ویکی محبوب یادگاریں

ویکی محبوب یادگاریں (انگریزی: Wiki Loves Monuments) ستمبر کے مہینے میں منعقد ایک سالانہ بین الاقوامی فوٹو گرافی مقابلہ ہے جو دنیا بھر میں ویکیپیڈیا کمیونٹی کے ارکان کی طرف سے مقامی ویکیمیڈیا ملحقہ اداروں کی مدد سے منظم كىا جاتا ہے۔

ویکی لوز مونومنٹس ویکی محبوب یادگاریں
ویکی محبوب یادگاروں گا باضابطہ لوگو
ویکی محبوب یادگاروں 2017 میں شریک ممالک کا نقشہ
قسم	مصوری
شروع	یکم ستمبر[1]
اختتام	30 ستمبر[2]
مقام	عالمی
سالہائے فعالیت	6
افتتاح شدہ	2010ء
حالیہ	2016ء
شرکاء	مصورین
منظم بہ	ویکیپیڈیا برادری
ویب سائٹ
wikilovesmonuments.org

شرکا اپنے مقامى یادگار اور ان کے علاقے میں ثقافتی ورثہ مقامات كى تصویریں لیتے ہیں اور ویکیمیڈیا کامنز پر اپلوڈ كرتے ہیں۔ اس تقریب کا مقصد شریک ممالک کے ثقافتی ورثہ مقامات کو اجاگر کرنا ہے، اس مقصد کے لیے لوگوں کو ان یادگاروں کی تصویریں کھینچنے کا شوق بیدار کرنا اور انھیں آزاد اجازت نامے کے تحت رکھنا ہوتا ہے تاكہ نہ صرف ویکیپیڈیا میں بلکہ ہر جگہ انھیں آزادانہ استعمال کیا جاسکے۔ پہلی ویکی محبوب یادگاریں مقابلہ ایک پائلٹ پراجیکٹ کے طور پر نیدرلینڈ میں 2010ء میں منعقد ہوا۔

گنیز بک آف ریکارڈز کے مطابق اگلے سال یہ یورپ کے دیگر ممالک میں پھیل گیا، ^[3] 2012ء میں 35 حصہ لینے والے ممالک کی کل تعداد کے ساتھ مسابقہ یورپ سے آگے بڑھا دی گئی۔^[4]

ویکی محبوب یادگاریں 2012ء كے دوران میں 15,000 سے زائد شرکا کی طرف سے 350,000 سے زائد تاریخی یادگاروں کی تصویریں اپلوڈ کی گئی تھیں۔ 2013ء میں ویکی محبوب یادگاریں مسابقہ انٹارکٹکا سمیت چھ براعظموں میں منعقد ہوا اور دنیا بھر کے پچاس سے زائد ممالک نے سرکاری طور پر شركت كى۔