ആക്കം

ചലിച്ചുകൊണ്ടിരിക്കുന്ന വസ്തുക്കളുടെ സവിശേഷ ഗുണമാണ് സംവേഗം അഥവാ ആക്കം. സംവേഗം എന്നത് മാസ്സ് × പ്രവേഗം ആണ് (p = mv). ആക്കത്തിന്റെ യൂണിറ്റ് Kg m/s ആകുന്നു. ^[1] ഉദാഹരണമായി

നനഞ്ഞ മണൽ നിറച്ച് പരത്തിയിട്ടിരിക്കുന്ന ഒരു ട്രേയിൽ,ഒരേ വലിപ്പമുളള വ്യത്യസ്ത ഭാരമുള്ള, ഗോലി കളോ സ്റ്റീൽ ഉണ്ടകളോ, ഒരേ ഉയരത്തിൽ നിന്നും താഴേക്കിട്ടാൽ ഉണ്ടാകുന്ന കുഴികളുടെ ആഴങ്ങൾ വ്യത്യസ്തമായിരിക്കും. ഇവിടെ ആഴത്തിന്റെ വ്യത്യാസത്തിന് കാരണമായത് ആ വസ്തുവിന്റെ പ്രവേഗവും വസ്തുവിന്റെ ഭാരവുമാണ്. വസ്തുക്കളുടെ മാസും പ്രവേഗവും വർദ്ധിക്കുന്നതിനനുസരിച്ച് അവ മറ്റ് വസ്തുക്കളിൽ ഏൽപ്പിക്കുന്ന ആഘാതവും വർദ്ധിക്കുന്നു. അതായത് ആക്കത്തിന്റെ അളവ് ചലിക്കുന്ന വസ്തുവിന്റെ മാസിന്റെയും പ്രവേഗത്തിന്റെയും ഗുണനഫലമാണ്.^[2]