Сесар Аспілікуэта
Сесар Аспілікуэта Танка (ісп.: César Azpilicueta Tanco; нар. 28 жніўня 1989, Памплона, Іспанія) — іспанскі футбаліст басконскага паходжання, універсальны правы і левы абаронца мадрыдскага «Атлетыка» і нацыянальнай зборнай Іспаніі.
 Сесар Аспілікуэта | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||
| Агульная інфармацыя | ||||||||||||||||||||||
| Поўнае імя | Сесар Аспілікуэта Танка | |||||||||||||||||||||
| Нарадзіўся | 28 жніўня 1989[1][2][…] (34 гады) | |||||||||||||||||||||
| Грамадзянства |  Іспанія | |||||||||||||||||||||
| Рост | 178 см[3] | |||||||||||||||||||||
| Вага | 76 кг | |||||||||||||||||||||
| Пазіцыя | абаронца | |||||||||||||||||||||
| Інфармацыя пра клуб | ||||||||||||||||||||||
| Клуб |  Атлетыка | |||||||||||||||||||||
| Нумар | 3 | |||||||||||||||||||||
| Маладзёжныя клубы | ||||||||||||||||||||||
| ||||||||||||||||||||||
| Клубная кар’ера[* 1] | ||||||||||||||||||||||
| ||||||||||||||||||||||
| Нацыянальная зборная[* 2] | ||||||||||||||||||||||
| ||||||||||||||||||||||
| Узнагароды і медалі | ||||||||||||||||||||||
| ||||||||||||||||||||||
| ||||||||||||||||||||||
 Медыяфайлы на Вікісховішчы | ||||||||||||||||||||||
Клубная кар’ера
правіцьСесар з’яўляецца выхаванцам футбольнай акадэміі «Асасуны». 8 красавіка 2007 года ён дэбютаваў у Ла Лізе ў матчы супраць мадрыдскага «Рэала» (0:2), паралельна застаючыся ў складзе другой каманды. Першапачаткова гуляў на пазіцыі паўабаронцы. У сезоне 2007/08 Сесар паспяхова замяняў траўмаваных аднаклубнікаў, да канца чэмпіянату заняўшы месца ў аснове каманды і перакваліфікаваўшыся ў латэраля. У сезоне 2008/09 Аспілікуэта стабільна выходзіў на поле ў стартавым складзе, а на наступны год стаў адным з вядучых ігракоў «Асасуны», згуляўшы ва ўсіх матчах лігі без заменаў.
Паводле чутак, якія з’явіліся ў чэрвені 2010 года, ігрок увайшоў у сферу інтарэсаў французскага «Марселя», а «Асасуна», з прычыны дрэннага фінансавага стану клуба, таксама была зацікаўлена ў трансферы[4]. 21 чэрвеня афіцыйны сайт французаў абвясціў аб пераходзе іграка[5]. Сума ўгоды склала 7 млн еўра[6].
24 жніўня 2012 года 22-гадовы ігрок узгадніў умовы асабістага кантракта з «Чэлсі» і прайшоў медыцынскае абследаванне. Паводле некаторых дадзеных, сума ўгоды склала ад 7 да 9 млн фунтаў[7]. Дэбютаваў у складзе «сініх» 25 верасня ў матчы Кубка лігі супраць «Вулверхэмптана». У 2019 годзе пасля сыходу Гары Кэхіла стаў капітанам каманды, у гэтай якасці прывёў «Чэлсі» да перамогі ў Лізе чэмпіёнаў у 2021 годзе.
У ліпені 2023 года пакінуў лонданскі клуб і вярнуўся ў Ла Лігу, падпісаўшы кантракт з мадрыдскім «Атлетыка».
Міжнародная кар’ера
правіць11 мая 2010 года настаўнік галоўнай зборнай Іспаніі Вісентэ дэль Боске ўключыў Аспілікуэту ў пашыраную заяўку з 30 футбалістаў на чэмпіянат свету 2010, але ў выніку на мундыяль Сесар не патрапіў. 20-гадовы абаронца з’яўляўся самым маладым пасля Давіда дэ Хеа іграком у спісе.
1 лютага 2013 года ён быў уключаны Дэль Боске ў заяўку на таварыскі матч супраць зборнай Уругвая. Праз пяць дзён Сесар адгуляў усе 90 хвілін, матч скончыўся перамогай з лікам 3:1 на карысць іспанцаў[8].
Дасягненні
правіць«Марсель»:
- Уладальнік Суперкубка Францыі (2): 2010, 2011
- Уладальнік Кубка французскай лігі (2): 2011, 2012
«Чэлсі»:
- Чэмпіён Англіі (2): 2015, 2017
- Уладальнік Кубка Англіі: 2018
- Уладальнік Кубка Футбольнай лігі: 2015
- Пераможца Лігі чэмпіёнаў: 2021
- Пераможца Лігі Еўропы (2): 2013, 2019
- Уладальнік Суперкубка УЕФА: 2021
- Пераможца клубнага чэмпіянату свету: 2021
Заўвагі
правіць- ↑ César Azpilicueta // Transfermarkt — 2000. Праверана 9 кастрычніка 2017.
- ↑ César Azpilicueta // FBref.com
- ↑ https://www.chelseafc.com/en/teams/first-team/cesar-azpilicueta?pageTab=biography Праверана 25 красавіка 2022.
- ↑ Аспиликуэта близок к переходу в «Марсель» Архівавана 4 сакавіка 2016.. Championat.com
- ↑ Accord de principe pour le transfert de César Azpilicueta. Olympique de Marseille
- ↑ OM: «Azpi» pour 9,5 millions d'euros? Архівавана 9 сакавіка 2012. Mercato
- ↑ «Марсель» и «Челси» подтвердили трансфер Аспиликуэты. Championat.com
- ↑ Campeón hasta en los simulacros. Marca
Спасылкі
правіць
На Вікісховішчы ёсць медыяфайлы па тэме Сесар Аспілікуэта
