ედუარდ ბერნ-ჯოუნზი

ედუარდ კოლი ბერნ-ჯოუნზი (ინგლ. Edward Coley Burne-Jones; დ. 28 აგვისტო, 1833, ბირმინგემი — გ. 17 ივნისი, 1898, ლონდონი) — ინგლისელი ფერმწერი. სწავლობდა ოქსფორდის უნივერსიტეტში. მიეკუთვნებოდა პრერაფაელიტების უმცროს თაობას. 1859 და 1862 წლებში მუშაობდა იტალიაში. განიცადა დანტე გაბრიელ როსეტის და XV საუკუნის იტალიელ ფერმწერთა გავლენა. ლირიკულ და ლეგენდარულ თემებზე შექმნილი ბერნი-ჯოუნზის სურათები რამდენადმე მანერული და სტილიზებულია. ნამუშევრები: „სიყვარული ნანგრევებს შორის“ (1893, ტეიტის გალერეა, ლონდონი), აკვარელები (უმთავრესად 1864-1870), ილუსტრაციები; ვიტრაჟების გობელენებისა და მოზაიკების სურათები უილიამ მორისის სახელოსნოებისთვის.

ედუარდ კოლი ბერნ-ჯოუნზი
დაიბადა	28 აგვისტო, 1833
დაბადების ადგილი	ბირმინგემი
გარდაიცვალა	17 ივნისი, 1898
გარდაცვალების ადგილი	ლონდონი
ეროვნება	ინგლისელი ბრიტანელი
სფერო	ისტორიული ფერწერა
მიმდინარეობა	პრერაფაელიტები, სიმბოლიზმი
ჟანრი	ისტორიული ფერწერა[1] , რელიგიური ფერწერა[1] , საჟანრო ფერწერა[1] , მითოლოგიური ფერწერა[1] და პორტრეტი[1]