დუდხასჷლა

მოზოჯით ვიკიპედიაშა!
ვიკიმედიაშ დუდიშული ანდანინამი ენციკლოპედია

20,967 სტატია მარგალურო

გეოგრაფია ისტორია საქორთუო რელიგია მენცარობა
ჯარალუა სპორტი ტექნიკა ხელუანობა

ანბანური ოგორუ · მარგალურ ვიკიპედიაშე ·ოჩ@იე


გიშნაგორა სტატია ანა ფრანკი, 1940 წანა ანელიზ მარია „ანა“ ფრანკი (გერმ. Anne Frank [ˈʔanə ˈfʁaŋk] (ინფ.), ნიდერლ. Anne Vrank [ˈʔɑnə ˈfrɑŋk; ნანდული ჯოხო — ანელიზ მარია ფრანკი (გერმ. Anneliese Marie Frank [ˈanəˌliːs maˈʁiː ˈʔanə ˈfʁaŋk] (ინფ.), ნიდერ. Anneleese Marie Vrank [ˈɑnəˌlis maːˈri ˈʔɑnə ˈfrɑŋk]); დ. 12 მანგი, 1929, მაინიშ ფრანკფურტი, გერმანია — ღ. მელახი, 1945, ბერგენ-ბელზენი, მასუმა რაიხი)) — გერმანიას დჷნაბადი ურია ცირა ბაღანა, ნამუთ ჰიტლერიშ ხეშუულობაშ მულაშე ფანიაწკჷმა ართო ატყობუდჷ ნაცისტურ ტერორს ნიდერლანდეფს. საბოლათ ჭოფილქ დო ჸონაფილქ იჸუ აუშვიციშ საკონცენტრაციე კარეშა, მოგვიანაფათ გინოჸონაფილქ იჸუ ბერგენ-ბელზენშა, დო ლჷმაშ დალიას დოღურჷ ტიფათ. ჩინებული „ანა ფრანკიშ დღარეფი“-შ ავტორი — დოკუმენტი, ნამუქჷთ გეგმაარგამუ ნაციზმი დო გინოთანგილი რე მოსოფელიშ ანდა ნინაშა. თე კჷრბიქ ხეთეშე მოსოფელიშ ბესტსელერო გინირთჷ — ვა ხვალე თიში მანჭებუ ინტონაციათ, თაშნეშე თარო თიშ გეშა, ნამჷ-და ართ ცირა ბაღანაშ ჭარაქ ჰოლოკოსტწკჷმა მერსხილი მილიონობათ ადამიერიშ ტრაგედიაშ აკოკათუა შილებუნ. ანა ფრანკი დო თიში ფანია იკოროცხჷნა ნაციზმიშ ართ-ართ ჩინებულ ნაკიბირათ. ქიგნაჯინით სტატიას... კანდიდატეფი შხვა გიშნაგორა სტატიეფი
გიჩქუდესო, ნამჷ-და...
ვიკიპედიაშ ახალი მასალეფშე: აშშ-იშ სახენწჷფო დეპარტამენტიშ მარწკინდი ... ააშ-ს ედომუშამი ისტორიაშ გოძვენას, 67 სახენწჷფო მელამოსე ჸუნდჷ, ნამუეფშეთ ხვალე სუმი რდჷ ოსურინ? ...კალიმანტანი აკა კოკი რე, ნამუსჷთ სუმი სახენწჷფო ირთუნს: ინდონეზია, მალაიზია დო ბრუნეინ? ...აფხაზეთიშ ოფუტე აძუბჟას უჩაკანამი აფხაზეფი ოხორანან? ...წალენჯიხაშ ოკათედრე ოხიდა მოხანტილი რე XII-XIV ოო. ბიზანტიური პალეოლოგიური ხელუანობაშ ფრესკეფითინ? ... ერაყის მაართა სტამბა 1829 წანას ქორთული გამნარყიშ მამლუქიქ დაუდ-ფაშა გურჯიქ (დავით მანველაშვილი) დარსხუნ? ...დადიანეფიშ დოხორეს, ნამუთ XIX ო-აშ 80-ამ წანეფს რე ეგაფილი რუსი არქიტექტორიშ ლეონიდ ვასილიევიშითინ, საქორთუოს წჷმოსქილადირ დოხორეეფშე არძოშე დიდი ომეჯლისე დარბაზი უღუნ? ...ასოეფიშ — ჷ დო ჸ-შ ეკოროფუა ქორთულ კლავიატურას მარძგვანი Alt დო J დო მარძგვანი Alt დო Y კონჭეფიშ გენჭირათ შილებენ?.
დღაშ სურათი ჯეგე იოანე კანეოშ ოხვამე, ოჰრიდი, ოორუე მაკედონია ჯეგე იოანე კანეოშ ოხვამე, ოჰრიდი, ოორუე მაკედონია 📸 შხვა სურათეფი 📸

ახალი ამბეეფი
ჰალა ტომასდოტირი ჰალა ტომასდოტირი (სურათის) ისლანდიაშ პრეზიდენტო გეგშაგორეს. მადრიდიშ „რეალქ“ ჩემპიონეფიშ ლიგა მავითოხუთათ მიგჷ. ამერიკალი რეჟისორიშ შონ ბეიკერიშ ფილმქ „ანორა“ კანიშ კინოფესტივალიშ ორქოშ პალმაშ ჸა მიპალჷ. ირანიშ პრეზიდენტი იბრაჰიმ რაისიქ ავიაკატასტროფას დოღურჷ. სლოვაკეთის ქაიანაშ პრემიერ-მინისტრი რობერტ ფიცოშ (სურათის) ჸვილუა ცადეს. ლოურენს ვონგიქ სინგაპურიშ პრემიერ-მინისტრო გჷნირთუ ლი სიანლუნიშ უკული, ნამუთ თე პოსტის იკენდჷ 20 წანაშ ხანს. მიმალი: რუსეთიშ მინოკათუა უკრაინაშა (2022-ა. შ.) • სუდანიშ ომენოღალე ლჷმა (2023-ა. შ.) • ისრაელ-ჰამასიშ ლჷმა
ამდღანერი დღა ისტორიას
4 მანგი — თე დღას... ჰაინრიხ III ჯვ. წ. 780 : ისტორიას პირველი ბჟაშ გეუკუმელაფაქ დეფიქსირჷ ჩინეთის. 1039 : ჰაინრიხ III-ქ (სურათის) საღორონთო რომიშ იმპერატორო გჷნირთუ. 1615 : სიოგუნი ტოკუგავა იეიასუქ ოსაკაშ ჯიხაზურგა გეჭოფჷ. 1783 : ჯიმალეფ მონგოლფიეეფქ საჰეერე ბურთიშ დემონსტრაცია იქუეს. 1919 : ოსურეფიშ ნებეფი: ააშ-იშ კონგრესიშ გჷნოჭყვიდირით ოსურეფს ხონარიშ მეჩამაშ ნებაქ მიაჩჷ. 1943 : ხუნტაქ არგენტინას რამონ კასტილიოშ თარობა გეგთახჷ. 1989 : ჩინეთიშ ოკათე არმიაქ პეკინს, ტიანანმენიშ მოედანშა გიშულირი მომიტინგეეფი აკორაბადჷ, ნამუშ გეშა 241 ადამიერქ გოჭყორდჷ, 7000-შახ — მონკათ დეღამაკჷ. 📖 შხვა მოლინეფი 📖
ახალი სტატიეფი
რიჩარდ ფილიპს ფეინმანი (ინგლ. Richard Philips Feynman [ˈfaɪnmən]; დ. 11 მესი, 1918, ნიუ-იორქი ― ღ. 15 ფურთუთა, 1988, ლოს-ანჯელესი) — ამერიკალი ფიზიკოსი, ნობელიშ პრემიაშ ლაურეატი ფიზიკას (1965). 1943-1945 ბირთვული ანჯარიშ ქიმინუაშე მომუშე, მანჰეთენიშ პროექტიშ აქტიური მაკათური ლოს-ალამოსის, თაშნეშე რდჷ კოსმოსური შატლ „ჩელენჯერიშ“ კატასტროფაშ კჷლმაგორალი პანელიშ მაკათური. (ქიგნაჯინით სტატიას) ჭიჭე მაფასქირი (ფრანგ. Le Petit Prince) — ალეგორიული ნოველა; ფრანგი არისტოკრატიშ, ჭარუშ, პოეტიშ დო მაფურინეშ ანტუან დე სენტ-ეგზიუპერიშ არძოშე უმოსო ჩინებული ნახანდი. მაართათ გჷშეშქვინჷ 1943 წანას ნიუ-იორკის. ჭიჭე მაფასქირი ირიშენ უმოსი კითხირებული დო ირიშენ უმოსი თანგილი ფრანგულნინამი წინგი რე. საფრანგეთის თინა XX ოშწანურაშ საუჯგუშო წინგო აკირჩქინეს. გინოთანგილი რე 250-შე უმოსი ნინაშა დო დიალექტშა (თინეფ შქას ბრაილშა), მოსოფელიშ მასშტაბით გიმოჩამილი რე 140-შე უმოსი ეგზემპლარი დო წჷმარინუანს ირი ბორჯიშ ართ-ართი წჷმოძინელ ბესთსელერს. (ქიგნაჯინით სტატიას) ერნესტო რაფაელ გევარა დე ლა სერნა (დ. 14 მანგი, 1928 — ღ. 9 გჷმათუთა, 1967) — ოირკოჩეთ ჩინებული, მუჭოთ „ჩე გევარა“, ვარა „ელ ჩე“ რდჷ არგენტინალი ექიმი, მარქსისტი რევოლუციონერი, პოლიტიკოსი, კუბაშ პარტიზანული ლიდერი. (ქიგნაჯინით სტატიას) ფრიდრიხ ავგუსტ ფონ ჰაიეკი (დ. 8 მესი. 1899, ვენა — ღ. 23 მელახი. 1992, ფრაიბურგი, ბადენ-ვიურტემბერგიშ აკანს) ავსტრიალი ეკონომისტი. გათუ ვენაშ უნივერსიტეტი (1921). რდჷ ავსტრიაშ ეკონომიური რკვიეფიშ ინსტიტუტიშ დირექტორი (1927-1931), ლონდონიშ (1931-1950), ჩიქაგოს (1950-1962), ფრაიბურგიშ (1962-1969) უნივერსიტეტეფიშ პროფესორი, 1970-შე ზალცბურგიშ (ავსტრია) უნივერსიტეტიშ პროფესორ-კონსულტანტი. (ქიგნაჯინით სტატიას)