કુરાન્ડા સિનિક રેલવે

કુરન્ડા રેલવે સ્ટેશનના વિસ્તારમાં આવેલા ઉષ્ણ કટિબંધિય બગીચાઓ અહિનું જાણીતું આકર્ષણ છે. નીચે ઢળતા માર્ગ પર આવેલો બેરન ફોલ્સ (ધોધ) પણ ખાસ જોવા જેવો છે. આ પ્રવાસી ટ્રેન બેરન ફોલ્સનો નજારો જોવા માટે સ્ટોની ક્રિક ફોલ્સ નામના સ્ટેશનની સામે રોકવામાં આવે છે. આ પ્રવાસી ટ્રેનની સવારી દરમ્યાન અન્ય ઘણા નાનાનાના ધોધ ટ્રેનમાંથી થોડા જ મીટરની દૂરી પર જોવા મળે છે.

જ્યારે ટ્રેન પર્વત પર ઉપરથી નીચેની દિશામાં ચાલવાનું શરૂ કરે છે ત્યારે આ રેલવેનાં બાંધકામ વિષે વિગતવાર વિવરણ આપવામાં આવે છે.

૧૮૮૨માં આ રેલ્વેનું બાંધકામ ચાલું થયું હતુ જે ૧૮૯૧માં કુરાન્ડા સુધી આવી ને પૂરું થયું હતું. યાત્રીસેવાના કામકાજ ૨૫ જૂન ૧૮૯૧થી શરૂ થયા હતા.

અનેક સુરંગ અને પૂલ બનાવતી વખતે ઘણા લોકોએ એમના જીવ ગુમાવ્યા હતા. દરિયાની સપાટીથી ૩૨૮ મીટર ઉપર મૅકઍલિસ્ટેર સુધી ચઢવા માટે ૧૫ સુરંગ અને ૩૭ પુલ હાથથી બાંધવામાં આવ્યા હતા. બાંધકામ દરમિયાન ૩૦ લાખ ઘનમીટર જમીન ખોદી કાઢવામાં આવી હતી.

કેર્ન્સથી કુરાન્ડા સુધીની પ્રવાસી રેલગાડીનું પહેલું કાર્ય ૧૯૩૬માં ચાર સમાંતર બેઠક વાળી ગાડીઓનો ઉપયોગ કરીને થયું હતું. ૧૯૯૧માં મોટા ખડકના પડવાને કારણે રેલગાડીના પાટાઓને ઘણું નુકસાન થયું હતું. જેથી કરીને મુખ્ય સમારકામ કરાવવામાં આવ્યું હતું. ૨૬ માર્ચ ૨૦૧૦ના દીવસે ભૂસ્ખલન થવાથી રેલગાડી પાટા પરથી ઉતરી ગઈ હતી અને ૨૫૦માથી ૫ પ્રવાસીઓને ઈજા થઈ હતી. બધી પ્રવાસી સેવાઓ ૭ મે ૨૦૧૦ સુધી બંધ કરવામાં આવી હતી અને આ દરમિયાન ટ્રેક અને જોખમ પરીક્ષણની ભૌતિકશાસ્ત્રીય સમીક્ષા કરવામા આવી હતી.