xa na metade da corentena, marcou máis de cen puntos dúas veces en seis anos, gañou dous trofeos Avco World consecutivos (1974 e 1975) foi nomeado o xogador máis valioso en 1974. Fixo un breve regreso á NHL en 1979-80, xogando unha temporada cos Hartford Whalers, retirándose aos 52 anos. O seu paso pola WHA foi crucial no breve éxito anterior á fusión coa NHL, forzando á NHL a recrutar xogadores europeos e expandirse a novos mercados.

Howe foi célebre pola súa habilidade marcando, a súa forza física e a lonxevidade da súa carreira, e redefiniu as calidades ideais dun dianteiro. É o único xogador que competiu na NHL en cinco décadas diferentes (dende a de 1940 á de 1980); tamén xogou un cambio nun partido de 1997 cos Detroit Vipers da IHL, xogando ao hóckey profesional unha sexta década. Deu nome ao "Gordie Howe hat trick": un gol, unha asistencia e unha liorta no mesmo partido, aínda que el só o rexistrou dúas veces na súa carreira. Foi o primeiro receptor do NHL Lifetime Achievement Award en 2008.