മില കൂനിസ്

മിലാന മാർക്കോവ്ന "മില" കൂനിസ് (/ˈmiːlə ˈkuːnɪs/; ഉക്രൈനിയൻ ഭാഷ: Міле́на Ма́рківна "Мі́ла" Ку́ніс; റഷ്യൻ ഭാഷ: Миле́на Ма́рковна "Ми́ла" Ку́нис; івр: מילה קוניס‎) (ജനനം ആഗസ്ത് 14, 1983) ഒരു അമേരിക്കൻ നടി ആണ്. 1991-ൽ ഏഴ് വയസുള്ളപ്പോൾ, കുടുംബസമേതം അവർ സോവിയറ്റ് യൂണിയനിൽ നിന്ന് അമേരിക്കയിലേക്ക് താമസം മാറി. സ്കൂൾ വിദ്യാഭ്യാസത്തിന് പുറമെ അഭിനയ പരിശീലനതിനും സമയം കണ്ടെത്തിയ കൂനിസിന് ഒരു ഏജന്റിന്റെ സേവനം ലഭിച്ചു. ധാരാളം പരസ്യങ്ങളിലും ടെലിവിഷൻ പരമ്പരകളും അഭിനയിച്ച അവർ തന്റെ പതിനഞ്ചാം വയസ്സിൽ ദാറ്റ് സെവന്റീസ് ഷോയിൽ എന്ന പരമ്പരയിൽ ജാക്കി ബർക്ക്ഹാർട്ട് എന്ന കഥാപാത്രത്തെ അവതരിപ്പിച്ചു. 1999 മുതൽ, ആനിമേഷൻ പരമ്പര ഫാമിലി ഗയ്യിൽ മെഗ് ഗ്രിഫിൻ എന്ന കഥാപാത്രത്തിനു ശബ്ദം നൽകുന്നു.

മില കൂനിസ്
Kunis at the 2012 San Diego Comic-Con
ജനനം	Milena Markovna Kunis (1983-08-14) ഓഗസ്റ്റ് 14, 1983  (40 വയസ്സ്) Chernivtsi, Ukraine, Soviet Union
ദേശീയത	American
തൊഴിൽ	Actress
സജീവ കാലം	1994–present
ടെലിവിഷൻ	That '70s Show Family Guy
ജീവിതപങ്കാളി(കൾ)	Ashton Kutcher ​ (m. 2015)​
പങ്കാളി(കൾ)	Macaulay Culkin (2002–2010)
കുട്ടികൾ	2

2008-ൽ പുറത്തിറങ്ങിയ ഫോർഗെറ്റിങ്ങ് സാറാ മാർഷൽ എന്ന ചിത്രത്തിൽ അവതരിപ്പിച്ച റേച്ചൽ എന്ന കഥാപാത്രം വഴിത്തിരിവായി. തുടർന്ന് 2010 ൽ സൈക്കോളജിക്കൽ ത്രില്ലർ ചിത്രം ബ്ലാക്ക് സ്വാനിലെ പ്രകടനം കൂനിസിനെ കൂടുതൽ പ്രശസ്തയാക്കി. ഈ ചിത്രത്തിലെ അഭിനയത്തിന് വെനീസ് അന്താരാഷ്ട്ര ചലച്ചിത്രമേളയിൽ അംഗീകാരം ലഭിച്ചു. കൂടാതെ മികച്ച സഹനടിക്കുള്ള എസ്എജി അവാർഡ്, ഗോൾഡൻ ഗ്ലോബ് നാമനിർദ്ദേശങ്ങളും ഈ ചിത്രത്തിലെ പ്രകടനത്തിനു മില കൂനിസിന് ലഭിച്ചു. നവ-നോയിർ ആക്ഷൻ ചിത്രമായ മാക്സ് പെയിൻ (2008), പോസ്റ്റ്-അപ്പോക്കലിപ്റ്റിക് ആക്ഷൻ ചിത്രം ദ ബുക്ക് ഓഫ് ഏലി (2010), റൊമാന്റിക് കോമഡി ചിത്രം ഫ്രൺഡ്സ് വിത്ത് ബെനിഫിറ്റ്സ് (2011), കോമഡി ചിത്രം ടെഡ് (2012), ഫാന്റസി ചിത്രം ഓസ് ദ ഗ്രേറ്റ് ആന്റ് പവർഫുൾ (2013), കോമഡി ചിത്രം ബാഡ് മോംസ് (2016) എന്നിവയാണ് മില കൂനിസ് അഭിനയിച്ച പ്രധാന ചിത്രങ്ങൾ.