იბრაჰიმ აფელაი

ფეხბურთის თამაში დაიწყო ეინდჰოვენის „PSV-ს“ ახალგაზრდულ აკადემიაში. მისი ოფიციალური დებიუტი შედგა 2004 წლის 4 თებერვალს „ბრედასთან“ სათასო მატჩში, 17 წლის ასაკში. 2005 წლის 15 მაისს აფელაიმ „ფეიენოორდთან“ მატჩში გაიბრწყინა და ხუთი გოლი გაიტანა. მისი დებიუტი ჩემპიონთა ლიგაზე შედგა 2005-2006 წლების სეზონში, 13 სექტემბერს, „შალკეს“ წინააღმდეგ. იმ სეზონში აფელაი იქცა „PSV-ს“ ძირითადი შემადგენლობის მოთამაშედ და სეზონის განმავლობაში 23 მატჩი ჩაატარა.

2011 წელს აფელაი იყიდა „ბარსელონამ“ 3 მილიონ ევროდ.^[1] „ბარსაში“ მისი დებიუტი შედგა 2011 წლის 5 იანვარს, ბილბაოს „ატლეტიკის“ წინააღმდეგ სათასო მატჩში. აფელაიმ მონაწილება მიიღო ჩემპიონთა ლიგის 2011 წლის ფინალში, ის შეცვლაზე შევიდა. 2011 წლის სექტემბერში მან სერიოზული ტრავმა მიიღო და 7 თვე გაუცდა. 2012 წლის 31 აგვისტოს აფელაი „ბარსელონამ“ იჯარის წესით გადასცა გერმანულ კლუბ „შალკეს“.

აფელაი მიწვეული იყო მაროკოსა და ნიდერლანდების ეროვნულ ნაკრებებში. მან ეს უკანასკნელი აირჩია და პირველი მატჩი ჩაატარა 2007 წლის 28 მარტს სლოვენიის ნაკრების წინააღმდეგ ევრო 2008-ის შესარჩევ ტურნირზე. ვან ბასტენმა აფელაი წაუყვანა ევროპის 2008 წლის ჩემპიონატზე და შეცვლებზე შეჰყავდა იგი. ასევე შეცვლებზე შედიოდა აფელაი 2010 წლის მსოფლიოზე. პირველი გოლი მან 2010 წლის 12 ოქტომბერს შვედეთის ნაკრებს გაუტანა ევრო 2012-ის შესარჩევ რაუნდში. ევრო 2012-ზე მან პირველი ორი მატჩი სასტრარტო შემადგენლობაში დაიწყო. აფელაის ნაკრებში სულ 6 გოლი აქვს გატანილი.