Стыў Бушэмі
Сты́вэн Ві́нсэнт Бушэ́мі (па-ангельску: Steven Vincent Buscemi; нар. 13 сьнежня 1957, Бруклін, Нью-Ёрк, ЗША) — амэрыканскі актор і рэжысэр. Ляўрэат прэміяў «Эмі» і «Залаты Глёбус».
Біяграфія рэдагаваць
Нарадзіўся ў Брукліне ў сям’і санітарнага работніка італьянскага паходжаньня, які служыў у войску і браў удзел у Карэйскай вайне. Мае двух братоў, адзін зь якіх таксама стаў акторам. Гадаваўся каталіком[5]. У школе займаўся барацьбой, выступаючы за школьную каманду, і браў удзел у драматычнай трупе.
Вядомасьць Бушэмі прынесьлі такія фільмы, як то «Разьвітальныя позіркі» (1986), «Нью-Ёрскія гісторыі» (1989), «Таямнічы цягнік» (1989), «Шалёныя псы» (1992), «Роспачны» (1995), «Паветраная турма» (1997), «Армагедон» (1998), «Шэрая зона» (2001), «Прывідны сьвет» (2001), «Вялікая рыба» (2003) і «Сьмерць Сталіна» (2017). Ён таксама вядомы дзякуючы супрацоўніцтву з братамі Коэн, у якіх здымаўся ў фільмах «Мілерава скрыжаваньне» (1990), «Бартан Фінк» (1991), «Падручны Гадсакера» (1994), «Фарга» (1996) і «Вялікі Лябоўскі» 1998).
На тэлебачаньні Бушэмі вядомы дзякуючы ролі Накі Томпсана ў крымінальным тэлесэрыяле «Падпольная імпэрыя» (2010—2014), якая прынесла яму прэмію «Залаты Глёбус», дзьве прэміі Гільдыі кінаактораў ЗША, а таксама дзьве намінацыі на «Эмі». Бушэмі дэбютаваў у якасьці рэжысэра ў 1996 годзе, зь фільмам «Пад шатамі крон». Ён таксама зьняў фільмы «Зьверафабрыка» (2000), «Самотны Джым» (2005) і «Інтэрвію» (2007), і эпізоды такіх сэрыялаў, як то «Забойны аддзел», «Клан Сапрана», «Турма Оз», «30 уразаў» і «Мэдычная сястра Джэкі».
Крыніцы рэдагаваць
- ^ http://www.tvrage.com/person/id-48134/Steve+Buscemi
- ^ Steve Buscemi // filmportal.de — 2005.
- ^ Steve Buscemi // Энцыкляпэдыя Бракгаўза (ням.)
- ^ http://www.aveleyman.com/ActorCredit.aspx?ActorID=2420
- ^ «Steve Buscemi profile». John Lahr.
Вонкавыя спасылкі рэдагаваць
- Стыў Бушэмі (анг.) на сайце IMDb