ბატა ჟივოინოვიჩი

ველიმირ ჟივოინოვიჩი (მეტსახელად ბატა) იუგოსლავიის სამეფოში (დღეს სერბეთი), კოსმაის მთის ძირში მდებარე მლადენოვაცის თემის სოფელ კორაჩიცაში დაიბადა. მამამისი დრაგოლიუბი საჯარო მოხელე იყო, ხოლო დედა ტიოსავა კი დიასახლისი. მას ორი და სტანკა და ნადა ჰყავდა და იგი პატრიარქალურ სახლში იზრდებოდა. მეორე მსოფლიო ომის დროს დრაგოლიუბსა და ჩეტნიკებს შორის კონფლიქტის გამო ოჯახი იძულებული გახდა ბელგრადში გადასულიყო. ოჯახი საქალაქო უბან ცრვენი კრსტში დასახლდა. ახალგაზრდა ბატა მეგობრებთან ერთად ხშირად დადიოდა კინოთეატრებში, რამაც მისი სამსახიობო ხელოვნებით დაინტერესება გამოიწვია.

ჟივოინოვიჩი თეატრში თამაშს ეკრანზე მოღვაწეობა ამჯობინა და მისი დებიუტი 1955 წელს, ფილმში „Песма са Кумбаре“ (სიმღერა კუმბარედან) შედგა. ის თამაშობდა როგორც, გმირებს ისე ბოროტმოქმედებს და მონაცვლეობდა მთავარ და მეორეხარისხოვან როლებს შორის. მისმა პოპულარობამ ზენიტს 1970-იან წლებში მიაღწია, როდესაც ეკრანებზე მეორე მსოფლიო ომის თემაზე შექმნილი პარტიზანული ფილმები გამოვიდა. ამ პერიოდში მისი ყველაზე ცნობილი ფილმი იყო ვალტერი იცავს სარაევოს (Valter brani Sarajevo), რომელმაც უდიდესი წარმატება მოუტანა.

1990 წელს ის სერბეთის პარლამენტის წევრად აირჩიეს სერბეთის სოციალისტური პარტიიდან. ის აგრეთვე იყო კანდიდატი 2002 წლის სექტემბერ-ოქტომბრის საპრეზიდენტო არჩევნებზე, სადაც მოსახლეობის ხმების 3.27% მიიღო^[1].

• იუგოსლავიური ფილმები
• სერბი პოლიტიკოსები

ვიკისაწყობში არის გვერდი თემაზე:

ბატა ჟივოინოვიჩი

• Bata Živojinović კინოფილმების ინტერნეტ-მონაცემთა ბაზაში