سانا مارین
سانا میرلا مارین (شابلون:IPA-fi;[۳] بزائه 16 نوامبر 1985) اتا فلاندی سیاستمدار هسته که شه کشورِ چل و شیشمین نخست‌وزیر بیّه. وه وقتی این مقوم جه برسی‌ه، ونه سن 34 سال بی‌یه و جوون‌ترین آدمی بیّه که فلاند دله نخست‌وزیر بیی‌یه.[۴][۵] وه این رکورد دله گابریل بوریک (شیلی جه) و دریتان آبازوویچ (مونته‌نگرو جه) برابری کانده.
| Sanna Marin | |
|---|---|
 | |
| فلاند چل و شیشمین نخست‌وزیر | |
| مشغول کار | |
| انتصاب تاریخ 10 دسامبر 2019 | |
| رئیس‌جمهور | سائولی نینیسته |
| قائم‌مقام | کاترین کولمونی ماتی وانهانن Annika Saarikko |
| پس از | آنتی رینه |
| فلاند دموکرات سوسیال حزب | |
| مشغول کار | |
| انتصاب تاریخ 23 آگوست 2020 | |
| پس از | آنتی رینه |
| Minister of Transport and Communications | |
| مشغول کار 6 جوئن 2019 – 10 دسامبر 2019 | |
| نخست وزیر | آنتی رینه |
| پس از | Anu Vehviläinen |
| پیش از | Timo Harakka |
| فنلاند میلس | |
| مشغول کار | |
| انتصاب تاریخ 22 آوریل 2015 | |
| انتخاباتی حوزه | پیرکانما |
| شخصی اطلاعات | |
| بزائن | Sanna Mirella Marin ۱۶ نوامبر ۱۹۸۵ (۳۷ سال)[۱][۲] هلسینکی, اوسیما, فلاند |
| سیاسی حزب | فلاند دموکرات سوسیال حزب |
| شی/زنا | Markus Räikkönen |
| وچون | اتا کیجا |
بیوگرافی
مارین هلسینکی شهر دله دنیا بموئه ولی پیرکالا شهر دله گت بیّه و اونجه سال ٢٠٠۴ مدرسه جا فارغ‌التحصیل بیّه. ونه پی‌یر-مار وقتی وچه بی‌یه، هئی جا سیوا بَینه و ونه مار وه ره خورد پی‌یر همراهی گت هاکرده. وه دانشگاه دکته تامپره و اونجه علوم مدیریت درس ره بخوندسته. سال ٢٠٢۰ مارکوس رایکونن جه ازدواج هکرده و وشون اتا کیجا وچه دارنه.
مارین اوائل اتا نونوایی دله کار کرده و دخل پشت نیشت بی‌یه تا این که سال ٢٠٠۶ سوسیال‌دموکرات حزب دله عضو بیّه و جوون‌های چلّه درون فعالیت هاکرده و دِ سال په، شورای شهرِ عضویت وسّه کاندیدا بیّه و رأی نیارده ولی اَی دِباره کاندید بیّه و این صوه سال ٢٠١٢ شورا دله وارد بیّه. ات سال بگذشتی په، شورایِ رییس بیّه. مارین سال ٢٠١۵ پارلمون وسّه هم ثبت‌نوم هاکرده و اَی رأی بیارده و میلس دله هم عضو بیّه. دِ سال بیّه په، شه حزب دله معاون اول بیّه و همینتی شورای شهر دله هم دیّه. ٢٠١٩ پارلمانی انتخابات دله هم شه کرسی ره حفظ هکرده و وقتی وشون حزب دولت تشکیل هدا، مارین ره «حمل و نقل و ارتباطات ِوزیر» هاکردنه.
حزب دله اختلاف دکته و نخست‌وزیر شه مقوم جا استعفا هدا و اینتی مارین روز ١٠ دسامبر ٢٠١٩ ونه جا سر هنیشته و نخست‌وزیر بیّه. مارین این گادر ٣۴ساله بی‌یه و دنیایِ جوون‌ترین زن ِنخست‌وزیر بیّه. وه آگوست ٢٠٢٠ سوسیال‌دموکراتِ حزب ِرهبر هم انتخاب بیّه. مارین اتی چپکی جریون جه طرفداری کانده و ونه تمرکز سیاست سر مردم ره راقاضی هاکرده که وه ره قدرت برسنن. ونه برنامه ویشته رفاه اجتماعی و برابری سر هسته و آب و هوایی تغییرات مسئله ره هم خله دمبال کانده.[۶]
سان مارین معروف هسته که پارتی و جشن دله خله شرکت کانده. وه ات صوه، کرونا گدر بدون موبایل بورده اتا فستیوال دله شرکت هاکنه که ون‌سه پغوم هدانه که اتا کرونایی جه نشست‌برخاست داشتی ولی وه شه گوشی ره همراه نداشته و سرصاب نیه. همینسه بعداً عذرخاهی هاکرده. ای ات صوه دیگر، ونه خصوصی فیلم دربمو که شه رفقون همراه پارتی دله لوچ‌لوچ بازی دریارده. وه البته باته که این جشن دله خلافی نکارده و مواد نکشی‌یه و فقط ات شو در خِشی کرده. ولی منتقدون گانه زمونی که روسیه تهدید مملکت سر دره و ناتو قضیه پیش کته، چه وسته وه اینتی جشن بیره و مست‌مستی هاکنه؟ [۷]
په‌نویس
- ↑ Sanna Marin. دانشنامه بریتانیکا.
- ↑ خطای منبع: برچسب
<ref>نامعتبر؛ متنی برای ارجاع‌های با نامSpecia-2019وارد نشده‌است - ↑ Miten pääministerin sukunimi ääntyy? (in Finnish; "How is the prime minister's family name pronounced?") – Institute for the Languages of Finland
- ↑ Pääministerien ikä nimitettäessä (fi-FI).
- ↑ Prime Minister's age on the date of appointment.
- ↑ Sanna Marin. دانشنامه بریتانیکا.
- ↑ جنجال بر سر تصاویر منتشرشده از نخست‌وزیر فنلاند در پارتی با دوستانش, فارسی یورونیوز