Porsgrunn
- Denne artikkelen handlar om byen Porsgrunn. For kommunen, sjå Porsgrunn kommune. For tettstaden, sjå Skien/Porsgrunn.
Porsgrunn er ein by og administrasjonssenter i Porsgrunn kommune i Telemark. Byen ligg ved den nedste delen av Porsgrunnselva og utgjer den delen av tettstaden Skien/Porsgrunn som ligg i Porsgrunn kommune. Porsgrunndelen av denne tettstaden har 33 346 innbyggjarar (2015).[1]
| Porsgrunn | |||
| By | |||
 «Øssida» i Porsgrunn, med Porsgrunnelva i framgrunnen. | |||
| Land |  Noreg | ||
|---|---|---|---|
| Fylke | Telemark | ||
| Kommune | Porsgrunn | ||
| Del av | Porsgrunn/Skien | ||
| Koordinatar | 59°08′25.9″N 9°39′22.0″E / 59.140528°N 9.656111°E | ||
| Areal | 20,69 km² | ||
| • storbyområde | 54,05 km² | ||
| Folketal | 33 346 (2015) | ||
| - storby | 95 763 | ||
| Folketettleik | 1 772 / km² | ||
| Preposisjon | i Porsgrunn | ||
 Porsgrunn 59°08′26″N 9°39′22″E / 59.14054°N 9.6561°E | |||
| Wikimedia Commons: Skien | |||
| Nettstad: www.porsgrunn.kommune.no | |||
Byen ligg om lag fem kilometer frå E 18 og aust for elva går riksveg 36. Det er samband med jernbane austover gjennom Vestfoldbanen og nordover til Nordagutu gjennom Sørlandsbanen. Det er også gode samband via sjøvegar.
Porsgrunn har ei avdeling av sjukhuset Telemark. Byen har også vidaregåande skolar og Høgskolen i Telemark med teknologiske fag og helsefag. På Eidanger om lag fire kilometer frå sentrum er det ein folkehøgskole, Grenland Folkehøgskole, med idretts- og reiselinjer.
Byskildring
endreByen ligg på begge sidene av den nedre delen av Porsgrunnselva, og strekker seg til Eidanger kyrkje i søraust. Den eldste og største delen av byen ligg på austsida. Her er sentrum i byen, med rådhus, museum og forretningsstrøk.
Ei klaffebru bind aust- og vestsida saman over elva, og brua opnar seg for båttrafikk. Nedanfor brua er det industriverksemder, nokre med eigne kaier. I byen ligg kyrkjene Østre Porsgrunn kyrkje og Vestre Porsgrunn kyrkje.
Sjå òg
endreKjelder
endre- «Vennskapsbyer - Porsgrunn kommune». 10. mai 2010. Henta 12. juni 2013.
«Porsgrunn» av Geir Thorsnæs / Kunnskapsforlagets papirleksikon i Store norske leksikon, snl.no.«Porsgrunn – tettstedet» i Store norske leksikon, snl.no.
Referansar
endre- ↑ Statistisk sentralbyrå Folkemengd og areal, 1. januar 2015.