第47屆日本眾議院議員總選舉

2012年12月第46屆日本眾議院議員總選舉之後，自民黨同埋公明黨就係眾議院霸住超過三分之二議席嘅絕對多數，第二次安倍內閣施政可以話一帆風順。喺經濟方面實行安倍經濟學，同美國一樣諗住有無限金錢嘅量化寬鬆、機動財政政策、規則緩和爾「三支利箭」；喺地方推行創生同婦女活躍戰略；規劃國家戰略特區試驗規則緩和政策；加入TPP（跨太平洋戰略經濟夥伴關係協議）談判。國家安全保障方面就通過《特定秘密保護法》；成立國家安全保障會議；廢除武器出口三原則；解禁集體自衛權。外交方面，實行全方位地球儀嘅全方位外交，改變咗日本戰後嘅消極和平主義，轉咗做積極和平主義，強化日美關係、日印關係、日澳關係等。

但係就喺呢個時候，經濟狀況雖然曾經出現過一陣較強勢嘅好轉，日經平均指數比民主黨政權時代翻咗一倍，日元匯率大幅插水；但係經濟狀況其實唔係好穩，經濟數據大起大落。而2014年4月將消費稅上調到8%之後，對消費同投資嘅衝擊就遠超預期，兩個季度嘅經濟都係負增長，技術上陷入咗衰退。安倍內閣嘅婦女活躍戰略同埋規則緩和政策亦畀人話係緩慢同埋保守。「地球儀外交」亦畀人話輕視對中國同韓國外交，鄰國外交幾乎無郁過；2013年底安倍首相參拜靖國神社，亦令到日本同中韓就歷史認識問題嘅爭執更加犀利。

第二次安倍內閣嘅支持率就一直維持喺較高水準，曾經去到70%以上；雖然後期支持率有所下滑，但係對比大多數日本內閣嘅支持率，始終都係較高狀態。

第二次安倍內閣成立到宜家，執政黨入面至少出現過三次比較犀利嘅解散眾議院聲音：

1. 2013年夏季：由於「一票的格差」問題，眾議院議員總選舉嘅結果喺史上第一次被地方裁判所裁定違憲同埋無效。執政黨內有人認為應該趁機解散眾院，順便一次過舉行日本兩院嘅選舉。但係只係諗過冇實行，後來亦通過咗選舉區嘅「0增5減」方案，最高裁判所亦冇裁定上屆選舉無效^[1]。
2. 2014年夏季：安倍內閣堅持喺2014年夏季內閣閣議通過解禁集體自衛權，但係一直喺自民黨嘅盟友公明黨就玩起拖字決，因為公明黨入面有好多人唔支持咁做。但係自民黨就威脅取消同公明黨嘅聯合執政關係，並解散眾議院提早大選，成功迫使公明黨聽話應承，同意解禁集體自衛權^[2]。
3. 2014年11月：第二次安倍內閣改造之後，兩個女性閣員都同時出現賄選等醜聞而上任唔到一個月就焗住辭職，重創安倍內閣嘅威望。在野黨亦因為呢個原因喺國會追究內閣嘅責任，杯葛審議，立法工作緩慢。加上消費稅上調之後，2014年第二、三季度嘅經濟都衰過預期，安倍政府諗住推遲第二階段嘅消費稅上調計劃。但推遲上調消費稅計劃會違反左2012年同民主、自民、公明嘅三黨協議，因此有必要舉行大選將問題交俾選民話事，同埋視為對安倍經濟學信任票^[3]。

以自民黨同公明黨嘅執政聯盟攞到壓倒性嘅議席，議席超過三分之二。安倍晉三繼續做首相。

自民黨副總裁麻生太郎同埋因政治資金醜聞而請辭嘅前經濟產業大臣小淵優子亦都喺各自選區贏出。而在野民主黨黨魁，海江田萬里就喺佢選區輸咗^[4]。

出處：

• 議席數：^[5]
• 得票數：^[6]

自民黨 民主黨 維新黨 公明黨 共產黨 生活黨 次世代黨 社民黨 無黨藉

自民黨 民主黨 維新黨 公明黨 共產黨 社民黨

有※曾經係參議院議員

• 金子惠美※

• 仲里利信

• 保利耕輔（旧佐賀3區）^[7]
• 大久保三代（比例東北區）^[7]
• 永山文雄（比例北陸信越區）^[7]
• 泉原保二（比例四國區）^[7]
• 宮路和明（比例九州區）^[7]

• 村上政俊（大阪4區）^[7]

• 今村洋史（比例東京區）^[7]

• 佐佐木憲昭（比例東海區）^[7]

• 林原由佳（比例近畿區）^[7]