Իսահակ Դունաևսկի
Իսահակ Օսիպովիչ Դունաևսկի (ռուս.՝ Исаак Осипович Дунаевский, հունվարի 18 (30), 1900, Լոխվիցա, Պոլտավայի նահանգ, Ռուսական կայսրություն - հուլիսի 25, 1955[1][2], Մոսկվա, ԽՍՀՄ), խորհրդային կոմպոզիտոր։ ՌԽՖՍՀ ժողովրդական արտիստ (1950)։
| Իսահակ Դունաևսկի | |
|---|---|
 | |
| Բնօրինակ անուն | ռուս.՝ Исаак Дунаевский |
| Ծնվել է | հունվարի 18 (30), 1900 Լոխվիցա, Պոլտավայի նահանգ, Ռուսական կայսրություն |
| Երկիր |  Ռուսական կայսրություն և .svg){kind=small} ԽՍՀՄ |
| Մահացել է | հուլիսի 25, 1955[1][2] (55 տարեկան) Մոսկվա, ԽՍՀՄ |
| Գերեզման | Նովոդեվիչյան գերեզմանոց |
| Ժանրեր | երգ և օպերետ |
| Մասնագիտություն | կոմպոզիտոր, դիրիժոր, ֆիլմերի երաժշտությունների հեղինակ և երաժշտության ուսուցիչ |
| Կրթություն | Բ. Ն. Լյատոշիմսկու անվան երաժշտական ուսումնարան և Խարկովի Ի. Պ. Կոտլյարևսկու անվան ազգային արվեստի համալսարան |
| Անդամակցություն | ԽՍՀՄ կոմպոզիտորների միություն |
| Պարգևներ |        և  |
 Isaak Dunaevsky Վիքիպահեստում | |
Կենսագրություն խմբագրել
1919 թվականին ավարտել է Խարկովի կոնսերվատորիայի ջութակի դասարանը, կոմպոզիցիա է պարապել Սեմյոն Բոգատիրյովի մոտ։
Դունաևսկին խորհրդային օպերետի («Փեսացուներ», 1927, «Ոսկե հովիտ», 1937, «Ազատաշունչ հողմ», 1947, «Ծաղրածուի որդին», 1950 և այլն), երաժշտական կինոկոմեդիայի («Ուրախ տղաներ», 1934, «Կրկես», 1936, ԽՍՀՄ պետական մրցանակ, 1941, «Վոլգա-Վոլգա», 1938, ԽՍՀՄ պետական մրցանակ, 1941, «Կուբանի կազակները», 1950, ԽՍՀՄ պետական մրցանակ, 1951) ստեղծողներից է։
Դունաևսկին ստեղծել է մասսայական երգի նոր տեսակ՝ երգ-քայլերգեր («Ուրախ տղաների քայլերգը», «Երգ Կախովկայի մասին»)։ Նշանավոր են նաև քնարական երգերը, երգ-վալսերը («Լռություն», «Դպրոցական վալս»)։
Գրել է բալետներ, դրամատիկ ներկայացումների երաժշտություն։ 1963 թվականին ստեղծվել է «Դունաևսկու մեղեդիները» կինոնկարը (ռեժիսոր Է․ Պիրե)։
Երևանի Հ․ Պարոնյանի անվան երաժշտական կոմեդիայի թատրոնում բեմադրվել են «Ազատաշունչ հողմ» (1948), «Ծաղրածուի որդին» (1951) օպերետները։
Ծանոթագրություններ խմբագրել
- ↑ 1,0 1,1 1,2 Proleksis enciklopedija, Opća i nacionalna enciklopedija (хорв.) — 2009.
- ↑ 2,0 2,1 2,2 Կերպարվեստի արխիվ — 2003.
 | Վիքիպահեստն ունի նյութեր, որոնք վերաբերում են «Իսահակ Դունաևսկի» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 460)։  |