ФА куп

ФА куп или Куп на Фудбалскиот сојуз — најстарото натпреварување во светот и за првпат е одиграно 1871 година. Таа година настапиле 15 клубови, а првиот натпревар е одигран на 11 ноември помеѓу Аптон Парк и Клафам Роверс и завршил со резултат 0-3. Првиот погодок во историјата на натпреварувањето го постигнал Џервис Кенрик.

ФА куп

Земја	Англија
Основана	1871
Број на клубови	736 (2015-2016)
Тековен првак	Лестер Сити (1. титула) (2020-2021)
Најмногу титули	Арсенал, Манчестер Јунајтед (12. титули)
Мрежно место	ФА Куп
Трофеј
ФА Куп 2020-2021

Што се однесува до бројот на освоени купови најуспешни екипи се Арсенал и Манчестер Јунајтед со по 12 титули. Единствениот тим којшто не е од Англија, а успеал да го освои ФА купот е велшкиот Кардиф Сити (во 1927).

До сега само еден клуб го освоил ФА купот, а да немал ни прволигашки ни второлигашки статус. Во 1901 година тоа била екипата на Тотенхем, кој тогаш бил член на тогашната Јужна лига, односно трета лига по ранг во тој момент. Досега најголем број на финалиња се одиграни на Вембли стадионот (од 1923 до 2000), а вкупно финалињата се играни на 10 стадиони, почнувајќи од Кенингтон Овала 1872 до новиот Вембли каде се играат финалињата од 2007 година.

Најуспешен стрелец во историјата на купот е Хенри Кашам од Нотс Каунти, кој во периодот од 1877 до 1888 година постигнал 49 голови.