Аблога Грознага
Абло́га Гро́знага — баі за сталіцу Чачэнскай рэспублікі Ічкерыі места Грозны падчас Першае расейска-чачэнскае вайны паміж расейкімі й чачэнскімі войскамі.
Расейскія войскі карысталіся поўнай перавагай у зброі. Яны мелі лётныя войскі, гарматніцу, танкі. У чачэнцаў не было лётных войскаў, амаль не было гарматаў і танкаў. Аснову іх зброі складалі ручныя аўтаматы й гранатамёты. Таму чачэнцы ў асноўным ваявалі там, дзе можна хавацца ад самалётаў і танкаў: у гарах, лясох і местах, дзе забудова дае магчымасьць быць незаўважаным ворагам. Расейскія войскі былі падзеленыя на чатыры часткі: паўночную, заходнюю, паўночна-ўсходнюю, усходнюю.
Пачатак аблогі
рэдагаваць22 сьнежня 1994 году а 5-й раніцы пачаўся абстрэл Грознага з гармат. Ад гэтага абстрэлу пацярпела шмат простых людзей, якія не ваявалі за чачэнцаў.
Наступ
рэдагаваць- 31 сьнежня 1994 году — наступ на Грозны. Лётная частка спачатку не прымала ўдзелу ў наступе з-за пахмурнага надвор’я. Расейкае войска наступала з трох бакоў: поўнач, захад, усход. Расейскія войскі ўвайшлі ў места спакойна бяз бою. Затым, калі яны дайшлі да сярэдзіны места — Чыгуначнага вакзала, — пачалася страляніна. Па іх пачалі страляць з аўтаматаў, кулямётаў і гранатамётаў. Адсутнасьць падтрымкі з боку лётніцы (з-за пахмурнага надвор’я) і гарматніцы (расейскія й чачэнскія ваяры знаходзіліся вельмі блізка адзін да аднаго, таму расейцы маглі пацярпець ад абстрэлу) рэзка зьнізіла перавагу расейскага войска ад чачэнцаў. Больш таго, вузкія вуліцы Грознага не давалі магчымасьць карыстацца танкамі. Расейцы проста блудзілі па месьце, ня ведаючы куды едуць.
Пасьля надыходу начы чачэнцы пачалі страляць па расейскіх войсках. Танкі, БМП падбівалі гранатамётамі, людзей забівалі кулямётамі й аўтаматамі. Падбіўшы першы й астатні танк ці машыну, чачэнцы не давалі магчымасьці расейцам выехаць з вузкіх вуліцаў Грознага. Агулам з 31 сьнежня 1994 па 2 студзеня 1995 году было забіта каля 200 расейцаў. Расейскае войска вымушанае было з Грознага ўцякаць.
- 1 студзеня 1995 году расейскае войска спрабавала вырвацца з Грознага, але гэта не ўдалося. Амаль усё начальства загінула. Простыя ваяры прарываліся самастойна «па агародах», па 2 ці 3 чалавекі. Была старачана ўся цяжкая тэхніка, што потым дало магчымасьць чачэнцам карыстацца ёю пры далейшай абароне Грознага.
- 3 студзеня расейскае войска пачало марудны наступ, калі адзін дом за другім здабывалі ў чачэнскага войска. Пачалі выкарыстоўваць лётнае войска, гарматы.
- 18 студзеня пачалі ў сярэдзіне места аблогу Палацу прэзыдэнта Чачэнскае рэспублікі Ічкерыі.
- 19 студзеня — здабыцьцё Палацу прэзыдэнта.
- 6 лютага ў сярэдзіне места расейскае войска здабыла асноўныя будынкі.
- 6 сакавіка расейскае войска здабыла паўднёвую частку Грознага — Чарнарэчча.
Страты
рэдагавацьАгулам расейскае войска страціла ў Грозным з 31 сьнежня 1994 па 1 красавіка 1995 году 1426 чалавек, паранена 4630, а 96 чалавекаў было ў палоне.