Eddie Redmayne

Ganwyd Redmayne ar 6 Ionawr, 1982 yn Westminster, Llundain.^[2] Mae ei fam, Patricia (cynt Burke), yn rhedeg busnes adleoli, ac mae ei dad, Richard Redmayne, yn ddyn busnes.^[3] Ei hen dad-cu ar ochr ei dad oedd y peiriannydd sifil a mwyngloddio, Syr Richard Redmayne.^[4] Mae ganddo frawd hŷn, brawd iau, hanner-frawd^[4] a hanner-chwaer hŷn.^[5] Daw Redmayne o linach Seisnig, Gwyddelig, Albanaidd a Chymreig.^[6]

Mynychodd Llys Colet,^[7] wedyn Coleg Eton, lle astudiodd yn yr un flwyddyn a'r Tywysog William.^[8][9] Aeth yn ei flaen i astudio hanes celf yng Ngholeg y Drindod, Caergrawnt, lle graddiodd gydag Anrhydeddau 2:1 yn 2003.^[10]

Cyn troi'n actor llawn-amser, modelodd Redmayne gyda Burberry, yn 2008 gydag Alex Pettyfer ac yn 2012 gyda Cara Delevingne.^[11][12] Yn rhifyn mis Medi 2012 o Vanity Fair, fe'i gynhwyswyd ar ei Rhestr Ryngwladol Flynyddol o Wisgo'n Dda.^[13] In 2015, fe'i enwyd fel y cyntaf yn y rhestr o 50 o ddynion Prydeinig sy'n gwisgio'n dda gan GQ.^[14]

Gwnaeth Redmayne ei ddebut proffesiynol ar y llwyfan fel Viola yn Nos Ystwyll, ar gyfer Shakespeare's Globe yn y Deml Ganol yn 2002.^[15] Enillodd y Wobr ar gyfer y Newydd-ddyfodiad Rhagorol yn y 50ain Gwobrau Theatr yr Evening Standard yn 2004, ar gyfer ei berfformiad yn The Goat, or Who Is Sylvia? Edward Albee,^[16] a'r wobr ar gyfer y Newydd-ddyfodiad Gorau yng Ngwobrau Theatr y Critics' Circle yn 2005.^[17] Cynhwysa ei gredydau'r llwyfan hwyrach Now or Later gan Christopher Shinn yn Theatr y Royal Court. Rhedodd y sioe o 3 Medi to 1 Tachwedd, 2008.^[18]

Yn 2009, ymddangosodd Redmayne yn nrama newydd John Logan Red yn y Donmar Warehouse yn Llundain,^[19] ac enillodd y Wobr Olivier yn 2010 ar gyfer yr Actor Gorau mewn Rôl Gefnogol. Chwaraeodd ei rôl yn Red eto yn y Theatr John Golden ar Broadway, mewn rhediad 15-wythnos o 11 Mawrth i 27 Mehefin, 2010,^[20] ac enillodd y Wobr Tony ar gyfer y Perfformiad Gorau gan Brif Actor mewn Drama. Chwaraeodd y Brenin Rhisiart II yn Richard II a gyfarwyddwyd gan Michael Grandage, yn y Donmar Warehouse o 6 Rhagfyr, 2011 i 4 Chwefror, 2012.^[21]

Castiwyd Redmayne yn ei brif ffilm gyntaf Like Minds (2006) ar ôl iddo gael ei ddarganfod gan y gyfarwyddwraig gastio Lucy Bevan tra'n perfformio mewn drama o'r enw Goats.^[22] Ymddangosodd Redmayne mewn ffilmiau megis The Good Shepherd, Powder Blue, Savage Grace, The Other Boleyn Girl, Hick, Glorious 39, a Jupiter Ascending. Serennodd fel Osmund yn ffilm iasol othig oruwchnaturiol Christopher Smith Black Death.^[23] Rhyddhawyd ei ffilm ddrama 2008 The Yellow Handkerchief ar 26 Chwefror, 2010 gan Ffilmiau Samuel Goldwyn.^[24][25]

Serennod fel y gwneuthurwr ffilmiau Colin Clark yn y ffilm ddrama My Week with Marilyn. Chwaraeodd y rôl Marius Pontmercy yn y ffilm gerddorol 2012 Les Misérables.^[26][27] Yn 2014, serennodd fel Stephen Hawking yn The Theory of Everything, ac ar gyfer y rôl hon, enillodd Wobr yr Academi, BAFTA, Golden Globe a Gwobr Gymdeithas yr Actorion Sgrin ar gyfer yr Actor Gorau, ar gyfer ei bortread o heriau gwanychol ALS.^[28][29]

Gwnaeth Redmayne ei ddebut sgrin yn 1998 mewn pennod Animal Ark.^[30] Cynhwysa ei gredydau teledu y mini-gyfres BBC Tess of the d'Urbervilles, y mini-gyfres The Pillars of the Earth, a'r mini-gyfres dwy ran Birdsong.^[31]

Ym mis Mehefin 2015, cyhoeddwyd y serennir Redmayne fel Newt Scamander yn yr addasiad ffilm o Fantastic Beasts and Where to Find Them, stori sy'n ddeillio o Harry Potter, gyda sgript gan J. K. Rowling.^[32][33]

Gwelir Redmayne nesaf yn y ddram fygraffyddol The Danish Girl, a gyfarwyddwyd gan enillydd Gwobr yr Academi Tom Hooper. Yn y ffilm, a ryddheir yn y Deynras Unedig ym mis Ionawr, 2016, chwaraea Redmayne yr arloeswraig drawsryweddol Lili Elbe, castiad a feirniadwyd gan rhai yn y gymuned drawsryweddol.^[34] Er hyn, mae perfformiad Redmayne wedi derbyn adolygiadau da gan feirniaid, gyda rhai yn ei labelu fel y ceffyl blaen yn y ras i ennill Gwobr yr Academi ar gyfer yr Actor Gorau.^[35]

Mae Redmayne wedi bod yn briod i Hannah Bagshawe, gweithredwr cysylltiadau cyhoeddus yn y diwydiant cyllid, ers 15 Rhagfyr, 2014.^[36][37] Fe'i benodwyd yn Swyddog Urdd yr Ymerodraeth Brydeinig (OBE) yn yr Anrhydeddau Pen-blwydd 2015 ar gyfer ei waith drama.^[38][39] Ym mis Awst 2014, fe'i benodwyd fel llysgennad i'r elusen ffilm Into Film.^[40]