Լևոն Թոքմաջյան

• 1952-1957 թվականներին սովորել է Երևանի Թերլեմեզյանի անվան գեղարվեստի ուսումնարանում։
• 1957-1963 թվականներին սովորել է Երևանի գեղարվեստա-թատերական ինստիտուտում։
• 1963-1975 թվականներին՝ Երևանի Կոմիտասի անվան պետական կոնսերվատորիայում։

Երգել է Հայաստանի պետական երգչախմբում։

• 1969 թվականից Հայաստանի նկարիչների միության անդամ է, Եվրասիական գեղարվեստի ակադեմիայի անդամ (1998, Բիշքեկ), 2008 թվականից՝ Ճարտարապետության և շինարարարության Հայաստանի ազգային համալսարանի գծանկարի, գունանկարի և քանդակի ամբիոնում դասախոս, պրոֆեսոր։

Եվրասիական միջկոնտինենտալ, միջազգային գեղարվեստի ակադեմիայի իսկական անդամ, ակադեմիկոս է։

Արժանացել է ՀՀ ժողովրդական նկարչի կոչմանը։

2010 թվականին Արգենտինայում մասնակցել է համաշխարհային բիենալեի, 2008 թվականին, 2009 թվականին և 2010 թվականին Պենզայում՝ Քանդակի միջազգային սիմպոզիումի։

2010 թվականին արժանացել է Էջմիածին քաղաքի պատվավոր քաղաքացու կոչմանը՝ Էջմիածնում կատարած գործերի և վաստակի համար, և «Թեքեյան» ամենամյա մրցանակի։

• «Անուշ և Սարո» (1973, բազալտ, Երևան, Աջափնյակ)
• «Թռչող կռունկներ» (1976, մարմար, Պրիլեպ, Հարավսլավիա, «Մարմար-76» միջազգային մրցույթի 1-ին մրցանակ),
• «Դանթե և Վերգիլիոս» (1982, մարմար, Ռավեննա, Դանթեի թանգարան, ոսկե մեդալ),
• «Մաշտոց և Կորյուն» (1983, բազալտ, էջմիածին),
• «Հյուսող կինը» (1984, մարմար, Թբիլիսի, Անդրկովկասյան կերպարվեստագետների 1-ին բիենալեի Մեծ մրցանակ),
• «Մարտիրոս Սարյան» (1985, բրոնզ, Դոնի Ռոստով),
• «Մարտիրոս Սարյան» (1986, մարմար, Երևան),
• «Արամ Խաչատրյան» (1986, բրոնզ, կիսանդրի, Մարսելի կոնսերվատորիայի դահլիճ, 1989, բրոնզ, Մոսկվա),
• «Կռունկներ» (1988, մարմար, Բուենոս Այրես),
• «Վահան Թեքեյան» (1990, գրողի անվան դպրոցի մոտ)
• «Ավո» («Մոնթե Մելքոնյան», 1994, ք. Մարտունի, ԼՂՀ),
• «Լեոնիդ Ենգիբարյան» (1995, բրոնզ, Երևան),
• «Ծաղկավաճառ ծերունի» քանդակ (Երևան) (1995, բրոնզ, Երևան),
• «Նոյ նահապետ» (2000, մարմար, Երևան),
• «Տիգրան Մեծ» (2000, մարմար, Երևան),
• «Արգիշտի արքայի արձան» (2002, տուֆ, բազալտ, Երևան),
• «Տիգրան Մեծ» (2004, վարդագույն մարմար, գրանիտ, Երևան),
• «Հարություն Շմավոնյան» (2005, մարմար, Կալկաթա),
• Ժուբրան Խալիլ Ժուբրանի կիսանդրի (2005, վարդագույն մարմար, Երևան)
• «Տագնապ», 1915 թ. Հայոց եղեռնին զոհ դարձած 12 հայ մտավորականների խմբակային բազալտե հուշարձան (2011, Էջմիածին)^[2]։

• 
  Մարտիրոս Սարյանի հուշարձանը Երևանում
• 
  Տիգրան Մեծի հուշարձանը Երևանում
• 
  Լեոնիդ Ենգիբարյանի հուշարձանը Երևանում
• 
  Արգիշտի արքայի արձանը Երևանում
• 
  «Տագնապ» խմբաքանդակը Էջմիածնում
• 
  Հավերժական Հայաստան (հուշարձան, Օտտավա)
• 
  Վազգեն Սարգսյանի հուշարձանը Շուշի քաղաքում, այժմ ոչնչացված