Djedene

• Dimorants: 4.398 (2005)
• Sitindêye: 151,56 km²
• Dinsité: 29,02 djins/km²
• Limero del posse: 5575 (po tote li comene)
• Arondixhmint: Dinant

49°59N—4°56'E

• Djedene (viyaedje)
• Li Grande Boursegne
• Li Grande Louwate
• Hodrémont
• Måvjhén
• Patiniye
• Li Ptite Boursegne
• Li Ptite Louwate
• Riene
• Li Sårt-Custene
• Vencîmont
• Vierziye

Djedene est dins l' bassin del Houye, pitite rivire ki rdjond Mouze dilé Djivet (so France) et k' est colnijheye a plaeces pås castors.

Djedene vijhene avou l' massif li pus hôt del province di Nameur, li Croes-Schaye (503 m); payis di fagnes et d' brouyires.

On a cåzé l' prumî côp d' Djedene e 1017 u 1028 dins “Miracula S. Gengulfi”, sicrît pa Gozon, moenne et abé di Florene, ki raconte les margayes a propôs des rlikes di Sint Djingou k' ont stî hapêyes a Djedene et moennêyes a Florene, al dimande do signeur Arnoul di Rumigny.

Jacques d' Orchymont esteut signeur hôtin di Djedene, k' il a, diviè 1200, afranki al coutume di Ranwez.E 1236, Baudouin d' Orchymont confirmêye li coutume di Renwez, mins avou des amenadjmints po les djins d' Djedene. Ci coutume la a fwait plaece pus tård al coutume di Bouyon.

L' istwere di Djedene a stî assez ctapêye. Gn a k' a vey les eclaves ki les ptits viyaedjes avént dins les bwès d' Djedene.

Li 23 d' awousse 1914 i gn a yeu on combat eter Almands et Francès, k' a cmincî so Patiniye po s' achever al nute al Pitite Louwate et a Hodrémont d' on coté, a Vierzeye di l' ôte.

• Li Fagne di l' Abîme (unicmint so caybotis) avou les osmondes
• L' arboretom (al gåre di Djedene)
• Al Cinse Djacot (Croes-Schaye), li “tour do meynaire”

A vey sol site del Croes-Schaye; c' est èn assimblaedje di 6 gros sapéns (des douglas di 80 ans), 3 pa 3 po fé 2 trepîs.Li prumî trepî est pôzé al tere et l' deujhinme est emantchî sol prumî, mins les pates al copete.I sont insi betchfessîs onk dins l' ôte.Djondant l' assimblaedje, gn a des dobès montêyes ki vont djusk' al copete, raclôses dins on tube di foitès tôles perforêyes po-z î vey clair.

Les sapéns fijhèt 35 metes di hôt et l' tour fwait 50 metes.Sol hôteur, gn a troes platfômes, a 17, 34 et 50 metes.Pa bea timp, on voet a 50 km lon et les panatches di wapeur del cintråle di Tchô, dlé Djivet, come si on sereut adlé.

Li canton d' Djedene si compôze di 3 comenes :

• Bive
  • Bive, Graide, Nayômé, Bayamont, Wåjhî, Grå-Fayi, Tchîplane, Coirnîmont, Li Moncea, Li Fayi, Belfontinne

• Djedene
  • Djedene, Vierzeye, Riene, Li Grande Boursegne, Li Ptite Boursegne, Vencîmont, Måvjhén, Patiniye, Li Sårt-Custene, Li Grande Louwate, Li Ptite Louwate, Hodrémont

• Vresse,
  • Vresse, Laforêt, Tchairire, Yåle, Mouzaive, Mambe, Bôhan, Herisson, Orcîmont, Nafraiteure, et dipwis les grands rebanaedjes: 3 viyaedjes k' ont vnou del province do Lussimbork: Suni, Badjimont, Pûsmadje

	Province di Nameur
Arondixhmint di Dinant : Anhêye | Astire | Biarin | Bive | Cînè | Dinant | Djedene | Hamwè | Havlondje | Houyet | Onhaye | Rotchfoirt | Some-Leuze | Uwar | Vresse Arondixhmint di Nameur : Andene | Assesse | Djeve | Djiblou | Djimepe-so-Sambe | Ferneamont | Florefe | Fosse-li-Veye | Inguezêye | Les Brouwires | Metet | Nameur | Ohè | Parfondveye | Sambveye | Sombrefe Arondixhmint di Flipveye : Cerfontinne | Couvén | Dweche | Flipveye | Florene | Virwinvå | Walcoû
Beldjike | Walonreye | Provinces

I gn a so les cmons Wiki How des imådjes ou fitchîs son a vey avou Djedene .