Եվգենյա Սավինա-Գնեսինա
Եվգենյա Ֆաբիանովնա Սավինա-Գնեսինա (ռուս.՝ Евгения Фабиановна Савина-Гнесина, մարտի 11, 1870 կամ 1871, Դոնի Ռոստով, Եկատերինոսլավի նահանգ, Ռուսական կայսրություն - ապրիլի 6, 1940, Մոսկվա, ԽՍՀՄ[1]), խորհրդային դաշնակահար, երաժշտության ուսուցիչ, երաժշտական-հասարակական գործիչ, ՌԽՖՍՀ վաստակավոր արտիստ (1925), ՌԽՖՍՀ արվեստի վաստակավոր գործիչ (1935)։ Գնեսինա քույրերից մեկը։
Եվգենյա Սավինա-Գնեսինա | |
---|---|
Ծնվել է | մարտի 11, 1870 կամ 1871 Դոնի Ռոստով, Եկատերինոսլավի նահանգ, Ռուսական կայսրություն |
Երկիր | Ռուսական կայսրություն և ԽՍՀՄ |
Մահացել է | ապրիլի 6, 1940 Մոսկվա, ԽՍՀՄ |
Գերեզման | Նովոդեվիչյան գերեզմանոց |
Մասնագիտություն | երաժշտության ուսուցիչ |
Գործիքներ | դաշնամուր |
Կրթություն | Մոսկվայի կոնսերվատորիա |
Պարգևներ |
Կենսագրություն խմբագրել
Եվգենյա Ֆաբիանովնա Գնեսինան ծնվել է 1870 թվականին Դոնի Ռոստովում, քաղաքային ռաբբունի Ֆաբիան Օսիպովիչ Գնեսինի և Բելլա Իսաևնա Ֆլետզինգեր-Գնեսինայի ընտանիքում։ Երբ Եվգենյան 14 տարեկան էր, ծնողները նրան ուղարկեցին ընդունվելու Մոսկվայի կոնսերվատորիա։ 1889 թվականին ավարտել է կոնսերվատորիայի դաշնամուրային ֆակուլտետը (Վասիլի Սաֆոնովի դասարան), Անտոն Արենսկու և Սերգեյ Տանեևի մոտ պարապել է նաև կոմպոզիցիա։ Սերտորեն կապված է եղել գրականության և արվեստի սիրահարների շրջանակի հետ, որը ղեկավարում էր երիտասարդ Կոնստանտին Ալեքսեևը, հետագայում՝ Կոնստանտին Ստանիսլավսկի։
1895 թվականին քույրերի՝ Ելենա և Մարիա Գնեսինաների հետ միասին հիմնադրել են «Ե. և Մ. Գնեսինաների անվան երաժշտական ուսումնարանը», որը հետագայում դարձավ Գնեսինների անվան ռուսական երաժշտական ակադեմիա։ Եվգենյա Ֆաբիանովնան դասավանդել է դաշնամուր, մանկական սոլֆեջիո, տարրական երաժշտության տեսություն, ղեկավարել դաշնամուրի բաժինը։ Նա իրականացրել է դպրոցի ընդհանուր գեղարվեստական ղեկավարումը (1920-ական թվականներից քրոջ՝ Ելենա Գնեսինայի հետ միասին)։ 1911 թվականին իրականացրել է երկու մանկական օպերաների բեմադրություն` «Տնակ» Ալեքսանդր Գրաչինովի երաժշտության և «Շաղգամ»՝ դպրոցի աշակերտ Ֆաբիա Վիտաչեկի երաժշտության հիման վրա։ Այսպես է սկսվել Գնեսինների անվան մանկական երաժշտական թատրոնի պատմությունը։
Մահացել է 1940 թվականին։ Թաղված է Նովոդևիչյան գերեզմանատանը։
Աշակերտներ խմբագրել
- Դաշնակահար Նիկոլայ Օռլով