Пистарини министр ячӗпе хисепленекен пӗтӗм тӗнчери аэропорт
Пистарини министр ячӗллӗ пӗтӗм тӗнчери аэропорт (исп. Aeropuerto Internacional Ministro Pistarini) — Мӑн Буэнос-Айрес тӑрӑхӗнче вырнаҫнӑ Эсейса хулинчи тупӑш туса илмешкӗн усӑ куракан аэропорт. Тӗнчепе ҫыхӑнтаракан чи пысӑк Аргентина аэропорчӗ, кунтах Aerolíneas Argentinas тата LAN Argentina авиатурттаракансен хабӗ вырнаҫнӑ.
Аэропорт историйӗ
тӳрлетАэропорт Хуан Пистарини генерал (1882—1956) (исп. Juan Pistarini) ячӗпе хисепленет. Пӗрремӗш рейс кунтан 1946 ҫулта Лондона вӗҫсе тухнӑ. Аэропорта 1945–1949 ҫулсенче Аргентина архитекторсемпе инженерсем проектласа туса лартнӑ. Президент вырӑнне пӗрремӗш хут йышӑннӑ чухне Хуан Перон ӑна туса лартассине хӑйӗн пилӗк ҫулхи планне тӗп проект пек кӗртнӗ пулнӑ[1].
1973 ҫулхи ҫӗртмен 20-мӗшӗнче аэропортра сылтӑм тата сулахай перонистсем хушшинче хӗҫпӑшаллӑ тытӑҫу пулса иртнӗ. Вӑл вӑхӑтра 13 ҫын вилнӗ, 380-шӗ аманнӑ.
Ӑҫти вырӑнсемпе ҫыхӑну йӗркеленӗ
тӳрлетЕвропа
| Авиакомпани | Вӗҫсе ҫитмелли пункт |
|---|---|
| Lufthansa | Майн ҫинчи Франкфурт |
| Aerolíneas Argentinas | Барселона, Мадрид, Рим, Лондон (ҫӗнӗрен йӗркеленет), Майн ҫинчи Франкфурт (ҫӗнӗрен йӗркеленет) |
| Air Europa | Мадрид |
| Iberia Airlines | Мадрид |
| ITA Airways | Рим |
| KLM | Амстердам |
| Air France | Париж |
| British Airways | Лондон |
Статистика
тӳрлет| Илсе ҫитернӗ | 2010 | 2009 | 2008 | 2007 | 2006 | 2005 | 2004 | 2003 | 2002 | 2001 | 2000 |
|---|---|---|---|---|---|---|---|---|---|---|---|
| Пассажирсем | 8,786,807 | 7,924,759 | 8,012,794 | 7,487,779 | 6,867,596 | 6,365,989 | 5,567,544 | 4,891,038 | 4,087,553 | 5,190,283 | 6,196,975 |
| Тиевсем (метр. тонна) | - | 93,346 | 205,506 | 204,909 | 187,415 | 177,358 | 174,890 | 141,042 | 117,190 | 160,698 | 198,291 |
Ҫитмелли майсем
тӳрлетАэропорта тӳрремӗн илсе ҫитерекен ҫул — Риккьери автостради (исп. Autopista Riccheri).
- Автотранспортпа: пӗртен-пӗр маршрут Пабло Риккьери Генерал-Лейтенант Автострадипе (исп. Ruta Nacional A002 Autopista Teniente General Pablo Riccheri) иртет.
- Коллективо (хула автобусӗ): 51-мӗш номер Пласран Конститусьон (исп. Plaza Constitución) енчен килет, 8-мӗш номер Факультад-де-Инхеньери (исп. Facultad de Ingeniería) ятлӑ вырӑнтан хускалать те Май тӳремӗ енне каять. Унсӑр пуҫне аэропорта ҫити 502 номерлӗ (Expreso Esteban Echeverría) тата Монте-Гранде станцинчен 394 (Empresa Monte Grande) номерлӗ экспреспа ҫитме пулать. Колективӑпа ларса кайсан ҫул хакӗ йӳнӗ, анчах нумай вӑхӑт иртет, тата, ҫӗклем пысӑк пулсан, унпа усӑ курма сӗнмеҫҫӗ.
- Микро: Буэнос-Айрес центрӗнчен кашни 30 минутра тапранса тухать.
- Manuel Tienda Leon Микроцентропа Пуэрто-Мадеро районӗсен чиккинче вырнаҫнӑ Terminal Madero станцинчен тапранса тухать, хакӗ 10 доллара яхӑн тӑрать.
- ArBus Обелиск патӗнчи чарӑнуран тапранать, хакӗ — 10 доллар.
- Remis: таксин ҫак тӗсӗпе усӑ курса аэропорта ҫитерме нумай компани хӑйӗн пулӑшӑвне сӗнет.
- Такси: Буэнос-Айресран аэропорта таксипе ҫитмелли хак 30-50 долларпа танлашать, вӑл трафика пула тата суйласа илнӗ маршрута кура уйрӑлса тӑма пултарать.
- UBER: таксипе усӑ курнинчен кӑшт йӳнӗрех, анчах та вӑл аэропорта ҫитмелли саккуна пӑхӑнман меслет шутланать (такси профсоюзӗсем ҫине тӑнине пула ҫӗршыв влаҫӗсем UBER-а саккунлӑ ӗҫлеме май уҫса параймаҫҫӗ)
- Машинӑна тара илни: ку меслетпе усӑ курма сӗнекен компанийӗсен йышӗ сахал мар.
Ҫавӑн пекех пӑхӑр
тӳрлетАсӑрхавсем
тӳрлетКаҫӑсем
тӳрлет | Ку статьяна Википедин Вырӑс уйрӑмӗнчи Международный аэропорт имени Министра Пистарини статьяна чӑвашла куҫарса хатӗрленӗ. |