റൂത്ത് ചാറ്റർട്ടൺ
റൂത്ത് ചാറ്റർട്ടൺ (ജീവിതകാലം: ഡിസംബർ 24, 1892 - നവംബർ 24, 1961) ഒരു അമേരിക്കൻ നാടക, ചലച്ചിത്ര, ടെലിവിഷൻ നടിയും പൈലറ്റും നോവലിസ്റ്റുമായിരുന്നു. 1930-കളുടെ ആരംഭം മുതൽ പകുതി വരെ ഏറ്റവും ജനപ്രിയയായിരുന്ന അവർ അതേ കാലഘട്ടത്തിൽ ഒരു വൈമാനിക എന്ന നിലയിൽ പ്രാധാന്യം നേടിയിരുന്നു. അക്കാലത്ത് അമേരിക്കൻ ഐക്യനാടുകളിലെ ചുരുക്കം ചില വനിതാ പൈലറ്റുമാരിൽ ഒരാളായിരുന്നു അവർ. 1930-കളുടെ അവസാനത്തിൽ, ചാറ്റർട്ടൺ ചലച്ചിത്ര അഭിനയത്തിൽ നിന്ന് വിരമിച്ചെങ്കിലും നാടകവേദിയിലൂടെ അഭിനയം തുടർന്നു. 1940 കളുടെ അവസാനത്തിൽ നിരവധി ടെലിവിഷൻ വേഷങ്ങൾ അവതരിപ്പിച്ച അവർ 1950 കളിൽ ഒരു വിജയംവരിച്ച നോവലിസ്റ്റായി.
റൂത്ത് ചാറ്റർട്ടൺ | |
|---|---|
 1930-ൽ റൂത്ത് ചാറ്റർട്ടൺ | |
| ജനനം | ഡിസംബർ 24, 1892 |
| മരണം | നവംബർ 24, 1961 (പ്രായം 68) |
| അന്ത്യ വിശ്രമം | ബീച്ച്വുഡ്സ് സെമിത്തേരി |
| തൊഴിൽ | നടി, നോവലിസ്റ്റ് |
| സജീവ കാലം | 1908–1953 |
| ജീവിതപങ്കാളി(കൾ) | ബാരി തോംസൺ (m. 1942; died 1960) |
ആദ്യകാല ജീവിതം തിരുത്തുക
വാസ്തുശില്പിയായ വാൾട്ടറുടെയും ലിലിയൻ (മുമ്പ്, റീഡ്) ചാറ്റർട്ടണിന്റെ മകളായി 1892 ലെ ക്രിസ്മസ് രാവിൽ ന്യൂയോർക്ക് നഗരത്തിലാണ് ചാറ്റർട്ടൺ ജനിച്ചത്.[1] അവൾ ഇംഗ്ലീഷ്, ഫ്രഞ്ച് വംശജയായിരുന്നു. ചെറുപ്പത്തിൽ തന്നെ മാതാപിതാക്കൾ വേർപിരിഞ്ഞു. ന്യൂയോർക്കിലെ പെൽഹാമിലെ മിസിസ് ഹേഗൻസ് വിദ്യാലയത്തിലാണ് ചാറ്റർടൺ പഠനം നടത്തിയത്.[2]