Османски турски јазик

Отомански турски јазик или само отомански јазик (لسان عثمانى‎ Lisân-ı Osmânî) — историска варијанта на турскиот јазик кој се користел како административен и литературен во рамките на Отоманското Царство. Јазикот имал голем број позајмени зборови од арапскиот и персискиот јазик и истиот користел арапско писмо за пишување. Така, литературниот отомански јазик не бил сосема разбирлив за обичниот необразован турски народ, кој пак користел упростен турски јазик со помал број арапски и персиски зборови. Тој упростен секојдневен јазик е базата за денешниот модерен турски јазик.^[1] Јазикот може да се именува и како османски турски, османлиски турски, османски или османлиски јазик.