音名

一個音名jam1 meng2（英文：pitch class）係指音階上面某一個音嘅名，又或者可以理解做感知上同音嘅所有音高嘅名；而當中每對相鄰嘅音都係相距一個八度咁遠，喺廿一世紀初主要係用英文字母 A 至 G 來做音名，而每一對相鄰而且同音名嘅音符之間嘅距離係一個八度咁遠^[1]，基本音名可以再加升號或者降號等等嘅變音符號，構成另一個音名。

舉個例說明，中 C（middle C，即係電子音樂講嘅所謂 C₄）係最出名嘅音高之一，亦係啲人學鋼琴嗰陣通常第一吓會彈嘅聲，標準頻率係 261.626 Hz 左右；佢對上高啲音嗰個 C 音係所謂嘅高 C（電子音樂叫 C₅），C₄ 同 C₅ 音名上相同，係兩個相鄰嘅 C 音，之間相距一個八度，即係話 C₅ 喺頻率上係 C₄ 嘅兩倍。

喺西洋音樂度，每個音嘅高低係一定有，而且有一個名畀佢。亦都有用圖來表示音高。