Kirsten Dunst

Kirsten Caroline Dunst di 30ê nîsana 1982an de li Nexweşxaneya Point Pleasant ya bajarê New Jerseyê ji dayik bû.^[1] Bavê Dunst di sîemensê de wek rêvebirê xizmetên bijîşkî dixebitî û diya wê jî di pargindaniya Lufthansa wek xebatkarê firînê dixebitî.^[2] Di heman demê de jî hunermend û xwediyê galeriya wesayîtan bû. Bavê Dunst bi eslê xwe Alman e û ji bajarê Hamburgê ye. Dayika wê ya amerîkî bi eslê alman û swêdî ye.^[3] Kirsten, heta 11 saliya xwe li bajarê Brick Township, New Jersey dijî û li Dibistana Ranney ya li Tinton Falls dimaniya. Dê û bavê wê di sala 1993an de ji hev qetiyan û paşê ew bi dê û birayê xwe re derbasî Los Angelesê bû, û li wir ew li Dibistana Laurel Hall a li Bakurê Hollywoodê û Dibistana Bilind a Notre Dame ya li Sherman Oaksê xwend. Di nav hevalên wê yên dibistanê de Rami Malek jî heye ku di pola jorîn de bû; her du jî di poleke şanoyê ya muzîkê de bûn Di sala 1995an de dayika wê ji bo hevberdanê doz vekir.

Piştî ku di sala 2000an de dibistana navîn qedand lîstikvaniya dewam kir.^[4] Di ciwaniya xwe de zehmetî dît ku bi bilindbûna navûdengiya xwe ne dikarî bikişêne û demekî diya xwe ku wê wekê zarok dibêne û wîsa tevdigere, tawanbar kir. Lê belê piştre jî got ku dayika wê "her tim xwedî niyeteke herî baş bû".^[5] Dema ku jê pirsî ka ji zarokatiya xwe poşman bûye yan na, Dunst got, "Baş e, ne rengekî xwezayî ye ku ez mezin bim, lê ev awayê mezinbûnê ye û ez ê neguherim. Tiştên min hene ji bo bixebitîn... Ez nafikirim ku kes li dora xwe rûne û bibêje, 'jiyana min ji ya te wêdetir e'. Her kes xwedî li pirsgirêkên xwe derdikevî".