Hypericum
Hypericum Hypericaceae familiako genero bat da, 400 bat landare-espeziez osatua. Genero honetako espezieak ia mundu osoan bizi dira, lurralde behere tropikaletan, basamortuetan eta lurralde artikoetan izan ezik.
| Hypericum | |
|---|---|
 | |
| Sailkapen zientifikoa | |
| Erreinua | Plantae |
| Ordena | Malpighiales |
| Familia | Hypericaceae |
| Generoa | Hypericum |
Ezaugarriak aldatu
Hypericum generoko espezieak landare belarkarak izan daitezke, urterokoak edo bizikorrak, eta 5-10 cm-ko altuera izan; edo zuhaixka edo zuhaitzak izan daitezke, 12 m-ko altuerakoak. Hostoak aurkakoak dira, obal bakunak, 1-8 cm luzeak, eta erorkorrak edo iraunkorrak izan daitezke. Loreen kolorea hori argitik hori bizira doa; 0,5-6 cm bitarteko diametrokoak dira, eta gehienetan bost lore-hosto dituzte (batzuetan, lau). Fruitua kapsula lehor bat izaten da, baina, espezie batzuetan, baia mamitsuaren antza du.
Espezie batzuek lore handi ikusgarriak dituzte, eta landare apaingarri moduan erabiltzen dira.
