ბრუცელოზი

ბრუცელოზი, მალტაშ ჩხე დო ჩხურუ, ბანგიშ ლახარა — ადამიერიშ დო ჩხოლარეფიშ ინფექციურ-ალერგიული ლახარა. მეურს განწეხანს (3 თუთაშე 2 წანაშახ დო უმოსისჷთ), უმენტაშო გავალს მეთმიორინუანს ნერვულ სისტემას, ყვილეფს, ორსხუაფუეფს (სამანეფს). ბრუცელოზიშ გჷმმაჭანაფალი მიკროორგანიზმეფი — ბრუცელეფი სუმი სახეშ რე: შხურიშ (Brucella melitensis), ხოჯიშ (Brucella abortus) დო ღეჯიშ (Brucella suis). ინფექციაშ თარი წყუ რე დალახებული ჩხოლარი (თხა, შხური, ღეჯი, შხუ ქალამი ორინჯი), ნამუსჷთ გუმუღუ ბრუცელეფი აბორტიშ (გოჸოთამაშ) ვარ-და ხალაშ ბორჯის, თაშნეშე ბჟაწკჷმა, ბჟღერწკჷმა დო ნაკელწკჷმა ართო. ადამიერს აღოლე ბრუცელოზით დალახებული ორინჯიშ ბჟაშ შუმათ, ბჟაშ ნაწარმიშ, გლახათ ხაშილი ვარ-და უგშუჭუ ხორციშ ჭკომუაშ შედეგო. ორგანიზმიშა ბრუცელეფქ შილებე მოხვადან თაშნეშე დაშებული ცქირცქამი დაცხიშე ვარ-და კანშე (ნაჭკირა, ნაცხაბარა), შუროღალი რზეფშე (ბრუცელეფამი ტვერიშ ინოშურაფა) დო თ. უ. ილახებჷნა უმოსო დალახებულ ჩხოლარეფწკჷმა კონტაქტიშ მოღვენეფი.

ბრუცელოზი
ICD-10	A23.{{{3}}}
ICD-9	023
DiseasesDB	1716	1716
MedlinePlus	000597	000597
eMedicine	med/243	med/243