東張西望

一般情況下，節目第一節會係一啲時事新聞或者娛樂新聞，而去到第二節就會係探討一啲近期社會問題，當中唔少會係觀眾報料。另外，佢哋偶然亦會對出一啲同喺無綫重頭節目（例如：香港小姐）或者重大社會事件（例如：四川大地震、馬尼拉人質事件）有關嘅特輯。

近似於一般評論節目，《東張西望》有啲位會加入主觀意見或者立場。另外，佢哋討論一啲議題嘅時候，有時亦會帶有相關嘅商業宣傳。

節目喺2005年6月6號起啟播，以替代先前嘅同類型娛樂新聞節目《娛樂大搜查》，2005年9月19號起因播映《百法百眾（中文：百法百眾）》第二輯而暫停，之後喺2005年10月31號起恢復播放。當時節目內容以娛樂新聞同埋藝人貼身追訪為主，亦會穿插無綫電視劇集宣傳同埋旗下藝人嘅最新動向。而部份娛樂新聞內容片段會喺第二日嘅《娛樂直播（中文：娛樂直播）》重播。

2007年12月31號起，節目改用16:9技術製作，並且翡翠台同埋高清翡翠台同步播出。

2009年3月30號起，節目同主持班底都全面改革，並大幅增加時事新聞內容，本來嘅娛樂新聞比例降到兩至三成，有時甚至全集唔播娛樂新聞，縮減嘅娛樂新聞內容就轉至深夜嘅《娛樂頭條（中文：娛樂頭條）》節目中播映。

2012年11月29號起，節目安排喺翡翠台同埋高清翡翠台深夜逢星期二至星期六01:20-01:45（連廣告）重播，但去到2013年3月19號，翡翠台深夜重播時段就改到去01:55-02:25。

節目喺2005年10月31號至2009年3月27號期間嘅主題音樂叫做《Symmetry Of Spirit》，2009年3月30號至2019年3月1號改用新版主題音樂《Gearing Up》。而節目內容預告背景音樂叫做《Laserline》。現今就用咗為徐洛鏘編曲嘅純音樂。

• 廠景：林曉峰、梁榮忠、王祖藍、崔建邦、李浩林、高皓正、章志文、胡諾言、蘇晉霆（中文：蘇晉霆）、何傲芝（中文：何傲芝）、龔嘉欣、姚婷芝、張慧慈（中文：張慧慈）、張名雅、陳倩揚、郭嘉文、李潤庭、古巨基、宋熙年、容羨媛、朱智賢
• 廠景兼外景主持：黎芷珊、麥雅緻、林泳淘、潘梓鋒
• 外景主持：李忠希、王殷廷（中文：王殷廷）、溫家恆（中文：溫家恆）、何基佑（中文：何基佑）、張景淳、黃智雯、袁嘉敏、張美妮、宋芝齡、彭慧中、朱滙林、麥皓兒、譚玉瑛、蓋世寶、姚浩政、許家傑、魏韵芝、陳約臨、鍾君揚

自開播以嚟，《東張西望》偶然會因為香港有突發新聞事件，或者無線宣傳重點節目等原因，會安排特備節目而令《東張西望》暫停一日或者更改播放時間。

新聞相關 編輯

就無綫節目同藝人宣傳安排嘅特備版本 編輯

節目部分內容之後被放上無綫各個YouTube官方頻道，有啲得到唔錯嘅點擊率(例如：藝人結婚^[2][3]、電話補習班騙案^[4]等)，甚至一度登上Youtube熱門榜行榜。而2021年10月一次跟進醫療事故嘅環節，李旻芳因為訪問期間哽咽落淚，亦得到一啲網民關注^[5]。不過，《東張西望》嘅內容一直有唔少人批評同爭議，其中包括節目混合廣告被批評罰款、未經同意盜用他人短片、硬銷政府政策同決定、對社會問題抱有偏頗預設立場嘅爭議、發佈假新聞等。

無綫電視

• 《城市追擊》
• 《天地最前線》
• 《全線大搜查》
• 《香港直播》
• 《娛樂直播》
• 《娛樂頭條》
• 《TVB娛樂新聞報道》

香港開電視

• 《一線搜查》

1. ↑ 〈《東張西望》跨越三千集慶祝晚宴〉. 原著喺2021年3月11號歸檔. 喺2021年11月16號搵到.
2. ↑ https://www.youtube.com/watch?v=CAjp5FgtZZk
3. ↑ https://www.youtube.com/watch?v=KjttBNYsUA8
4. ↑ https://www.youtube.com/watch?v=DAAIOYcSz1c
5. ↑ 張嘉敏 (2021-10-09). 〈東張西望｜6歲天瑜患癌因醫療事故變植物人 李旻芳訪問哽咽落淚〉. 《香港01》 (香港中文). 喺2021-10-10搵到.