Արա Երնջակյան
- Վիքիպեդիայում կան հոդվածներ Երնջակյան ազգանունով այլ մարդկանց մասին։
Արա Հարությունի Երնջակյան (մարտի 2, 1951, Երևան, Հայկական ԽՍՀ, ԽՍՀՄ), հայ ռեժիսոր, դրամատուրգ, ՀՀ արվեստի վաստակավոր գործիչ, ՀՀ ժողովրդական արտիստ, Երևանի Կամերային թատրոնի գեղարվեստական ղեկավար։
 | |
|---|---|
| Ծնվել է | մարտի 2, 1951 (73 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | ՀԱՊՀ և Երևանի պետական գեղարվեստա-թատերական ինստիտուտ |
| Քաղաքացիություն |  Հայաստան |
| Մասնագիտացում | ռեժիսոր դրամատուրգ |
| Պարգևներ | |
| IMDb | ID ID 6607155 |
Կենսագրություն խմբագրել
Արա Երնջակյանը ծնվել է 1951 թվականին Երևանում։ 1974 թվականին ավարտել է Երևանի ճարտարագիտական համալսարանի տեխնիկական կիբեռնետիկայի ֆակուլտետը, իսկ 1982 թվականին՝ Երևանի գեղարվեստա-թատերական ինստիտուտը՝ ստանալով ռեժիսորի որակավորում։
1971-1972 թվականներին Երնջակյանի կողմից ստեղծված ՈՒՀԱ-ի թիմը առաջին անգամ ներկայացրեց Հայաստանը Մոսկվայում՝ ՈՒՀԱ-ի Համախորհրդային խաղերին։ 1982 թվականին հիմնեց Երևանի Կամերային թատրոնը և հանդիսանում է նրա գեղարվեստական ղեկավարը։
Երնջակյանն ավելի քան 20 պիեսի, 5 կինոսցենարների, մի շարք գիտական աշխատանքների հեղինակ է, որոնց մի մասն ընդգրկվել է նրա ստեղծագործությունների 4 հատորյակում։ Բեմադրել է ավելի քան 50 ներկայացում, տասնյակ մեծածավալ միջոցառումներ, նկարահանել է 2 լիամետրաժ ֆիլմ։
1996 թվականից Երնջակյանն առաջին անգամ Հայաստանում կազմակերպեց «Միսս Հայաստան» գեղեցկության ազգային մրցույթը։ 1998 թվականին հիմնել է Երկաթ TV - Փրոդաքշն (Յան ԹիՎի) հեռուստաընկերությունը։ 1998-2001 թվականներին Երնջակյանը եղել է Երևան քաղաքի քաղաքապետարանի Մշակույթի, սպորտի և երիտասարդության գծով ղեկավարը[1]։
2009 թվականի մայիսին ՀՀԿ համամասնական ցուցակով ընտրվել է Երևանի ավագանու անդամ։
2013 թվականի մայիսի 5-ին Հայաստանի Հանրապետական կուսակցության համամասնական ցուցակով ընտրվել է Երևանի ավագանու անդամ։
Պիեսներ խմբագրել
| Տարեթիվ | Պիես |
|---|---|
| 1973 | Յոթ կատակ Հայաստանից |
| 1976 | Պարոնա՛յք, ամեն ինչ կործանվում է, բայց դեռ կարելի է ապրել և զվարճանալ |
| 1982 | Ալքիմիկոս (Հեքիաթ Արքայազնի և Աղջկա մասին, որ չէր հավատում հեքիաթների) |
| 1982 | Սովորական համերգ |
| 1982 | Նկարներ ցուցահանդեսից |
| 1983 | Գայլը և յոթ ուլիկները, կամ կրկին այծերի մասին |
| 1984 | Էտյուդ կանանց մասին |
| 1985 | Երևանյան օրերի քրոնիկա |
| 1985 | Քավարան |
| 1988 | Հայք |
| 1990 | Հայր մեր |
| 1993 | Ես իմ անուշ Հայաստանի... |
| 1997 | Կաբարե |
| 1998 | Անտեր Ground |
| 1999 | Տիտանիկ, made in Armenia |
| 2001 | Սասունցի Դավիթ Կոպերֆիլդ |
| 2001 | Միսս Դժոխք, անաստվածային կատակերգություն |
| 2002 | Լինսի show ծրագիր |
| 2004 | Կառավարական համերգ |
| 2004 | Սոնատ թավջութակի համար |
| 2006 | Ի զե՛ն |
| 2007 | Արմմագեդոն |
| 2008 | Աշխարհի շուրջը՝ սիրով |
| 2008 | Ուզբեկական փլավի բաղադրատոմսը (Հոբելյանական հաճախորդ) |
Ֆիլմագրություն խմբագրել
Ֆիլմեր խմբագրել
| Տարեթիվ | Ֆիլմեր |
|---|---|
| 1990 | Ժամկետը՝ 7 օր |
| 1999 | Արմենիկում ուպսա |
| 2012 | Հոբելյանական հաճախորդ |
Սցենարիստ խմբագրել
| Տարեթիվ | Ֆիլմեր |
|---|---|
| 1987 | 1968-ի շոգ օգոստոսը |
| 1990 | Ծննդյան վկայական |
| 1990 | Ժամկետը՝ 7 օր |
| 2001 | Երեք հանցագործությունների պատմություն |
| 2012 | Հոբելյանական հաճախորդ |
Պարգևներ խմբագրել
- ՀՀ արվեստի վաստակավոր գործիչ
- ՀՀ ժողովրդական արտիստ, 2016[2]
Ծանոթագրություններ խմբագրել
- ↑ Արա Երնջակյանի մասին kino-teatr.ru կայքում
- ↑ «ՀՀ Նախագահի հրամանագրերը - Փաստաթղթեր - Հայաստանի Հանրապետության Նախագահ». նախագահ.հայ. Վերցված է 2016 թ․ սեպտեմբերի 29-ին.
Արտաքին հղումներ խմբագրել
- Արա Երնջակյան Արխիվացված 2015-07-01 Wayback Machine