Los Monegros

A serra de Alcubierre cruza a comarca de noroeste a sueste, alcanzando a súa maior altura no monte Oscuro, con 822 m. O clima é semiárido con escasa pluviosidade e altas temperaturas no verán. Hai moitas lagoas, salgadas e balsas, que forman o complexo endorreico máis importante de Europa. Destacan a lagoa de Sariñena e a da Praia.

Limita ao norte coa Hoya de Huesca, ao leste co Somontano de Barbastro, o Cinca Medio e o Bajo Cinca, ao oeste coa comarca de Zaragoza e ao sur coa Ribera Baja del Ebro e o Bajo Aragón-Caspe.

Entre o seu patrimonio artístico destaca o Mosteiro de Sigena e a Cartuxa da Nosa Señora das Fontes.

En decembro de 2007 fíxose público que nos Monegros estaba previsto construír o macrocomplexo de lecer Gran Scala que, con varios parques temáticos e casinos, sería un dos principais centros de lecer de Europa, aínda que o proxecto non parece prosperar, senón que está en punto morto.

• Sitio oficial (en castelán)
• Comarcas de Aragón, Los Monegros (en castelán)
• Comarcalización de Aragón, Los Monegros (en castelán)
• Información turística sobre Monegros (en castelán)