Eddie Redmayne

Edward John David „Eddie“ Redmayne (fæddur 6. janúar 1982) er breskur leikari, söngvari og módel sem fæddist og ólst upp í Westminsterborg í London.

Eddie Redmayne
Redmayne, 2016
Upplýsingar
Fæddur	Edward John David Redmayne 6. janúar 1982 (1982-01-06) (42 ára)
Ár virkur	1998 - nú
Maki	Hannah Bagshawe (2014)
Börn	1
Helstu hlutverk
Stephen Hawking í The Theory of Everything, Lili Elbe í The Danish Girl
Óskarsverðlaun
Besti leikari 2014 The Theory of Everything

Redmayne byrjaði leiklistarferil sinn upp úr 1998 á því að leika nokkur hlutverk í sjónvarpsþáttum en fyrstu kvikmyndahlutverkin fékk hann árið 2006. Redmayne komst þó fyrst rækilega á kortið þegar hann lék eitt af aðalhlutverkunum í myndinni My Week with Marilyn árið 2011 og síðar þegar hann lék Marius Pontmercy í Les Misérables árið 2012.

Árið 2014 lék Redmayne eðlisfræðinginn Stephen Hawking í kvikmyndinni The Theory of Everything en hann hlaut ótal verðlaun fyrir frammistöðu sína í myndinni þ.á.m. Óskarinn, BAFTA verðlaun og Golden Globe verðlaun. Redmayne lék síðan aðalhlutverkið í kvikmyndinni The Danish Girl árið 2015 sem hann hlaut aðra Óskarstilnefningu fyrir.

Redmayne lék aðalhlutverkið í kvikmyndinni Fantastic Beasts and Where to Find Them sem kom út um jólin 2016 en myndin er byggð á samnefndri bók metsöluhöfundarinns J. K. Rowling.