Էդվիժ Ֆենեկ

Էդվիժ Ֆենեկ
Ծնվել է	դեկտեմբերի 24, 1948 (75 տարեկան)
Ծննդավայր	Աննաբա, Ալժիր
Քաղաքացիություն	Ֆրանսիա և Իտալիա
Մասնագիտություն	կինոպրոդյուսեր, հեռուստահաղորդավարուհի, կինոդերասանուհի, մոդել և գլամուրային մոդել
Համատեղ ապրող(ներ)	Luca Cordero di Montezemolo?

Էդվիժ Ֆենեկ (իտալ.` Edwige Fenech, իրական ազգանունը` Սֆենեկ (Sfenech), դեկտեմբերի 24, 1948(1948-12-24), Աննաբա, Ալժիր), իտալական կինոյի դերասանուհի և պրոդյուսեր։ Գլխավորապես նկարահանվել է էրոտիկ կատակերգություններում և սարսափ ֆիլմերում։

Կենսագրություն խմբագրել

Էդվիժ Ֆենեկը ծնվել է Ալժիրի Աննաբա (նախկինում՝ Բոն) քաղաքում, որն այն ժամանակ ֆրանսիական գաղութ էր։ Նրա հայրը ծնունդով Մալթայից էր, իսկ մայրը Սիցիլիայից։ Երբ նա տաս տարեկան էր, ընտանիքը տեղափոխվել է Ֆրանսիա։ 15 տարեկանում մասնակցել և հաղթել է «Միս Լազուր ափ» գեղեցկության մրցույթում։ 1965 թվականին 16-ամյա Էդվիժը ստացել է «Լեդի Ֆրանսիա» տիտղոսը, որից հետո սկսվել է նրա ֆոտոմոդելի կարիերան։ Կինոգործիչները չէին կարող չնկատել Էդվիժի վառ գեղեցկությունը, ուստի 19 տարեկանում նա արդեն իր առաջին դերն էր կատարում կինոյում։ Այդ ընթացքում նա հասցրել է մասնակցել նաև «Լեդի Եվրոպա» մրցույթին, իսկ «Playman» ամսագրում հայտնվել էին նրա մերկ լուսանկարները։

Էդվիժ Ֆենեկի առաջին ֆիլմը 1967 թվականին նկարահանված «Նրա ողջ անմտությունը» կատակերգությունն էր։ Նրան անմիջապես նկատեցին իտալացի կինոգործիչները և հրավիրեցին Հռոմ, որտեղ նա 1968 թվականին նկարահանվեց «Սամոա. Ջունգլիների թագուհին» կինոնկարում։ Երեք տարվա ընթացքում Էդվիժ Ֆենեկը նկարահանվել է տարբեր ժանրերի 13 կինոնկարներում։ Հատկապես կարելի է առանձնացնել ռեժիսոր Հանս Սքոթ-Շոբինգերի «Տիկին Բովարի» (1969 թ.) կինոնկարը, որտեղ Էդվիժ Ֆենեկը հանդես էր եկել գլխավոր դերով։ Այդ կինոնկարը համարվում է պատմական և էրոտիկ ժանրերի յուրատեսակ դրամա, որը բավականին շահութաբեր էր և դարձավ հայտնի։

1970-ական թվականներին Էդվիժն սկսեց աշխատել ռեժիսոր Սերջո Մարտինոյի հետ։ Նրանց առաջին համագործակցությունը «Տիկին Ուորդի տարօրինակ արատը» (1971 թ.) ֆիլմն էր։ 1970 թվականին նա նկարահանվել է Մարիո Բավայի «Հինգ տիկնիկ օգոստոսյան լուսնի համար» կինոնկարում, իսկ Միշել Լյուպոյի «Փախուստ մահապարտների խցից» (1973 թ.) կինոնկարում նրա խաղընկերը Ժան Ռոշֆորն էր։

1970-ական թվականների կեսերին Էդվիժ Ֆենեկն արդեն համարվում էր իտալական էրոտիկ կատակերգությունների թագուհի, որոնք հաջողությամբ ցուցադրվում էին Իտալիայում, Իսպանիայում, ԳՖՀ-ում, Ֆրանսիայում և այլ երկրներում։ Այդ տարիների նրա ֆիլմերից էին «Հիրիկն արյան մեջ» (1972 թ.), «Խավարի բոլոր երանգները» (1972 թ.), «Քո խնդիրն է - փակ սենյակ և միակ բանալին ինձ մոտ է» և այլն։ Ումբերտո Լենցիի «Մեծ ճակատամարտ» (1978 թ.) ֆիլմում Էդվիժը հանդես է եկել երկրորդական դերով, որտեղ սակայն նրա հետ միասին խաղում էին այնպիսի աստղեր, ինչպիսիք էին Հենրի Ֆոնդան, Ջոն Հյուսթոնը, Օրսոն Ուելսը, Հելմուտ Բերգերը, Ջուլիանո Ջեմման և Սթեյսի Կիչը։

1980-ականներին Էդվիժ Ֆենեկը հիմնականում նկարահանվել է կատակերգություններում և կրիմինալ ժանրի ֆիլմերում։ Դրանցից է «Աս» (1981 թ.) կինոնկարը, որտեղ գլխավոր դերում հանդես է եկել Ադրիանո Չելենտանոն։ Մեծ էկրանին Էդվիժ Ֆենեկի վերջին դերը «Անսովոր հանցագործություն» («Մահվան ուրվականը» 1988 թ.) կինոնկարում էր։ 1990-ական թվականներին նա վերջնականապես սկսեց հանդես գալ հեռուստատեսությունում։ Նկարահանվում էր սերիալներում և որդու հետ միասին հիմնել է Immagine E Cinema SRL. պրոդյուսերական կազմակերպությունը։ 2004 թվականին, որպես պրոդյուսեր հանդես է եկել ռեժիսոր Մայքլ Ռեդֆորդի «Վենետիկի վաճառականը» ֆիլմով։ 2007 թվականին ոչ մեծ դերով հանդես է եկել «Հոսթել 2» կինոնկարում` կատարելով արվեստների պրոֆեսորի դերը։

Անձնական կյանքը խմբագրել

Էդվիժ Ֆենեկն ունի մեկ որդի, ով ծնվել է 1971 թվականին։ Վերջինիս հայրը դերասան Ֆաբիո Տեստին է։ Լուրեր էին պտտվում, որ այդ տարիներին Էդվիժը սիրավեպ ուներ պրոդյուսեր Լուչանո Մարտինոյի հետ, ով ռեժիսոր Սերջո Մարտինոյի եղբայրն էր։ Հնարավոր է, որ այդ պատճառով էլ Էդվիժն հաճախ էր նկարահանվում Սերջոյի ֆիլմերում։

1990-ական թվականների կեսերին հաճախ էին գրում Էդվիժի սիրավեպի մասին` իտալական ազնվական և Ferrari-ի նախագահ Լուկա դի Մոնտեզեմոլոյի հետ։ Որոշ աղբյուրներ նշում էին, որ Էդվիժը դարձել է նրա երրորդ կինը։ Ամեն դեպքում նրանք միասին երկար չեն ապրել, քանի որ 2000 թվականին Մոնտեզեմոլոն կրկին ամուսնացել է։

Մասնակի ֆիլմագրությունը խմբագրել

Թվական	Անվանում	Բնօրինակ անվանում	Կերպար
1967	Նրա ողջ անմտությունը	Toutes folles de lui	Ջինա
1968	Սամոա. Ջունգլիների թագուհին	Samoa, regina della giungla	Սամոա
1968	Սև Արծվի որդին	Il figlio di Aquila Nera	Նաստասիա
1968	Տիկին տիրուհին կոմսուհու տիտղոս ունի	Frau Wirtin hat auch einen Grafen	Սելինա
1969	Սենսացիա	Top Sensation	Ուլլա
1969	Տիկին տիրուհին զարմուհի ունի	Frau Wirtin hat auch eine Nichte	Ռոզալիա
1969	Ժամանում. Սիրելի աղջիկն ու աշխատանքը	Komm, liebe Maid und mache	Ֆելիսիտա
1969	Տիկինն ու իր զարմուհին	Madame und ihre Nichte	Իվետա
1969	Գիր կամ ղուշ	Testa o croce	Մանուելա
1969	Ոսկե վրձինով տղամարդը	Der Mann mit dem goldenen Pinsel	-
1969	Բոլոր կատուներն էլ սիրում են անուշ անել	Alle Kätzchen naschen gern	Բլանդա
1969	Տիկին Բովարի	Die nackte Bovary	Էմմա Բովարի
1969	Դոն Ֆրանկոն և Դոն Չիչոն բանավեճերի տարում	Don Franco e Don Ciccio nell'anno della contestazione	Աննա Բելինզոնի
1970	Ծաղրուծանակ	Satiricosissimo	Պոպեա
1970	Հինգ տիկնիկ օգոստոսյան լուսնի համար	5 bambole per la luna d'agosto	Մարիա
1970	Դժոխային աքսոր դեպի Լե-Ման	Le Mans scorciatoia per l'inferno	Կորա
1971	Տիկին Ուորդի տարօրինակ արատը	Lo strano vizio della Signora Wardh	Ջուլիա Ուորդ
1971	Դոն Ժուանի սիրուհիները	Le calde notti di Don Giovanni	-
1971	Անապատը կրակի մեջ	Deserto di fuoco	Ջուանա
1972	Խավարի բոլոր երանգները	Tutti i colori del buio	Ջոան Հարիսոն
1972	Սև կատվի աչքը	Il tuo vizio è una stanza chiusa e solo io ne ho la chiave	Ֆլորիանա
1972	Հիրիկը արյան մեջ	Perché quelle strane gocce di sangue sul corpo di Jennifer?	Ջենիֆեր Լենսբուր
1972	Հիասքանչ Անտոնիան, սկզբում միանձնուհի, իսկ հետո չարության մարմնացում	La bella Antonia, prima Monica e poi Dimonia	Անտոնիա
1972	Երբ կանանց անվանեցին Մադոննա	Quando le donne si chiamavano 'Madonne'	Ջուլիա
1972	Ուբալդա. Մերկ և կրակոտ	Quel gran pezzo della Ubalda tutta nuda e tutta calda	Ուբալդա
1973	Մաքսանենգը	Fuori uno... sotto un altro, arriva il Passatore	Մորա
1973	«Մեծ ազդրեր» Ջովանոնան պատվով պատվազրկված է	Giovannona Coscialunga disonorata con onore	Ջովանոնա
1973	Անսփոփ այրին շնորհակալ է բոլորից, ով սփոփում է իրեն	La vedova inconsolabile ringrazia quanti la consolarono	Կատարինա Պրեվոստի
1973	Փախուստ մահապարտների խցից	Dio, sei proprio un padreterno!	Օրխիդեա
1973	Աննա. Դա հատուկ հաճույք է	Anna, quel particolare piacere	Աննա
1974	Անմեղություն և հանցանք	Innocenza e turbamento	Կարմելա Պատերնո
1974	Սինյորան լա՞վ է խաղում սկոպա	La signora gioca bene a scopa?	Եվա
1975	Տեսակցություն կրքի հետ	Grazie... nonna	Մարիաննա Պերսիչետի
1975	Ուսուցչուհին	L'insegnante	Ջովաննա
1975	Մերկացիր մարդասպանի համար	Nude per l'assassino	Մագդա
1975	Սկանդալ ծայրագավառում	Il vizio di famiglia	Սյուզի
1975	Կույս կինը	La moglie vergine	Վալենտինա
1976	Քառասուն աստիճան` սավանի ներքո	40 gradi all'ombra del lenzuolo	Էմիլիա Չապպոնի
1976	Կին-ոստիկանը կարիերա է ստեղծում	La poliziotta fa carriera	Ջիաննա Ամիկուչի
1976	Ո՞վ է հանգստացրել իմ կնոջը	Cattivi pensieri	Ֆրանչեսկա Մարանի
1976	Դատավորը	La pretora	Վիոլա Օռլանդո, Ռոզա Օռլանդո
1976	Բժշկուհին զինվորական հոսպիտալից	La dottoressa del distretto militare	Ելենա Դոգլիոզի
1977	Կույսը, ցուլն ու այծեղջյուրը	La vergine, il toro e il capricorno	Ջոյա Ֆերետտի
1977	Տաքսիստուհին	Taxi Girl	Մարսելա
1977	Բուժքույրը ռազմական շրջայցի ժամանակ	La soldatessa alla visita militare	Եվա Մարինի
1978	Մեծ ճակատամարտ	Il grande attacco	Դանիելա
1978	Ուսուցչուհին քոլեջում	L'insegnante va in collegio	Մոնիկա Սեբաստիան
1978	Տնային ուսուցչուհին	L'insegnante viene a casa	Լուիզա
1978	Բուժքույրը և մեծ զորաշարժերը	La soldatessa alle grandi manovre	Եվա Մարինի
1978	Իմ սիրելի տղամարդիկ	Amori miei	Դեբորա
1979	Կին-ոստիկանը բարոյականության բաժնում	La poliziotta della squadra del buon costume	Ջիաննա Դ'Ամիկո
1979	Դոկտոր Ջեքիլը և քնքուշ տիկինը	Dottor Jekyll e gentile signora	Բարբարա Ուիմփլի
1979	Շաբաթ, կիրակի և ուրբաթ	Sabato, domenica e venerdì	Տոկիմոտո
1979	Լինում է և ավելի վատ	La patata bollente	Մարիա
1979	Գողը	Il ladrone	Դեբորա
1980	Ես լուսանկարվողունակ եմ	Sono fotogenico	Կինզիա Պանչալդի
1980	Կինը արձակուրդում է, սիրուհին` քաղաքում	La moglie in vacanza... l'amante in città	Ջուլիա
1980	Շաքար, մեղր և տաքդեղ	Zucchero, miele e peperoncino	Ամալիա
1980	Ես և Կատերինան	Io e Caterina	Էլիզաբեթա
1980	Սորամուտը	Il ficcanaso	Սուսաննա Լուիսետտի
1981	Ասը	Asso	Սիլվիա
1981	Ձայնդ կտրիր, երբ խոսում ես	Tais-toi quand tu parles!	Բելլա, Բեատրիս
1981	Եղջյուրաբուլկիներ կրեմով	Cornetti alla crema	Մարիաննա Տրիբալզի
1981	Կին-ոստիկանը Նյու-Յորքում	La poliziotta a New York	Ջիաննա Ամիկուչի, Պուպա
1981	Հարուստները, շատ հարուստները... Իրականում միայն կիսավարտիքով են	Ricchi, ricchissimi... praticamente in mutande	Ֆրանչեսկա
1982	Ձախորդության շերտը	Il paramedico	Նինա Միլո
1982	Պատմել, գրգռել, արձակել	Sballato, gasato, completamente fuso	Պատրիցիա Ռեդա
1984	Ամերիկյան արձակուրդներ	Vacanze in America	-
1988	Մահվան ուրվականը (Անսովոր հանցագործություն)	Un delitto poco comune	Հելենա Մարտել
1992	Աննայի տղամարդկությունը	Il coraggio di Anna	Աննա Կարիզի
1995	Կինը	Donna	Պաոլա
2000	Կրտսեր եղբայրը	Il fratello minore	-
2007	Հոսթել 2	Hostel: Part II	պրոֆեսոր
2012	Կապիտանի աղջիկը	La figlia del capitano	Եկատերինա II
2015	Երջանկության ժամանումը	È arrivata la felicità	Աննա Միլի

Ծանոթագրություններ խմբագրել

Արտաքին հղումներ խմբագրել

Էդվիժ Ֆենեկ Internet Movie Database կայքում
Interview with Fenech, by Luigi Cozzi, from around 1970 Արխիվացված 2015-05-20 Wayback Machine
Edwige Fenech Արխիվացված 2015-10-02 Wayback Machine Movie poster images
Edwige Fenech fan club Արխիվացված 2015-08-08 Wayback Machine

Վիքիպահեստն ունի նյութեր, որոնք վերաբերում են «Էդվիժ Ֆենեկ» հոդվածին։

[_c8eba807ae934b71-1] ttps://cinedweller.com/celebrity/edwige-fenech/

[_ffedf6fed717d02f-2] ttps://www.notrecinema.com/communaute/stars/stars.php3?staridx=17573

[_c717e06dce959fcb-3] ttps://catalogue.bnf.fr/ark:/12148/cb13938505s

[_2b849b7efdf03c1d-4] ttps://www.fanpage.it/spettacolo/programmi-tv/edwige-fenech-ricorda-lamore-con-luca-cordero-di-montezemolo-e-stato-un-periodo-bellissimo/ (իտալ.)

[1]

[2]

[3]

[4]

Էդվիժ Ֆենեկ

Ծնվել է	դեկտեմբերի 24, 1948(1948-12-24) (75 տարեկան)
Ծննդավայր	Աննաբա, Ալժիր
Քաղաքացիություն	Ֆրանսիա^[1]^[2]^[3] և Իտալիա
Մասնագիտություն	կինոպրոդյուսեր, հեռուստահաղորդավարուհի, կինոդերասանուհի, մոդել և գլամուրային մոդել
Համատեղ ապրող(ներ)	Luca Cordero di Montezemolo?^[4]