División Administrativa da República Popular da China

Debido á magnitude da súa superficie e da súa poboación, e á presenza de numerosas minorías étnicas, a organización territorial ou división político-administrativa da China comprende varios niveis desde tempos antigos.

Este artigo amosa escritos chineses. Sen o soporte axeitado, o texto pode mostrar símbolos sen sentido, coma caixas, marcas e outros.

A vixente Constitución da República Popular da China prevé, de jure, tres niveis de goberno, aínda que actualmente, na práctica (de facto), hai cinco niveis: a provincia, a prefectura, o xián (ou condado), o municipio e a cidade.

Desde o século XVII, na China, os límites provinciais mantivéronse en gran medida invariábeis. Os principais cambios desde entón foron a reorganización das provincias no noroeste despois da creación da República Popular da China e a formación de rexións autónomas, que tiveron como idea inspiradora as políticas étnicas implantadas na antiga Unión Soviética.

As provincias cumpren unha función cultural importante na China, dado que a xente tende a identificarse coa súa provincia natal.

Niveis de organización territorial

A Constitución da República Popular da China prevé oficialmente que o país se organiza en tres niveis:

Nivel provincial: o país divídese en 23 provincias, 5 rexións autónomas, 4 municipios baixo xurisdición central, ou municipalidades,^[1] e 2 rexións administrativas especiais.
Nivel distrital: as provincias e rexións autónomas divídense en prefecturas autónomas, prefecturas, distritos, distritos autónomos e cidades.
Nivel cantonal: os distritos e distritos autónomos repártense en cantóns, cantóns de minorías étnicas e poboados.

Porén, na aplicación real, inclíronse dous niveis máis: a prefectura, nas provincias, e o polo, nos municipios. (Hai un sexto nivel, a oficina pública de distrito, por debaixo dos condados, pero está sendo abolida).

Cadro das divisións administrativas

A República Popular da China divídese administrativamente da seguinte maneira:

22 Provincias.
5 Rexións autónomas: Tíbet, Xinjiang, Mongolia Interior, Guangxí e Ningxiá.
4 Municipalidades: Pequín (Beijing), Chongquing (Chongqing), Xanghai (Shanghai) e Tianxín (Tianjin).
2 Rexións admin istrativas especiais: Hong Kong e Macau.

Cada unha destas administracións, subdivídese en prefecturas, e estas en condados (algúns dos cales é autónomo).

Provincias

Nome	Chinés tradicional	Pinyin	Chinés simplificado	Capital	Superficie (km²)	Poboación
Anhui	安徽	Ānhuī	皖 wǎn	Hefei	139.057	61 706 238
Fujian	福建	Fújiàn	闽 mǐn	Fuzhou	123.603	35 801 740
Gansu	甘肃	Gānsù	甘 gān, 陇 lǒng	Lanzhou	464 186	26 184 538
Guangdong	广东	Guǎngdōng	粤 yuè	Cantón	177 933	79 383 035
Guizhou	贵州	Guìzhōu	黔 qián, 贵 guì	Guiyang	176 505	36 407 728
Hainan	海南	Hǎinán	海 hǎi, 琼 qióng	Haikou	34 353	8 112 834
Hebei	河北	Héběi	冀 jì	Shijiazhuang	187 991	69 602 378
Heilongjiang	黑龙江	Hēilóngjiāng	黑 hēi	Harbin	432 477	36 704 334
Henan	河南	Hénán	豫 yù	Zhengzhou	166 499	93 652 065
Hubei	湖北	Húběi	鄂 è	Wuhan	185 125	61 692 449
Hunan	湖南	Húnán	湘 xiāng	Changsha	211 836	64 406 395
Jiangsu	江苏	Jiāngsū	苏 sū	Nanjing	97 607	75 176 989
Jiangxi	江西	Jiāngxī	赣 gàn	Nanchang	167 430	41 398 079
Jilin	吉林	Jílín	吉 jí	Changchun	192 105	27 502 884
Liaoning	辽宁	Liáoníng	辽 liáo	Shenyang	147 785	42 600 752
Qinghai	青海	Qīnghǎi	青 qīng	Xining	716 693	5 001 307
Shaanxi	陕西	Shǎnxī	陕 shǎn, 秦 qín	Xi'an	205 693	36 641 032
Shandong	山东	Shāndōng	鲁 lǔ	Jinan	156 867	92 809 165
Shanxi	山西	Shānxī	晋 jìn	Taiyuan	157 023	34 415 373
Sichuan	四川	Sìchuān	川 chuān, 蜀 shǔ	Chengdu	491 146	83 725 263
Yunnan	云南	Yúnnán	滇 diān, 云 yún	Kunming	393 734	44 948 507
Zhejiang	浙江	Zhèjiāng	浙 zhè	Hangzhou	103 900	47 964 394

Rexións autónomas

Nome	Chinés tradicional	Pinyin	Chinés simplificado	Capital	Superficie (km²)	Poboación
Guangxi	广西	Guǎngxī	桂 guì	Nanning	241 410	44 553 455
Mongolia Interior	内蒙古	Nèi Měnggǔ	蒙 měng	Hohhot	1 218 698	24 259 735
Ningxia	宁夏	Níngxià	宁 níng	Yinchuan	55 461	5 900 848
Xinjiang	新疆	Xīnjiāng	新 xīn	Ürümqi	1 774 034	19 988 711
Tíbet	西藏	Xīzàng	藏 zàng	Lhasa	1 268 947	2 810 767

Municipalidades

Nome adaptado ao galego	Nome transliterado	Nome chinés tradicional	Pinyin	Nome chinés simplificado	Superficie (km²)	Poboación
Pequín	Beijing	北京	Běijīng	京 jīng	16 808	14 933 274
Chongquín	Chongqing	重庆	Chóngqìng	渝 yú	82 403	31 610 196
Xanghai	Shanghai	上海	Shànghǎi	沪 hù	6 341	17 805 281
Tianxín	Tianjin	天津	Tiānjīn	津 jīn	11 632	10 315 894

Rexións Administrativas especiais

Notas

↑ China.org.cn. "División administrativa e cidades".

Véxase tamén

Ligazóns externas

Divisións administrativas da China (a finais do 2000) (en inglés).

[administracion-1] China.org.cn. "División administrativa e cidades".

[1]